25th June 2018, Monday

E-budhabar

काज खटाउँदा पनि रमाना दिन असफल



काठमाडौं । प्रहरी महानिरीक्षक हुनासाथ सर्वेन्द्र खनाल पाँच वर्षभन्दा बढी समय प्रधान कार्यालयमै कार्यरत अधिकृत तथा जवानहरूलाई तत्काल हटाउने निष्कर्षमा पुगेका थिए । कर्मचारीहरू बेलाबेला हेरफेर गर्दा सञ्जालमा भ्रष्टहरू झाँगिन नपाउने र सेटिङ भत्किने विश्वास गरिन्छ । त्यही भएर प्रधान कार्यालयमा रहेका त्यस्ता कर्मचारीहरूको प्रारम्भिक अभिलेख राखी सरुवा गर्ने रणनीति बनाइएको थियो । उनीहरूलाई त्यहाँबाट अन्यत्र काज खटाउने निर्णय त भयो, तर काज खटाएको ठाउँमा अझै रमाना दिने काम भएको छैन । त्यस्ता कर्मचारीहरूले १० तिरको पावर भिडाउने, अनावश्यक चलखेल गर्ने र चौतफी दबाब दिन सुरु गरेपछि निरीह भएको र ती १८ जनालाई खटाउन नसकिएको बताइएको छ ।
प्रशासन विभागअन्तर्गत भण्डार शाखाका सई एकराज भट्ट २० वर्षदेखि अनवरत रूपमा सोही शाखामा कार्यरत कर्मचारी हुन् । उनले त्यहाँ बसेरै करोडौं आर्जन गरेर काठमाडौं राम्रो अतिरिक्त आम्दानी गरेको बताइएको छ । उनले प्रहरीको लत्ताकपडा तथा अन्य बन्दोबस्तीको सामान टेन्डर आह्वान गर्ने बेलामा राम्रो आर्थिक चलखेल गर्ने गरेको पुष्टि भएको छ । उनले टेन्डरका बेला विभिन्न नमुना कपडा तथा सामानहरू उपलब्ध गराएर ठेकेदार कम्पनीबाट पैसा असुल्ने गरेको बताइएको छ । त्यस्तो बेला एक मिटर कपडाको टुक्राको नमुना लिनुपरेमा कम्तीमा १० हजार रुपैयाँ भट्टलाई बुझाउनुपर्ने पीडितहरू बताउँछन् । त्यस्तै, आन्तरिक लेखापरीक्षण शाखा आलेपमा कार्यरत सई ज्ञानबहादुर खड्काको पनि धन्दा यस्तै रहेको बताइन्छ ।
सबै कार्यालयको लेखापालको खटनपटन हुनुअघि नै सूचना दिएर चलखेलको मौका दिने काममा खड्काको सहयोगी भूमिका रहेको बताइएको छ । सरुवा हुनेवाला लेखापालको नाम टाइप गर्ने बेलामा नै खड्काले सूचना चुहावट गर्ने र आफूले मिलाइदिएको भन्दै पैसा पनि असुल्ने गरेको बताइएको छ ।
खड्काको दरबन्दी अपराध ब्युरोमा भए पनि केही प्रहरीका घुस्याहा हाकिमका आशीर्वादका कारण उनलाई आन्तरिक लेखापरीक्षण शाखाजस्तो संवेदनशील स्थानमा राखिएको बताइएको छ । विगत १० वर्षदेखि सोही स्थानमा कार्यरत उनले पनि काजको रमाना लिन नमानेको बताइन्छ ।
पछिल्लो समय आफैं विवादमा मुछिएका आईजी खनालालाई असफल बनाउन सचिवालयका कर्मचारीहरू नै लागेको बताइन्छ । पछिल्लो समय उनको सचिवालयबाटै रणनीतिक कुराहरूका साथै सरुवाबढुवाको कुरा पनि चुहावट हुन थालेको छ । प्रहरीका संवेदनशील सूचनाहरू कार्यान्वयनमा आउनुअगावै विभिन्न निकाय तथा शंकास्पद व्यक्तिहरूको हातमा पुग्ने र त्यसका आधारमा चलखेल हुन थालेपछि प्रहरी अधिकारीहरू हैरान भएका छन् । कसरी यस्तो हुन्छ भनेर अधिकारीहरूले अनुसन्धान गर्दा सूचना आईजीको सचिवालयबाटै चुहावट हुने गरेको खुलेको छ ।
एसपी दानबहादुर कार्की सचिवालयमा आएपछि यसरी सूचना पहिले नै विभिन्न व्यक्तिको हातमा पुग्न थालेको बताइएको छ । यसो गर्दा आईजी असफल हुने निश्चित रहेको जानकारहरू बताउँछन् । त्यसो त आईजीले अपेक्षा गरेअनुसार कुनै पनि काम गर्न नसकेपछि व्यावसायिक भनिएका उनको हैसियत पनि राम्ररी देखिएको भन्दै हेडक्वार्टरतिर चर्चा छ ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा