15th August 2018, Wednesday

E-budhabar

एसएसपी बढुवामा मन्त्री र आईजीका बेग्लै लिष्ट



काठमाडौं । नेपाल प्रहरीमा रिक्त सात जना एसएसपीका लागि गृहमन्त्री विमलेन्द्र निधि र प्रहरी महानिरीक्षक उपेन्द्रकान्त अर्यालले अलग–अलग नाम गोजीमा बोकेर हिँडेका छन् । मन्त्री निधिले वरिष्ठ र व्यावसायिक भन्दा पनि कनिष्ठ र मधेसका अनुहारलाई बढी च्यापेकाले व्यावसायिक अफिसर बढुवामा छुट्ने आशंका गर्न थालिएको छ ।
गत भदौमा एसएसपी राजेन्द्र श्रेष्ठ, मंसिर २९ मा विक्रमसिंह थापा, भूपाल भण्डारी र रोमेन्द्रसिंह देउजा उमेर हदका कारण अवकाश भएपछि एसएसपीमा चारवटा पद रिक्त भएका थिए । पुसको पहिलो हप्ता रमेश भट्टराई, केदारमानसिंह भण्डारी र गणेश केसी डीआईजीमा बढुवा भएपछि एसएसपीको रिक्त दरबन्दी सातवटा पुगेको थियो । त्यो लटमा बढुवा हुन छुटेका लव विष्ट र योगेश्वर रोमथानी पुस १६ मा एसएसपीको पदावधि सकिएर अवकाश भएपछि रिक्त एसएसपीको दरबन्दीको संख्या नौ पुगेको थियो । तर, रिक्त दरबन्दीमध्ये अख्तियारको र एमटी (सवारी) को दरबन्दी काटिएको छ । बाँकी सात एसएसपीको दरबन्दीका लागि अहिले १७–१८ जना एसपी दौडका रहेका छन् । तर, मन्त्री निधि र आईजी अर्यालको कुरा नमिल्दा बढुवा रोकिएको छ ।
प्रहरी स्रोतका अनुसार गृहमन्त्री निधिले एसपीहरू राजेशलाल कर्ण, दिलीप चौधरी र रामकृपाल साहलाई जसरी पनि एसएसपी बढुवा गने अड्डी लिएर बसेका छन् । वरिष्ठताका हिसाबले कर्ण तेस्रो नम्बरमा पर्ने भए पनि चौधरी र साह कनिष्ठ हुन् । आईजी अर्यालले भने ईश्वरबाबु कार्की, घनश्याम अर्याल, पुरुषोत्तम कँडेल र प्रद्युम्न कार्कीलाई जसरी पनि बनाउने भन्दै नाम बोकेर हिँडेको बताइन्छ । उता वरिष्ठताका हिसाबले पहिलो नम्बरमा सञ्जय शर्मा छन् भने दिलेद्र श्रेष्ठ, चिरञ्जीवी देवकोटा, दिलीप बस्नेत, शैलेश थापा, रुवीन्द्रनाथ रेग्मीहरू अगाडि रहेका छन् । कनिष्ठ भए पनि आईजी अर्यालले बोकेका एसपीहरू व्यावसायिक अधिकृतका रूपमा चिनिन्छन् । तर, मन्त्रीले लिँडेढिपी गरे व्यावसायिक प्रहरी अधिकृत बढुवामा छुट्ने चर्चा प्रहरी वृत्तमा व्याप्त छ ।

Leave a Reply

... र यो पनि ...

चक्रपथ

वैकल्पिक ऊर्जामा कार्यकारीका लागि दौडधुप तीव्र

काठमाडौं । दर्जनौं दातृ संस्थाहरूको अर्बौं रकम ब्रह्मलुट गर्ने संस्था वैकल्पिक ऊर्जा प्रवद्र्धन केन्द्रको प्रमुख हुन तीव्र दौडधुप सुरु भएको छ । चार वर्षअघि केन्द्रको कार्यकारी- ...
पूरा पढ्नुहोस्

स्रष्टा र सिर्जना

अब खुल्दैन ‘साहित्य संसार’को दैलो !

‘बाबा ! म त धेरै बाँच्दिनँ, डाक्टरले १० वर्षको समय दिएको छ ।’ मिर्गाैला प्रत्यारोपणपछि नियमित डायलाइसिसका रहेको साहित्यकार एवं वरिष्ठ रेडियोकर्मी दाहाल यज्ञनिधिले भन्ने गर्नुहुन्थ्यो- ...
पूरा पढ्नुहोस्

नयाँ पुस्तक

सत्यापनको नजिक

आफ्नो जीवन–गाथा रच्ने इच्छा कसलाई हुँदैन र ? जीवनका अँध्यारा–उज्याला तस्बिरहरुलाई फ्रेममा टाँग्ने उत्साहले डोरिँदै समाजका प्रबुद्ध अनुहारहरुले आत्मकथा लेखिरहेका छन् । तर,- ...
पूरा पढ्नुहोस्

छोटकरीमा