18th July 2018, Wednesday

E-budhabar

एआईजी बढुवा अझै लम्बिने



काठमाडौं । नेपाल प्रहरीको रिक्त एआईजी पदको बढुवा अझै अम्तिमा १५ दिन लम्बिने भएको छ । सरकारले एआईजीको दरबन्दीमा भारी कटौती गरी तीनमा झारेको हप्तौं हुँदा पनि एआईजी बढुवा हुन सकेको छैन । अहिले एआईजी बढुवाको शीर्ष स्थानमा रहेका डीआईजीलाई बढुवा गर्दा व्ययभार बढ्ने कारण देखाउँदै बढुवा प्रक्रियामा अलमल गरिएको बताइन्छ ।
असारभित्रै एआईजी बढुवा गर्दा वरिष्ठताका आधारमा हालका डीआईजी उत्तम कार्की, पवन खरेल, सुनिल भण्डारी, शरद चन्द, छविलाल जोशीमध्येबाट गर्नुपर्छ । जबकि, उनीहरूले असार ३० गते अवकाश पाउँदै छन् । अझ कार्कीले त असारभित्रै बढुवा भए पनि उमेर हदका कारण ३० गते नै अवकाश पाउँछन्, घर जान्छन् । वरिष्ठता क्रममा १ नम्बरमा रहेका उनलाई बढुवा नगर्न पनि नमिल्ने, गर्दा पनि ३० गते नै घर जाने भएपछि व्ययभार मात्र बढ्ने हुनाले आईजी सर्वेन्द्र खनाल साउन लागेपछि मात्र बढुवा गर्ने तयारीमा रहेको बुझिएको छ ।
यी पाँच डीआईजी अवकाश भएपछि आईजी बढुवाको पहिलो नम्बरमा पुष्कर कार्की रहन्छन् । उनीसँगै ठुले राई, मनोज न्यौपाने, धिरु बस्नेत, सुरेशविक्रम शाह पनि एआईजीका उम्मेदवार हुन् । तर, कार्कीबाहेक अरू अहिले एआईजी नहुने मुडमा रहेको बताइन्छ । खासगरि राई र बस्नेत अहिले एआईजी नहुने लाइनमा रहेको बताइन्छ । प्रस्तावित संघीय प्रहरी ऐन पारित भए ३० वर्षे सेवा अवधि हट्ने र आईजीको कार्यकाल तीन वर्ष एआईजीको दुई वर्ष तथा डीआईजीको चार वर्ष हुन्छ । यसो हुँदा हालका आईजी खनालको कार्यकाल अरू १४ महिना बढ्छ भने अहिले आईजी हुनेहरू पनि दुई वर्षमै घर जान्छन् । त्यसपछि बल्ल एआईजी बढुवा भएर आईजी हुने योजनामा डीआईजीद्वय राई र बस्नेत रहेको स्रोतको दाबी छ ।

Leave a Reply

... र यो पनि ...

चक्रपथ

नेकपाको विधान र नियमावली पारित

महाधिवेशन प्रतिनिधि बन्न ओली र प्रचण्डले पनि चुनाव लड्नुपर्ने काठमाडौं । नेपाल कम्युनिस्ट पार्टी (नेकपा) ले सबै कमिटीका पदाधिकारी र सदस्यले महाधिवेशन र अधिवेशनमा प्रतिनिधिमा- ...
पूरा पढ्नुहोस्

स्रष्टा र सिर्जना

अधैर्यको नमीठो स्वाद

आख्यान र गैरआख्यान दुवै विधाका किताबको अध्ययनमा गहिरो अभिरुचि राख्ने एक जना गम्भीर अध्येताले केही दिनअघि भने, ‘नेपाली लेखकहरूका एकपछि अर्को किताब फितला हुँदै गइरहेका छन् । लेखन- ...
पूरा पढ्नुहोस्

नयाँ पुस्तक

विडम्बनाको पर्दाफास

हरेक समाज केही न केही विडम्बना, समस्या र द्वन्द्वमा जेलिएका हुन्छन् । त्यस्तो समाजभित्र बाँचिरहेका मानिसहरूका अनेक कथाव्यथा हुन्छन्, अनगिन्ति पीर, सन्ताप, व्यथा, खुसी र उल्लास- ...
पूरा पढ्नुहोस्

छोटकरीमा