18th February 2018, Sunday

E-budhabar

उपेन्द्रकान्तका कारण प्रहरीकै बदनाम



काठमाडौं । प्रहरी महानिरीक्षक उपेन्द्रकान्त अर्यालका कारण सिंगो प्रहरी संगठनकै बदनाम भएको छ । अरूभन्दा व्यावसायिक छवि भएका संगठन प्रमुख मानिए पनि आईजीपी अर्यालको पछिल्लो भूमिकाका कारण उनको त्यो छवि पनि गुम्न पुगेको छ । संसदमा महाअभियोग दर्ता भएर निलम्बनमा परिसकेका अख्तियार दुरूपयोग अनुसन्धान आयोगका प्रमुख आयुक्त लोकमानसिंह कार्कीसँगको आईजीपी अर्यालको सामीप्यले गर्दा प्रहरी संगठन बदनाम भएको भन्दै संगठनभित्रै तीव्र असन्तुष्टि छाएको छ । आईजीपी अर्यालले यसबीचमा लोकमान रिझाउन आफ्नो प्रहरी संगठनको नै बदनाम गराएर विभिन्न अनधिकृत काम गर्दै आएको खुलेको छ । उनले नेपाल प्रहरीका लागि विदेशबाट आएको जासुसी यन्त्र अख्तियारमा दिनेदेखि लिएर ५० जनाको दरबन्दी रहेको अख्तियारमा ३ सय ५० जनाभन्दा बढी प्रहरी खटाउने गर्दै आएका थिए ।

त्यति मात्र होइन, स्वयम् लोकमानको चाकडीका लागि भीभीआईपीलाई भन्दा बढी पीएसओ खटाउने काम गरेका थिए । त्यसो त कल डिटेल, व्यक्तिको बसाइ र आवतजावतको लोकेसनदेखि म्यासेजका विवरण हेर्न प्रहरीको केन्द्रीय अनुसन्धान ब्युरोले पाएको उपकरण र सफ्टवेयर आईजीपी अर्यालले अख्तियार पु¥याइदिएका थिए, जसबाट प्रधानन्यायाधीशदेखि आलोचक नेता, पत्रकार, कर्मचारीलगायतको व्यक्तिगत विवरण र अन्य सूचनाको जासुसी हुने गथ्र्यो । विशुद्ध अनुसन्धानात्मक र मुद्दा अभियोजन गर्ने संस्थाले यसरी प्रहरीको स्रोतसाधन दुरूपयोग गरी अनुसन्धान गर्न नमिल्ने विज्ञहरू बताउँछन् ।

त्यसो त आफूसमेत छानबिनमा परिने डरले उनले लोकमानसँग यस्तो सेटिङ गरे कि उनलाई जे चाहियो त्यो सहयोगका व्यवस्था अर्यालले नै गर्ने गर्थे । कार्कीको आदेशमा प्रहरी प्रधान कार्यालयले एउटा अवैध अखडा नै खडा गरेको थियो, जुन ‘सेफ हाउस’मा गम्भीर भ्रष्टाचारका उजुरी र तिनका प्रमाणमाथि छलफल नभई व्यक्तिमाथिका जासुसीका क्रियाकलाप सञ्चालन हुन थालेको बताइन्छ । उक्त हाउसमा राष्ट्रिय अनुसन्धान विभागका प्रमुख दिलीप रेग्मी र आईजीपी अर्याल पनि नियमित रूपमा पुग्ने गरेको र गुप्तचरी सूचना लिने र त्यसको दुरूपयोग गर्ने गरेको बताइन्छ । उनको त्यो सहयोगकै कारण अख्तियारका अनुसन्धान अधिकृतले अर्यालको गैरकानुनी सम्पत्ति आर्जनको फाइल हेरेर तामेलीको सिफारिस गरेका थिए ।

त्यसो त पछिल्लो समय आईजी अर्यालले प्रहरीको सरुवा बढुवा पनि लोकमानकै आदेशलाई शिरोपर गरेर गर्न थालेका थिए । अख्तियारमा बसेर लोकमानको चाकडी बजाएका प्रहरी अधिकृतहरूले लोकमानलाई भन्न लगाएर रोजेको स्थानमा बस्ने मौका पाउँथे भने बढुवामा पनि त्यसै हुन्थ्यो । प्रहरीको महत्वपूर्ण निकाय प्रशासन र मानवस्रोतमा रमेशशेखर बज्राचार्य र वीरेन्द्रबाबु श्रेष्ठलाई राख्नु त्यसको एउटा बलियो उदाहरण हो भने बढुवा भएका एसएसपी राजेशनाथ बास्तोला बढुवा हुनासाथ काभ्रेको प्रमुख भएर जानु पनि यसको उदाहरण भएको स्रोत बताउँछ ।

गत वर्ष सार्क सम्मेलनका बेला उपकरण खरिद गर्ने क्रममा आफ्ना सम्धी रोहिणी थपलियाको कम्पनीलाई कार्कीले छनोट गर्न आईजीपी अर्याललाई दबाब दिएको पनि बताइन्छ । त्यसो त उनको दबाब निजामतीमा पनि नभएको होइन । अकूत सम्पत्तिको फाइल खोल्ने धम्की दिँदै उनले मुख्य सचिवलाई भनाएर धेरै निजामतीको काम गरिदिएको अख्तियार स्रोतले बतायो ।

Leave a Reply

... र यो पनि ...

चक्रपथ

चन्द्रागिरिको ढुंगामा क–कसले गर्दै छन् गोलमाल ?

काठमाडौं । थानकोट–चन्द्रागिरि–चित्लाङ सडक आयोजना निर्माणका क्रममा ठेकेदारले उत्खननपछि आएको ढुंगा बेच्न पाउनुपर्ने लबिइङमा स्थानीय जनप्रतिनिधिहरू नै लागेका छन् । नीतिगत- ...
पूरा पढ्नुहोस्

स्रष्टा र सिर्जना

पुरस्कार र मेला–केन्द्रित प्रकाशन व्यवसाय

यस वर्षको हिउँदमा नेपाली प्रकाशनगृहहरू फेरि सुस्ताउन पुगे । हरेक वर्षको हिउँदमा निजी प्रकाशन गृहहरूले पुस्तक प्रकाशनमा तदारुकता देखाउन चाहँदैनन् । यो एउटा नियमित प्रक्रियाजस्तै- ...
पूरा पढ्नुहोस्

नयाँ पुस्तक

व्यक्तिवृत्त उघिन्ने कार्य

कुन मानिसमा कति प्रतिभा रहेको छ, कस्तो आनिबानी छ र के–कस्ता विषयहरूमा रुचि छन् ? यी सबै कुरा थाहा पाउन त्यस्ता मानिससँग गहिरो मित्रता र संगतको आवश्यकता पर्दछ । बाह्य रूपमा नियालेर- ...
पूरा पढ्नुहोस्

छोटकरीमा