18th July 2018, Wednesday

E-budhabar

ठेकेदारहरू यता न उता



काठमाडौं । अर्थमा जाँदा भौतिक पूर्वाधारतिर देखाउने र भौतिक पूर्वाधारमा जाँदा अर्थलाई दोष लगाउने उच्च तहका कर्मचारीहरूको कारण अहिले निर्माण व्यवसायीहरू हैरान हुन पुगेका छन् । असार मसान्त नजिकिँदै जाँदा काम गरेबापतको अर्बौं रुपैयाँ भुक्तानी नहुँदा अहिले निर्माण व्यवसायीहरूको दैनिकी नै अर्थ र भौतिक पूर्वाधार मन्त्रालय धाउनु बनेको छ ।
एकातिर, गृहमन्त्री रामबहादुर थापा ‘बादल’ले ठेक्काको जिम्मा लिएर पनि समयमै काम पूरा नगर्ने ठेकेदारहरूलाई समातेर कानुनी कारबाहीको दायरामा ल्याइरहेका छन् । तर, अर्कोतिर भने निर्माण व्यवसायीहरूले काम गरेबापत अर्बौं रकम सरकारबाट पाउन सकिरहेका छैनन् । अर्बौं रकम भुक्तानी नहुँदा निर्माण व्यवसायीहरूले अर्थ र भौतिक पूर्वाधार मन्त्रालयका उच्चपदस्थ कर्मचारीहरूसँग केही समययता तीव्र रूपमा लबिइङ गरिरहे पनि तत्काल भुक्तानी हुने अवस्था रहेको देखिँदैन ।
केही दिनअघि निर्माण व्यवसायीहरूले भौतिक पूर्वाधार तथा यातायात मन्त्रालयका सचिव मधुसूदन अधिकारीलाई भेटेर चाँडै नै रकम भुक्तानी हुनुपर्ने कुरा उठाएका थिए । तर, सचिव अधिकारीले ‘अर्थ मन्त्रालयले बजेट नदिएसम्म हामी भुक्तानी गर्न सक्दैनौं’ भनी अर्थका कर्मचारीहरूलाई भेट्न सुझाव दिए । त्यसपछि निर्माण व्यवसायीहरू अर्थ मन्त्रालयका उच्च कर्मचारीहरूलाई भेट्न गएका थिए । अर्थका कर्मचारीहरूले रकम भुक्तानी नहुनुमा उल्टै भौतिक पूर्वाधार मन्त्रालयलाई दोष लगाए । भौतिक पूर्वाधार मन्त्रालयले ४४ अर्ब रुपैयाँ खर्च नगरी राखेको हुँदा त्यही रकम नै निर्माण व्यवसायीहरूलाई भुक्तानी गरिनुपर्ने कुरा राख्दै आएका छन् ।
अहिले निर्माण व्यवसायीहरूले राज्यबाट ४२ अर्ब रुपैयाँ भुक्तानी लिन बाँकी छ । व्यवसायीहरूले सडक, सिँचाइ, जलउत्पन्न, भवन निर्माणलगायत कामहरू गरेबापत अर्बौं रकम भुक्तानी लिन बाँकी रहेको हो । सडक निर्माणमा मात्रै करिब आधाभन्दा बढी अर्थात् २२ अर्ब भुक्तानी लिन बाँकी छ । यद्यपि, निर्माण व्यवसायीहरूले सरकारसँग अर्बौं रुपैयाँ भुक्तानी लिन बाँकी रहे पनि भौतिक पूर्वाधारका सचिव अधिकारीले भने केही दिनभित्र नै समस्या समाधान गर्न पहल गर्ने आश्वासन दिएपछि व्यवसायीहरू ढुक्क भने भएका छन् ।

 

Leave a Reply

... र यो पनि ...

चक्रपथ

नेकपाको विधान र नियमावली पारित

महाधिवेशन प्रतिनिधि बन्न ओली र प्रचण्डले पनि चुनाव लड्नुपर्ने काठमाडौं । नेपाल कम्युनिस्ट पार्टी (नेकपा) ले सबै कमिटीका पदाधिकारी र सदस्यले महाधिवेशन र अधिवेशनमा प्रतिनिधिमा- ...
पूरा पढ्नुहोस्

स्रष्टा र सिर्जना

अधैर्यको नमीठो स्वाद

आख्यान र गैरआख्यान दुवै विधाका किताबको अध्ययनमा गहिरो अभिरुचि राख्ने एक जना गम्भीर अध्येताले केही दिनअघि भने, ‘नेपाली लेखकहरूका एकपछि अर्को किताब फितला हुँदै गइरहेका छन् । लेखन- ...
पूरा पढ्नुहोस्

नयाँ पुस्तक

विडम्बनाको पर्दाफास

हरेक समाज केही न केही विडम्बना, समस्या र द्वन्द्वमा जेलिएका हुन्छन् । त्यस्तो समाजभित्र बाँचिरहेका मानिसहरूका अनेक कथाव्यथा हुन्छन्, अनगिन्ति पीर, सन्ताप, व्यथा, खुसी र उल्लास- ...
पूरा पढ्नुहोस्

छोटकरीमा