15th August 2018, Wednesday

E-budhabar

उपाध्यक्ष नहुँदा लुम्बिनी अस्तव्यस्त



काठमाडौं । खाली रहेको चार महिना बितिसक्दा पनि लुम्बिनी विकास कोषमा नयाँ उपाध्यक्ष नियुक्त हुन नसकेकाले राष्ट्रिय गौरवको आयोजनामा पर्ने लुम्बिनीका कामहरू दिनप्रतिदिन अस्तव्यस्त बन्न पुगेका छन् । संस्कृति, पर्यटन तथा नागरिक उड्डयनमन्त्री जीतेन्द्रनारायण देवले कोषको उपाध्यक्ष नियुक्त गर्नेतिर तत्परता नदेखाएपछि कोषका काम ठप्प बन्दै गएका छन् ।
उपाध्यक्ष नभएको मौका पारेर कोषका सदस्य–सचिव अजितमान तामाङले पदावधि सकिन केही दिन बाँकी हुँदा उद्युम नै मच्चाउन थालेका छन् । मन्त्री देवलाई गुमराहमा राखेर उनले कोषको जिम्मेवारीबाट बिदा हुने बेला करिब २ सय कर्मचारीलाई तलब खुवाइरहेका छन् । कोषमा काम गर्ने कर्मचारीहरू दुई दर्जनभन्दा बढी नभए पनि उनले ८४ जना ज्यालादारी, ३८ जना सेवा करारका समेत गरी करिब २ सय कर्मचारीलाई बिनाकाम तलब खुवाइरहेका छन् । ती कर्मचारीहरूलाई मायादेवी मन्दिरमा भक्ताजनले चढाएको भेटीबापत आएको रकमबाट तलब दिइरहेका हुन् । सदस्य–सचिव तामाङको कृपामा पालिएका कर्मचारीहरू तलब बुझ्ने बेला मात्र कोषको कार्यालयमा उपस्थित हुने गरेका छन् । अरू बेला भने उनीहरू लुम्बिनीका देखा पर्दैनन् ।
त्यस्तै, अहिले लुम्बिनीमा पर्यटकहरूको चाप बढ्न पुगेको छ । शुक्रबार र शनिबार दैनिक ७० वटाजति गाडीमा पर्यटकहरू आउने गर्दछन् भने अरू दिन करिब ३० गाडीका हाराहारीमा पर्यटकहरू आउने गरेका छन् । तर, ती पर्यटकहरूमा विदेशी पर्यटक भने कमै आउने गरेको बताइन्छ । अहिले लुम्बिनी घुम्न आउने पर्यटकहरूको सिजन भए पनि सरसफाइमा उचित ध्यान नदिँदा पर्यटकहरू खिन्न भएर फर्किने गरेका छन् । गुरुयोजनाभित्र छिर्ने गेट, बसपार्कलगायतका ठाउँ फोहोरले भरिए पनि सरसफाइमा कोषका कर्मचारीहरूले तत्परता देखाइरहेका छैनन् । शौचालयमा दुर्गन्धले छिर्न नसकिने र खानेपानीको पनि उचित व्यवस्था नभएको हुँदा पर्यटकहरूमा लुम्बिनीप्रति नराम्रो धारणा बन्ने गरेको पाइएको छ ।

Leave a Reply

... र यो पनि ...

चक्रपथ

वैकल्पिक ऊर्जामा कार्यकारीका लागि दौडधुप तीव्र

काठमाडौं । दर्जनौं दातृ संस्थाहरूको अर्बौं रकम ब्रह्मलुट गर्ने संस्था वैकल्पिक ऊर्जा प्रवद्र्धन केन्द्रको प्रमुख हुन तीव्र दौडधुप सुरु भएको छ । चार वर्षअघि केन्द्रको कार्यकारी- ...
पूरा पढ्नुहोस्

स्रष्टा र सिर्जना

अब खुल्दैन ‘साहित्य संसार’को दैलो !

‘बाबा ! म त धेरै बाँच्दिनँ, डाक्टरले १० वर्षको समय दिएको छ ।’ मिर्गाैला प्रत्यारोपणपछि नियमित डायलाइसिसका रहेको साहित्यकार एवं वरिष्ठ रेडियोकर्मी दाहाल यज्ञनिधिले भन्ने गर्नुहुन्थ्यो- ...
पूरा पढ्नुहोस्

नयाँ पुस्तक

सत्यापनको नजिक

आफ्नो जीवन–गाथा रच्ने इच्छा कसलाई हुँदैन र ? जीवनका अँध्यारा–उज्याला तस्बिरहरुलाई फ्रेममा टाँग्ने उत्साहले डोरिँदै समाजका प्रबुद्ध अनुहारहरुले आत्मकथा लेखिरहेका छन् । तर,- ...
पूरा पढ्नुहोस्

छोटकरीमा