22nd June 2018, Friday

E-budhabar

किन टाढिँदै छन् प्रचण्ड ?



काठमाडौं । निर्वाचनमा पाएको जनादेशविपरीत पछिल्लो समय माओवादी केन्द्रका अध्यक्ष पुष्पकमल दाहाल ‘प्रचण्ड’ एमालेसँगको एकता प्रक्रियाबाट टाढिएको आशंका स्वयं माओवादी केन्द्रकै कार्यकर्ता र दोस्रो पुस्ताका केही नेतासम्मले गर्न थालेका छन् ।
माओवादी केन्द्रका एक नेताका अनुसार, दाहाललाई अहिले आमकार्यकर्ताको आकांक्षा र जनादेशविपरीत एकता प्रक्रियाबाट टाढाटाढा धकेल्नमा पछाडिबाट नेता कृष्णबहादुर महरा र वर्षमान पुनसम्मले भूमिका खेलेका छन् । पार्टी एकतापछि आफ्नो भूमिका के हुने भन्ने चिन्ताले रन्थनिएका यी दुई नेताले कांग्रेसले देखाएको हरियो घाँसमा प्रचण्डलाई लतार्ने प्रयास गरिरहेको बताइन्छ । कांग्रेसले राष्ट्रपति, प्रधानमन्त्री, सभामुख तीनै ठूला पद पाँच वर्षका लागि लेखेरै दिने भनेर माओवादीलाई हरियो घाँस देखाएको पृष्ठभूमिमा माओवादी नेता महरा र पुनले पनि यस्तो अवसर आउँदा किन छाड्ने भन्दै प्रचण्डलाई उकासिरहेको बुझिएको छ ।
माओवादी केन्द्रनिकट विश्वस्त स्रोतका अनुसार वाम एकतालाई भाँडमा हालेर अवसर बटुल्न उद्यत माओवादी केन्द्रको एउटा समूहले कांग्रेसवाट गगन थापा, संघीय समाजवादी फोरमबाट उपेन्द्र यादव र राजपावाट एक जना गरी तीन जनालाई उपप्रधानमन्त्री बनाएर जानेबारे अनौपचारिक छलफल पनि चलाएको छ । त्यति मात्र होइन, नेपालका लागि भारतीय राजदूत मन्जिभ पुरीको रातभरको सक्रियता यसैका लागि बढेका बुझिएको छ । कुनै पनि हालतमा वामपन्थी मिल्न नदिन राजदूत पुरी रातभर सक्रिय हुन थालेको स्रोतले बतायो । यो अभ्यास सफल भएमा पछिल्लो राजनीतिको किङ मेकर आफू हुने भन्दै उपेन्द्रले पनि यसमा विशेष रुचि देखाएको बताइन्छ ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा