25th September 2017, Monday

E-budhabar

एमालेसँग सबै त्रसित



काठमाडौं । स्थानीय तहको पहिलो र दोस्रो चरणको निर्वाचनमा चौतर्फी घेराबन्दी गर्दा पनि नेकपा (एमाले) पहिलो शक्ति बनेपछि अन्य दल एमालेसँग त्रसित बनेका छन् । खासगरी सत्ताको सबै शक्ति दुरूपयोग गर्दा पनि एमालेलाई पहिलो दल बन्नबाट रोक्न नसकेपछि सत्तारूढ प्रमुख घटक नेपाली कांग्रेस र माओवादी केन्द्र तिलमिलाएका छन् ।

एमालेलाई हराउनकै निम्ति अप्राकृतिक गठबन्धन गरेका कांग्रेस र माओवादी केन्द्र अहिले आसन्न प्रदेश नम्बर २ को चुनावमा एमालेलाई हराउन सबै विकल्पको प्रयोग गर्ने निष्कर्षमा पुगेका छन् । एकातिर एमालेलाई मधेसमा निषेध गर्ने उद्घोष गरेको राजपा र अर्कातिर राजपालाई उचालेर एमालेविरोधी गठबन्धन गरेका कांग्रेस, माओवादी, त्यसमाथि सत्ता र शक्तिको चरम दुरूपयोगबीच असोज २ मा हुन गइरहेको प्रदेश नम्बर २ को चुनावमा पनि एमाले पहिलो शक्ति बन्ने देखिएको छ । केही दिनअघिसम्म मधेसमा एमाले कमजोर छ भन्दै नक्कली प्रचार गर्ने कांग्रेस, माओवादीले एमालेविरोधी गठबन्धन गरेर एमालेको ताकत कति रहेछ भन्ने देखाइसकेका छन् । कांग्रेस, माओवादी तालमेलको अर्थ एक्लाएक्लै लड्दा एमालेलाई हराउन सकिँदैन भन्नु भन्ने स्वतः बुझिन्छ । मधेसमा पनि एमाले बलियो छ भन्ने कांग्रेस र माओवादीको यो स्वीकारोक्तिबाट एमाले हौसिएको छ । तर, एमालेको बढ्दो प्रभावलाई रोक्न राज्यका संयन्त्रदेखि लिएर अन्य प्रमुख सबै दल एकजुट बनेका छन् । स्वच्छ प्रतिस्पर्धाबाट जित्ने अवस्था नदेखेपछि राजपाका कार्यकर्ता एमालेका कार्यक्रम बिथोल्ने कार्यमा उद्यत देखिएका छन् भने निर्वाचन आयोगसम्मको भूमिकामाथि पनि प्रश्न खडा भएको छ । एमालेमाथिको आक्रमण नदेख्ने आयोगले टोपी लगाएको विषमा एमालेका वरिष्ठ नेताहरूलाई स्पष्टीकरण सोधेर पक्षधरता देखाएको छ ।

यी सबै घेराबन्दीबीच एमाले एक्लै प्रतिस्पर्धामा उत्रेर मधेसमा पहिलो शक्ति बन्दै छ । एक त तराईमा एमालेको संगठन नै बलियो हुनु, त्यसमाथि टिकटको विषयलाई लिएर कांग्रेस र राजपाभित्र वितण्डा मच्चिनुले पनि एमालेको जितका लागि अनुकूल वातावरण निर्माण गरिदिएको बताइन्छ । एक त तालमेलका नाममा आफ्नो प्रभावका क्षेत्र पनि माओवादीलाई सुम्पिएको भन्दै कांग्रेसभित्र असन्तुष्टि चुलिएको छ भने अर्कातिर विमलेन्द्र निधिको टिकट वितरणमा स्वेच्छाचारिता भएको भन्दै रामचन्द्र पौडेल समूह रुष्ट बनेको छ । त्यस्तै, रंगीबिरंगी पार्टी मिलेर बनेको राजपाभित्र पनि टिकटको विषयमा मारामार उत्पन्न भएको यी सबैको फाइदा एमालेले लिने भएको छ ।

Leave a Reply

... र यो पनि ...

चक्रपथ

प्रशासकको सहयोगविना मन्त्रीले भ्रष्टाचार गर्न सक्दैन

रणोद्वीप सिंह वा वीर शमशेरको पालाको कुरा श्री ३ लाई मन परेकी एउटी सुसारे थिइन । राणा परम्परामा सुसारे, नानी, मैयाँ साहेब, रानी, महारानीसमेत भनेर विभिन्न श्रेणीमा भित्रिनीहरूलाई- ...
पूरा पढ्नुहोस्

स्रष्टा र सिर्जना

सिर्जना चोरी लाजको पराकाष्ठा

सिर्जनाको चोरी कुनै नौलो विषय रहेन अब । खासगरी, नेपाली गीत–संगीतमा ‘सिर्जना–चोरी’को पहिलादेखिकै निरन्तरता आजपर्यन्त कायम छ । पछिल्लो समय, निर्माणाधीन चलचित्र ‘छक्कापन्जा–२’- ...
पूरा पढ्नुहोस्

नयाँ पुस्तक

कलिला दिमागलाई भूकम्प–जानकारी

२०७२ साल वैशाख १२ गतेको महाभूकम्प नेपाली जनताका मानस पटलबाट अझै मेटिइसकेको छैन । महाभूकम्पको त्रासदीले पछ्याइरहेको छ अझै । महाभूकम्पले थोपरिदिएको पीडा र घाउहरू आजपर्यन्त देख्न- ...
पूरा पढ्नुहोस्

छोटकरीमा