24th June 2018, Sunday

E-budhabar

जातेजाते जितेन्द्रको यस्तो काम



काठमाडौं । मन्त्री पदको आयु छोटिँदै जाँदा संस्कृति, पर्यटन तथा नागरिक उड्डयनमन्त्री जितेन्द्रनारायण देवले लुम्बिनी विकास कोषमा दुईवटा निर्णय गराउन पुगेका छन् । ठूलै रकम खर्च गर्न सक्ने सदस्य सचिवको खोजीमा जुटेका मन्त्री देवले कोषको विद्यमान ऐनकानुनलाई मिचेर केही दिनअघि उपाध्यक्ष र कोषाध्यक्षको सुविधामाथि प्रतिबन्ध लगाउन चाहेका छन् ।
कोषको अध्यक्षका हैसियतमा मन्त्री देवले कोषका उपाध्यक्ष र कोषाध्यक्ष पदलाई अवैतनिक बनाउने गरी केही दिनअघि निर्णय गरेका छन् । अहिले उपाध्यक्षले राज्यमन्त्री र कोषाध्यक्षले सहायक मन्त्री सोसरह सुविधा लिँदै आएका छन् । साथै, कोषका सञ्चालक–सदस्यहरूले पनि बैठक भत्ता लिँदै आएका छन् । तर, मन्त्रीले भने उपाध्यक्ष, कोषाध्यक्ष र सदस्यहरूलाई अवैतनिक बनाउने निर्णय गरेका हुन् । कोषका सदस्य सचिव र आयोजना प्रमुखले भने कर्मचारी सोसरह तलबभत्ता बुझ्दै आएका छन् ।
मन्त्री देवले गरेका निर्णय कोषको विद्यमान ऐनभन्दा विपरीत रहेको बताइन्छ । ऐनमा कोषका कोषाध्यक्षले चाहेको खण्डमा मात्र वैतनिक हुने वा अवैतनिक हुने भन्ने व्यवस्था छ । अरू पदका हकमा भने त्यस्तो कुनै व्यवस्था तोकिएको छैन । तर, ऐनलाई मिचेर मन्त्री देवले उपाध्यक्ष, कोषाध्यक्ष अवैतनिक हुने निर्णय गराउन लगाएका हुन् । तर, यस्तो निर्णय गर्ने अधिकार मन्त्रीलाई छैन । मन्त्रीले निर्णय गर्न ऐन नै संशोधन गर्नुपर्ने हुन्छ । संसद्को दुई तिहाइले मात्र ऐन संशोधन हुने व्यवस्था रहेको छ ।
ऐन मिचेर निर्णय गराउने कार्यमा मन्त्रीलाई पूर्वसदस्य सचिव अजितमान तामाङले उचालेको बताउन थालिएको छ । मंसिर १९ गते नै पाँचवर्षे पदावधि सकिएको तामाङले चुनावलगत्तै मन्त्री देवलाई भेटेर उपाध्यक्ष, कोषाध्यक्षले पाउँदै आएको सुविधा खोस्ने गरी त्यस्तो निर्णय गर्न लगाएको बताइन्छ । आफू पुनः सदस्य सचिवमै जान तामाङले लबिइङ गरिरहेका हुँदा अरू पदाधिकारीलाई सुविधाविहीन तुल्याउने खेलमा तामाङ लागेको स्रोतको दाबी छ ।
यसरी नै मन्त्री देवले लुम्बिनी गुरुयोजनाभित्रको होटल कासाईलाई कोठा विस्तार गर्न अनुमति दिएका छन् । केही दिनअघि लुम्बिनी गएका मन्त्री देवले त्यही नै कोषको बैठक राखेर त्यस्तो निर्णय गरेका हुन् । अहिले होटल कासाईको कोठा क्षमता ५० भन्दा बढी रहेको छैन । तर, मन्त्री देवले भने उक्त होटललाई सयवटा कोठा पु¥याउन अनुमति दिएका छन् । उक्त होटल एक जापानी नागरिकको लगानीमा खुलेको हो र लुम्बिनी गुरुयोजनाभित्रको सुविधासम्पन्न होटलका रूपमा उक्त होटल चिनिँदै आएको छ ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा