27th April 2018, Friday

E-budhabar

झक्कु र लेखनाथको राजीनामाले माओवादीमा खैलाबैला



काठमाडौं । दुई शक्तिशाली नेताको राजीनामा प्रकरणले माओवादी केन्द्रभित्र खैलाबैला मच्चिएको छ । अध्यक्ष प्रचण्ड एमालेस“गको एकतापछि एकीकृत पार्टीको शक्तिशाली अध्यक्ष बन्ने धुनमा रातदिन मिहिनेत गरिरहेका बेला शक्तिशाली नेताद्वय झक्कुप्रसाद सुवेदी र लेखनाथ न्यौपानेको राजीनामाले माओवादी केन्द्रमा खैलाबैला मच्चिएको हो । सुवेदी ३ नम्बर प्रदेश संयोजक र न्यौपाने काठमाडौं जिल्ला इन्चार्ज हुन् ।
त्यसो त दुवै नेताले एमाले प्रवेश गर्ने या पार्टी परित्याग गर्ने मनाशयले राजीनामा नदिए पनि त्यो प्रकरण पार्टी एकीकरणका बेला अध्यक्ष प्रचण्डका लागि भने नैतिक गलपासोजस्तो बनेको छ । दुवै नेताले वाम एकता हु“दा पनि काठमाडौंको प्रतिनिधिसभाको १० र प्रदेशसभाका २० सहित ३० सिटमा पार्टीले एक सिट पनि जित्न नसकेको भन्दै राजीनामा दिएका हुन् । न्यौपानेले चुनावलगत्तै तथा सुवेदीले करिब तीन साताअघि राजीनामा दिए पनि माओवादी केन्द्रले यो प्रकरण बाहिर ल्याउन चाहेको छैन ।
माओवादी स्रोतका अनुसार न्यौपानेले जिल्ला पार्टीस“ग उम्मेदवार छनोटमा समन्वय नगरेको, प्रदेशका, इन्चार्ज हितमान शाक्य र संयोजक झक्कुप्रसाद सुबेदीले आफूखुसी उम्मेदवार तय गर्दा पार्टीले हार बेहोर्नुपरेको र समग्रमा पार्टीको मत घट्दै गएको भन्दै हारको नैतिक जिम्मेवारी लि“दै राजीनामा दिएका छन् । माओवादीभित्र लोकप्रिय निष्ठावान् युवानेता मानिने न्यौपानेले उठाएको प्रश्नले पार्टी अध्यक्ष प्रचण्डमाथि नै नैतिक संकट उत्पन्न भएको कार्यकर्ताहरूले चर्चा गर्न थालेका छन् । स्थानीय तहमा कांग्रेसस“ग तालमेल गर्दा अपेक्षित सिट नआए पनि वाम तालमेल गर्दा ३ लाखभन्दा कम मत आएकोमा माओवादी नेतृत्वले समीक्षा गरेको छैन । देशभर अस्तव्यस्त संगठन र आर्थिक रूपले पार्टी देशैभर ऋणैऋणमा डुब्ने स्थितिमा कसरी पुग्यो भन्ने कहिल्यै समीक्षा नभएकोमा न्यौपानेले नेतृत्व स्खलित हु“दै गएको भन्दै कलममार्फत वैचारिक अभियान नै छेड्दै आएका थिए ।
उता, सुवेदीले भने प्रदेशसभाको समानुपातिक सिटतर्फ सांसद छनोटमा गम्भीर प्रश्न उठेकै समयमा तीन साताअघि राजीनामा दिएका छन् । सिन्धुपाल्चोकका पुराना नेता झंकप्रसाद पराजुलीले दोलखाका एक व्यक्तिलाई पैसामा टिकट बेचेको गम्भीर आरोप लगाउ“दै सुवेदीमाथि हातपात गरेपछि पेरिसडा“डाको कुटाकुट प्रकरण चर्चित बनेको थियो । गलत तरिकाले समानुपातिकतर्फको सांसद छनोट प्रकरणमा मुछिएकाले सुवेदीले दबाब थेग्न नसकेरै राजीनामा दिएको हुन सक्ने एक माओवादी नेताले बताए । सुवेदीस“ग भने यस विषयमा प्रतिक्रिया लिन खोज्दा सम्पर्क हुन सकेन ।

Leave a Reply

... र यो पनि ...

चक्रपथ

वरिष्ठ नेता नेपाल आज फर्कने

काठमाडौं । पूर्वप्रधानमन्त्री तथा नेकपा (एमाले) का वरिष्ठ नेता माधवकुमार नेपाल पाँच दिनको चीन भ्रमणपछि आज स्वदेश फर्कंदै छन् । उनी गत शनिबार चीन प्रस्थान गरेका थिए । एमाले विदेश- ...
पूरा पढ्नुहोस्

स्रष्टा र सिर्जना

सञ्चालनमा ल्याऊ बन्द पुस्तकालयहरू

२०७२ साल वैशाख १२ र २९ गतेको विनाशकारी भूकम्पका झिल्काहरू नेपाली जनका मानसपटलबाट बिस्तारै बिलाउँदै छन् । भूकम्पले थोपरेका पीडा र मानसिक तनावहरू क्रमशः कम हुँदै गए पनि त्यसका- ...
पूरा पढ्नुहोस्

नयाँ पुस्तक

दुई देशका झझल्काहरू

नयाँ भूभागमा पाइला टेक्ने इच्छा र चाहना कसलाई हुँदैन र ? नयाँ ठाउँमा पुग्दा नौला अनुभूति मात्र सँगालिदैनन्, त्यहाँको हावापानी, प्राकृतिक सौन्दर्य, सामाजिक, सांस्कृतिक तस्बिरहरू- ...
पूरा पढ्नुहोस्

छोटकरीमा