25th June 2018, Monday

E-budhabar

किन लम्बियो डीएसपी बढुवा ?



किन लम्बियो डीएसपी बढुवा ?

काठमाडौं । दुई हप्ताअगाडि नै गर्ने तयारी गरिएको नेपाल प्रहरीको डीएसपीको बढुवा अझै हुन सकेको छैन । विभिन्न शक्ति केन्द्रबाट आएको दबाबका कारण गृह मन्त्रालयले डीएसपीबाट एसपीमा बढुवाको सूची निकाल्न नसकेको बुझिएको छ ।
२८ जना एसपीका लागि अहिले झन्डै चार दर्जन डीएसपी बढुवाको प्रतिस्पर्धामा छन् । त्यसमा पनि पहिलो नम्बरमा को पर्ने भन्ने लडाइँका कारण बढुवा गर्न कठिनाइ परेको बुझिएको छ । स्रोतका अनुसार अहिले डीएसपीहरू गंगा पन्त, सानुराम भट्टराई, रवि पौडेल र सोमन्द्रसिंह राठौरले पहिलो नम्बरमा बढुवाका लागि शक्ति केन्द्र प्रयोग गरेर दबाब सिर्जना गरेपछि बढुवामा समस्या आएको हो । आईजी सर्वेन्द्र खनालको चाहना पन्तलाई नै पहिलो नम्बरमा ल्याउनेछ । त्यसले समावेशिताको सन्देश पनि दिने र इन्सपेक्टरबाट बढुवा हुँदा पनि पहिलो स्थानमा भएका आधारमा पन्तलाई नै पहिलो स्थानमा बढुवा गर्ने आईजीको चाहना भएको बताइन्छ । तर, विभिन्न शक्ति केन्द्रबाट अरूको नाम आएपछि आईजी खनाल अप्ठ्यारोमा परेको बताइन्छ । स्रोतका अनुसार डीएसपी भट्टराईले प्रधानमन्त्रीको सचिवालयलाई प्रयोग गरेका छन् । प्रधानमन्त्री केपी ओलीको निजी अंग रक्षक रहेका भट्टराई इन्सपेक्टर भर्ना हुँदा उनको अरू ब्याजीभन्दा ६ महिनापछि तालिम गरेका हुन् । अहिले चितवनमा रहेका पौडेलले भरतपुर महानगरपालिका कि प्रमुख तथा प्रचण्डपुत्री रेणु दाहाललाई लगाएर पहिलो नम्बरमा पर्न दबाब दिएका छन् । चितवनमा मारिएका तरुण दलका अध्यक्षकी श्रीमतीसँग अहिले पौडेलको हिमचिम बढेको बताइन्छ । हाल अपराध महाशाखामा रहेका राठौरले नवराज सिलवाललाई बोकेर हिँडेको बुझिएको छ । उनी पूर्वएआईजी प्रकाश कुँवरका ज्वाइँ हुन् । पहिले राम्रो भए पनि सोह्रखुट्टेमा बस्दा यिनको छविमा दाग लागेको बताइन्छ ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा