14th August 2018, Tuesday

E-budhabar

अध्यक्ष बन्न आनाकानी



काठमाडौं । ऋण र घाटाबाट अझै उक्सिन नसकेको साझा प्रकाशनमा अहिले अध्यक्ष बन्न चाहनेहरूको खोजी भइरहेको छ । महाप्रबन्धक डोलिन्द्रप्रसाद शर्माले महाप्रबन्धकका साथै अध्यक्षसमेत बन्न विभिन्न शक्तिकेन्द्रहरूमा धाएर तीव्र रूपमा लबिइङ गरिरहे पनि उनीबाहेकका मानिसको खोजी भइरहेको छ ।
डुब्दो अवस्थामा रहेको सो प्रकाशनमा अध्यक्ष बन्न जानु छट्टु स्वभावका महाप्रबन्धक शर्मासँग सिँगौरी खेल्न मात्र जानु हो भन्ने बुझेपछि इच्छा हुनेहरूले पनि मन मार्दै गएको बताइन्छ । तर, शिक्षा तथा विज्ञान प्रविधिमन्त्री गिरिराजमणि पोखरेलले भने संकटमा परेको साझालाई उठाउन सक्ने पात्रहरूको खोजी भने जारी नै राखेको बताइन्छ । मन्त्री पोखरेलले आफूनिकटका व्यक्तिहरूलाई साझाको अध्यक्ष बनाउने सम्भावना रहेको पनि बताइन्छ । सोही क्रममा मन्त्री पोखरेलनिकटका मानिसहरूले प्राज्ञ मातृका पोखरेललाई प्रस्ताव राखेको बुझिएको छ । पूर्वएकता केन्द्र निकट मानिने पोखरेल मन्त्री पोखरेलसँग नजिक रहेको हुँदा पनि उनलाई प्रस्ताव गरिएको बताइन्छ ।
यसैगरी, अध्यक्ष बन्नका लागि वर्तमान सञ्चालक समिति सदस्य हरिहर खनालले पनि चासो दिइरहेको बुझिएको छ । खनालले अध्यक्ष बन्न लबिइङ नगरिरहे पनि उनको इच्छा भने रहेको बताइन्छ । तर, खनाललाई अध्यक्ष बनाउँदा साझाले गति लिन नसक्ने र महाप्रबन्धक शर्माले उनलाई घुमाउन सक्ने सम्भावना रहेको हुँदा इच्छा गरे पनि खनालको सम्भावना कम रहेको देखिएको छ । त्यस्तै, साझालाई हाँक्न संस्थालाई बुझेको मान्छेको खोजी भइरहेको हुँदा पूर्वसञ्चालक हरिगोविन्द लुइँटेलको नाम पनि आएको छ । पूर्वअध्यक्ष ममता झाको पालामा लुइँटेलले सञ्चालक समितिमा रहेर काम गरेका थिए ।
यसैबीच, अवकाश पाएका साझाका कर्मचारीहरू महाप्रबन्धक शर्माविरुद्ध खनिएका छन् । अवकाश पाएका कर्मचारीहरूले तलब र उपदानबापत पाउने लाखौं रुपैयाँ नपाएपछि उनीहरू महाप्रबन्धकको राजीनामा माग्दै आन्दोलित भएका हुन् । महाप्रबन्धक शर्माले घाटामा गएको साझालाई बचाउने भन्दै अवकाश लिन चाहने कर्मचारीहरूलाई आकर्षक अवकाश योजना ल्याएका थिए । तर, अवकाश पाएको लामो समय बितिसक्दा पनि कर्मचारीहरूले तलब र उपदानस्वरूप पाउनुपर्ने रकम पाइरहेका छैनन् ।
केही दिनअघि, महाप्रबन्धक शर्माले आफ्नो कृति ‘बादलभित्रको घाम’ विमोचन गर्दा अवकाशप्राप्त साझाका कर्मचारीहरूले अवरोध पु¥याउने डरले प्रहरी सुरक्षाबीच कार्यक्रम गरेका थिए । नयाँ बानेश्वरको हिरा पार्टी प्यालेसमा भएको विमोचनको बेला गौशाला प्रहरी वृत्तका डीएसपीको नेतृत्वले उनको कार्यक्रमलाई सुरक्षा दिएको थियो । कार्यक्रम हुनुअघि साझाका अवकाशप्राप्त कर्मचारीहरूले कार्यक्रमस्थलमै आएर भण्डाफोर गर्ने बताएपछि उनले प्रहरी सुरक्षा घेराबीच कार्यक्रम गरेका थिए ।

Leave a Reply

... र यो पनि ...

चक्रपथ

सरकारको बाटोमा अदालतको तगारो

काठमाडौं । दुई तिहाइ बहुमत प्राप्त स्थिर सरकारलाई आफ्नो ढंगले काम गर्न अदालतले पटकपटक तगारो लगाएको छ । अघिल्लो सरकारले राजनीतिक आस्थाका आधारमा जाँदा जाँदै गरेका नियुक्तिहरू- ...
पूरा पढ्नुहोस्

स्रष्टा र सिर्जना

साउने प्रतिज्ञा

हरेक दिन दाह्री–जुँगा मिलाएर हिँड्ने एकजना साथी दाह्री–जुँगा पालेको अवस्था देखेपछि प्रश्न गर्न मन लाग्यो, ‘दाह्री–जुँगा पाल्न थाल्नुभएछ नि, किन यस्तो विरूप हो ?’ ती साथीले जवाफ- ...
पूरा पढ्नुहोस्

नयाँ पुस्तक

समस्याको उठान

देश, समाज र परिवारभित्र दैनन्दिन रूपमा अनेक घटनाहरू जन्मिरहेका हुन्छन् । निश्चय नै, त्यस्ता घटनाहरूले मानिसको जीवनमा सानाठूला प्रभाव पार्दछन् । कुनै घटनाको प्रभाव क्षणिक हुन्छन्- ...
पूरा पढ्नुहोस्

छोटकरीमा