22nd June 2018, Friday

E-budhabar

एयर डाइनेस्टीका पाइलटद्वारा यात्रुुमाथि दुव्र्यवहार



काठमाडौं । एयर डाइनेस्टीका पाइलटले मदिराको मातमा हवाईजहाज उडाउने गरेको खुलेको छ । गत साउनमा सो एयरलाइन्सको हेलिकोप्टर भाडामा लिएर मनाङबाट लुक्लातर्फ उडेको पाँचजनाको टोलीलाई पाइलट निरञ्जन सिलवालले मदिराले मातिएर दुव्र्यवहार गरेको पीडितले बताएका छन् ।
पाइलट सिलवालले यात्रुहरूलाई मदिराको तालमा जहाजबाट खसालीदिने चेतावनीसमेत दिएको बताइन्छ । त्यति मात्र होइन, तीन घण्टाका लागि भन्दै ३५ सय अमेरीकी डलर भाडा तिरिएको भए पनि जम्मा ३५ मिनेट मात्र उडाएको बताइएको छ ।
यस घटनाले नेपालको हवाई यात्रा असुरक्षित भएझैं विमान कम्पनीहरूको लापरबाही पनि उजागर गरेको छ । अब सर्वसाधारण एयर डाइनेस्टीको जहाज चढ्नुअघि डराउनुपर्ने भएको छ । गत साउन ११ गते मनाङका राजु गुरुङले पोखराबाट मनाङको तिलिचो ताल, थोरोङ्ला पास हुँदै पोखरा फर्किने गरी तीन घण्टाका लागि हेलिकोप्टर बुक गरे । हेलिकोप्टरमा जब दुई विदेशी र तीन नेपाली यात्रु चढे, तब भगवान् पुकार्न थाले । किनकि, जसको भरमा हेलिकोप्टर चढेको थियो, ती पाइलट नै बेहोसी थिए ।
रक्सीले मातेको उसलाई शंका लागेपछि यात्रुले मदिरा सेवन गरेका हो भन्दै जब प्रश्न गरे तब उनले उल्टै अन्य यात्रुलाई थर्काउन थाले । पाइलटका औंला र शरीर काँपिरहेको र पोखराजस्तो स्थानमै पनि उनले अक्सिजन लिन थालेपछि स्थिति झनै डरलाग्दो बन्यो । पाइलटले दुई जर्मनी पर्यटकलाई अंगेजीमै गाली गरेको बताइएको छ । तिलिचो तालमा पुगेपछि पाइलटले यहीँबाट हाम फाल नत्र खसालिदिन्छु भन्दै धम्की दिएका शब्दहरू डकुमेन्ट्री बनाउन क्यामरासहित पुगेको उक्त टोलीको क्यामरामा समेत कैद गरिएको छ ।
पीडितले उक्त कम्पनीको काठमाडौंस्थित कार्यालयमा आएर आफूहरूलाई परेको मर्काबारे गुनासो गरे पनि केही सुनुवाइ नभएको बताइन्छ । कम्पनीका अपरेसन म्यानेजर अनिल रावलले सुरुमा त भेट्नै नमानेको र बढी दबाबपछि भेट दिए पनि पाइलटको गल्तीको नै ढाकछोप गरेको बताइएको छ । त्यसो त उड्दै गरेको जहाजको पाइलट निदाएपछि सो पाइलटको जागिर नै गएको घटना हाम्रा सामु छ । इस्लामाबादबाट लन्डन जादै गरेको पाकिस्तान इन्टरनेसनल एयरलाइन्सको एक सिनियर पाइलट फ्लाइटको दौरान आरामले सुतेका थिए । त्यसपछि ३ सय यात्रु बोकेको सो जहाज हाँक्ने जिम्मेवारी जुनियर पाइलटले लिएका थिए । त्यस घटनापछि आमिर अख्तर हास्मी नामको सो पाइलटलाई जागिरबाट नै हटाइएको थियो ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा