14th December 2017, Thursday

E-budhabar

अध्यागमनमा भक्तनारायणको भोजन



काठमाडौं । कालिकास्थानमा रहेको अध्यागमन विभाग विभिन्न कार्यालय र त्यस अन्तर्गत विभिन्न शीर्षकमा हुने खर्चको रकम भोजन गर्ने अखडाका रूपमा परिणत भएको छ । सो कार्यालयका लेखा शाखामा कार्यरत लेखापाल भक्तनारायण श्रेष्ठले मनोमानी ढंगले कार्यालयको खर्च दोहन गर्न थालेपछि अध्यागमन परिसरमा यस्तो चर्चा हुन थालेको हो ।
नक्कली कागजातलाई सक्कलीसरह मानी लाभ लिएर अधिकांश मानिसलाई विदेश पठाउने कार्यमा समेत संलग्न भनेर बदनाम हुन थालेका अध्यागमनका कर्मचारीहरू पछिल्लो समय रातारात लेखा शाखाबाट रकमको दोहन गर्न थालेपछि थप बदनाम भएका छन् । र त्यसको अगुवाइ लेखापाल भक्तनारायणले लगातार चार वर्षदेखि गर्दै आएको बुझिएको छ ।
जो निजामती सेवा नियमावलीको प्रावधानविपरीत एकै ठाउँमा लगातार चार वर्षदेखि बसेर आर्थिक अपचलनदेखि अन्य चारित्रिक बदनामीको काम गर्दै आएको स्रोतको दाबी छ । यो चार वर्षका बीचमा आधा दर्जनभन्दा बढी महानिर्देशक फटाइसकेका लेखापाल श्रेष्ठले चारवर्षे अध्यागमनको बसाइमा विभिन्न स्थानमा घरघडेरी जोडेको सहकर्मीहरू बताउँछन् ।
भोजपुरका सामान्य आर्थिक हैसियतका यिनले यो चारवर्षे अवधिमा अकूत सम्पत्ति आर्जन गरिसकेको र अख्तियारबाट छानबिनको घेरामा राख्नुपर्ने आवाज उठेको छ । विभागदेखि देशभरका कार्यालय सञ्चालन, आवश्यक सामान खरिद, विभागबाट विभिन्न कार्यक्रममा गरिने खर्चको कमिसन नै यिनको कमाइको मुख्य स्रोत भएको सहकर्मीहरू बताउँछन् । विभाग परिसरमा पाल्पाली खाजा घर नामको क्यान्टिन विगत ६ वर्षदेखि केशव पोखरेलले सञ्चालन गरिरहेका छन् । उनलाई बिनाप्रतिसपर्धा लेखापाल श्रेष्ठले सो क्यान्टिन चलाउन दिएको र त्यसबापत मासिक ४० देखि ५० हजार रूपैयाँसम्म उनले बुझ्ने गरेको चर्चा छ ।
श्रेष्ठले विभागमा आउने लेखा अधिकृतलाई अनेक ढंगले बदनाम गर्ने र टिक्नै नदिने गरेका आरोप पनि छ । अहिलेका महानिर्देशक दीपक काफ्लेसँग पनि राम्रै समन्वय गरिसकेका श्रेष्ठले यस अघिका महानिर्देशक केदार न्यौपानेसँग भने विवाद गरेका थिए । विवादका कारण महानिर्देशक न्यौपानेले उनको कार्यकक्षमा छिर्नसमेत लेखापाल श्रेष्ठलाई प्रतिबन्ध लगाएको बुझिएको छ । त्यहाँ आफूभन्दा माथिल्लो तहमा आउने लेखा अधिकृतसँग उनले महालेखा नियन्त्रकको कार्यालयका प्रशासन शाखाका सहसचिव केवल भण्डारीसँगको सम्बन्ध हवाला दिएर उनीहरूलाई अटेर गर्दै आएका थिए । पछिल्लो सरुवामा पनि उनै सहसचिव भण्डारीलाई ५ लाख रूपैयाँ बुझाएर उनी सोही अड्डामा थमौती भएको बुझिएको छ । लेखाअधिकृत निरज केसीसँग त उनले झगडा नै गरी हैरान पारेका थिए । केसीको चाँडै नैै सरुवा भएपछि अर्को लेखा अधिकृतलाई आउनै नदिई करिब एक वर्षसम्म त उनी एक्लैले विभागको लेखा प्रमुख भएर काम गरेका थिए ।
विभागमा आउने प्रायः महानिर्देशकदेखि निर्देशकहरूलाई समेत अटेर गर्ने र प्रचलित मूल्यभन्दा बढीका खरिदमा तथा खर्चमा हस्ताक्षर गर्न लगाउने गरेको गुनासो छ । दीपलक्ष्मी इन्टरप्राइजेजलाई यसै हप्ता मात्र लेखापाल श्रेष्ठले २ लाख ५ हजार र १ लाख ८५ हजार गरी दुई किस्ता भुक्तानीका लागि चेक काटेका थिए । त्यस रकममा पनि आधा रकम उनले कमिसन लिएको स्रोतको दाबी छ । त्यस्तै, नमबुद्ध ट्रेड एन्ड सप्लायर्सलाई सार्वजनिक सम्पत्ति मर्मतसम्भारका लागि भन्दै ९८ हजार भुक्तानी दिएको बुुझिएको छ । उनले अहिले भएका लेखाअधिकृतलाई समेत उनले आफू चार वर्षदेखि कार्यरत रहेको, सबै थाहा भएको आदि बताएर निरीह बनाएको बुझिएको छ । विभागमा आएको बजेटबाट अतिरिक्त कमाइ गर्न सफल श्रेष्ठ महिलाका मामिलामा अत्यन्त कमजोर भएको बुझिएको छ ।

Leave a Reply

... र यो पनि ...

चक्रपथ

कुमारी र एनसीसी बैंक डुबाउने खेलमा को–को ?

काठमाडौं । काण्डैकाण्डमा मुछिएको कुमारी बैकमा फेरि पनि विवाद बल्झिएको छ । यसअगाडिका सीईओ उदयकृष्ण उपाध्याय यौन काण्डमा परेर चर्चामा आएका मात्र होइनन्, उनको जागिर नै गएको थियो- ...
पूरा पढ्नुहोस्

स्रष्टा र सिर्जना

जहाँ फुल्दै छ एउटा सार्थक सपना

आखिर सपना देख्नेहरू नै बदल्छन्– सिंगो संसार, आफू बाँचिरहेको समाज÷परिवेश । युवा सर्जक कमल ढकालसँग पनि सपनाका अनगिन्ति थाकहरू थिए । तिनै सपनामध्ये अहिले एउटा स्वप्नले सार्थक र- ...
पूरा पढ्नुहोस्

नयाँ पुस्तक

चीन बुझ्न सजिलो

पहिलो आर्थिक महाशक्ति बन्ने तीव्र दौडमा सामेल चीनले पछिल्ला अवधिमा विकास, उन्नति र समृद्धिको क्षेत्रमा मारेको फड्कोले सबैलाई चकित तुल्याउँछ । समाजवादी राज्य प्रणाली अपनाएयता- ...
पूरा पढ्नुहोस्

छोटकरीमा