16th August 2018, Thursday

E-budhabar

आयोग नै कर्मचारी–नेतासामु लाचार



काठमाडौं । केही दिनअघि लोकसेवा आयोगले ८० जना सुब्बालाई शाखा अधिकृतमा बढुवा ग¥यो । फाइल बढुवा भएर शाखा अधिकृत हुनेहरूमा केही ‘निजामती नेता’हरू रहे । तर, आयोगले केही निजामती नेताहरूको बढुवा गर्दा भने आँखा चिम्लिएको पाइएको छ ।
शाखा अधिकृतमा बढुवा हुनेहरूमा आधिकारिक उपाध्यक्ष भोला पोखरेल, कांग्रेसनिकट कर्मचारी संघको अध्यक्ष गोपाल पोखरेल र तत्कालीन एमालेनिकट कर्मचारी संगठनको अध्यक्ष केदारप्रसाद देवकोटा पनि परेका छन् । फाइल बढुवा गर्दा दुर्गममा बसेर काम गरेको हुनुपर्ने भए पनि ट्रेड युनियनका उपाध्यक्ष पोखरेल र कांग्रेसनिकट कर्मचारी संघको अध्यक्ष पोखरेलको भने दुर्गम क्षेत्रमा सेवा गरेको अनुभव नै नभई बढुवा हुन पुगेको छ । निजामती सेवामा प्रवेश गरेदेखि नै उपत्यका नछाडेका उपाध्यक्ष पोखरेलको यसअघि जुम्लाको प्रमुख जिल्ला अधिकारीको कार्यालयमा दरबन्दी रहेको थियो । तर, जुम्लामा दरबन्दी रहे पनि उनी जुम्लामा बस्दै बसेनन् । जुम्लामा दरबन्दी रहे पनि काठमाडौंमै सहकारी विभागमा काज मिलाएर कार्यरत रहे । उनी तीन महिनामा एकपटक जुम्ला जाने र फेरि काज मिलाएर काठमाडौंमै बस्दै आएका थिए । आयोगले पोखरेलको बढुवा गरेको छ ।
यस्तै, कांग्रेसनिकट कर्मचारी संघको अध्यक्ष पोखरेल पनि उपत्यका नछाड्ने भाग्यमानीमा पर्दछन् । उनको दुर्गममा दरबन्दी रहे पनि उपत्यकामा काजमा बस्दै आएका थिए । उनी पनि दुर्गममा कुनै सेवा नगरी उपत्यकामा नै बसेर बढुवा हुन पुग्नेमा परे । एमालेनिकट कर्मचारी संगठनको अध्यक्ष देवकोटाको भने भौगोलिक नम्बर पुगेका कारण बढुवा हुन पुगेको छ । उपत्यकामा १० वर्षभन्दा बढी बस्दा भौगोलिक नम्बर पुग्ने र दुर्गम क्षेत्रमा जानुनपर्ने नियम रहेको छ ।
आयोगले ८० जना कर्मचारीको बढुवा गरेपछि सबैलाई कर्णाली अञ्चलमा पठाइएको छ । तर, निजामती कर्मचारीको नेता भएका कारण पोखरेलद्वय र देवकोटालाई भने उपत्यकामा नै राखिएको छ । निजामती कर्मचारी संगठनको नेता भएकै कारण ८३ हजार निजामती कर्मचारीमध्ये करिब १ हजार आफूलाई पायक पर्ने ठाउँमा बस्दै आएका छन् । निजामती संगठनको नेतालाई उपत्यकामा बस्न पाउने सुविधा रहेको हुँदा निजामतीको नेता हुन दौडधुप चल्ने गरेको छ ।

Leave a Reply

... र यो पनि ...

चक्रपथ

वैकल्पिक ऊर्जामा कार्यकारीका लागि दौडधुप तीव्र

काठमाडौं । दर्जनौं दातृ संस्थाहरूको अर्बौं रकम ब्रह्मलुट गर्ने संस्था वैकल्पिक ऊर्जा प्रवद्र्धन केन्द्रको प्रमुख हुन तीव्र दौडधुप सुरु भएको छ । चार वर्षअघि केन्द्रको कार्यकारी- ...
पूरा पढ्नुहोस्

स्रष्टा र सिर्जना

अब खुल्दैन ‘साहित्य संसार’को दैलो !

‘बाबा ! म त धेरै बाँच्दिनँ, डाक्टरले १० वर्षको समय दिएको छ ।’ मिर्गाैला प्रत्यारोपणपछि नियमित डायलाइसिसका रहेको साहित्यकार एवं वरिष्ठ रेडियोकर्मी दाहाल यज्ञनिधिले भन्ने गर्नुहुन्थ्यो- ...
पूरा पढ्नुहोस्

नयाँ पुस्तक

सत्यापनको नजिक

आफ्नो जीवन–गाथा रच्ने इच्छा कसलाई हुँदैन र ? जीवनका अँध्यारा–उज्याला तस्बिरहरुलाई फ्रेममा टाँग्ने उत्साहले डोरिँदै समाजका प्रबुद्ध अनुहारहरुले आत्मकथा लेखिरहेका छन् । तर,- ...
पूरा पढ्नुहोस्

छोटकरीमा