20th February 2018, Tuesday

E-budhabar

तीन दिनमा तीनैपटक बढुवा



काठमाडौं । अचेल संघीय मामिला तथा स्थानीय विकास मन्त्रालयमा एक कर्मचारीको खुबै चर्चा हुने गरेको छ । चर्चा हुनेमा सो मन्त्रालयअन्तर्गतको स्थानीय विकास पूर्वाधार तथा ग्रामीण सडक विभाग (डोलिडार) का सीडीई भरत अर्याल हुन् । उनको चर्चा हुनुको कारण अरू केही नभएर तीन दिनमा तीनपटक बढुवा हुन पुगेकाले भएको हो ।
डोलिडारमा उपसचिव तहमा कार्यरत सीडीई अर्याल गएको बिहीबार सहसचिवमा बढुवा भए । उनी उपसचिवबाट सहसचिवमा फाइल बढुवाका आधारमा पदोन्नति भएको हो । बिहीबार सहसचिव भएका अर्यालले एक दिन पनि सहसचिवको जिम्मेवारी र अनुभव नै नसँगाली त्यसकै भोलिपल्ट अर्थात् शुक्रबार प्रदेश नं. ४ को सचिवको जिम्मेवारी पाए । प्रदेश नं. ४ को सचिवको जिम्मेवारी लिएपछि उनी आइतबार नै पोखरा गइसकेका छन् ।
नेपाली कांग्रेसका सभापति तथा प्रधानमन्त्री शेरबहादुर देउवासँग निकट रहेकै आधारमा अर्यालले सहसचिवमा बढुवा भएको भोलिपल्ट नै प्रदेशको सचिवमा महŒवपूर्ण जिम्मेवारी पाएको बताइन्छ । सहसचिवमा बढुवा भएकै दिन उनी सामान्य प्रशासन मन्त्रालयमा गएर एक दिन हाजिर गरी अर्को दिन सचिवको पत्र लिएर पोखरा गएका हुन् ।
डोलिडारमा हुँदा उपसचिव अर्यालले आफूले कमाएको पैसा नै सहसचिवमा बढुवा भई सचिवमा नियुक्त हुन लगानी गरेको बताइन्छ । डोलिडारमा हुँदा उनी साना सिँचाइ आयोजना, पूर्वी चितवन र अन्य पूर्वाधार विकासका कार्यक्रम संयोजक थिए । ती आयोजनाहरूमा हुने अर्बौं बजेटमा उनले लामो समयदेखि चलखेल गर्दै आएको बताइन्छ ।
यसैबीच, नयाँ संरचनाअनुरूप केन्द्रमा १५ वटा मन्त्रालय रहने भएपछि डोलिडार भौतिक पूर्वाधार मन्त्रालयमा गाभिने भएको छ । भौतिक पूर्वाधार मन्त्रालयमा गाभिने भएपछि डोलिडारमा वर्षौंदेखि रजाइँ गर्दै आएका कर्मचारीहरू अहिलेदेखि नै छटपटिन थालेका छन् । स्थानीय विकास मन्त्रालय नै चलाउने हैसियत राख्ने डोलिडारका कर्मचारीहरू भौतिक पूर्वाधारमा गाभिएपछि कसरी अघि बढ्ने भन्नेमा चिन्तित देखिन्छन् । सो मन्त्रालयका कर्मचारीहरूको निर्देशनअनुरूप चल्नुपर्ने भएपछि पनि उनीहरूमा छटपटी बढ्न पुगेको बताइन्छ ।

Leave a Reply

... र यो पनि ...

चक्रपथ

चन्द्रागिरिको ढुंगामा क–कसले गर्दै छन् गोलमाल ?

काठमाडौं । थानकोट–चन्द्रागिरि–चित्लाङ सडक आयोजना निर्माणका क्रममा ठेकेदारले उत्खननपछि आएको ढुंगा बेच्न पाउनुपर्ने लबिइङमा स्थानीय जनप्रतिनिधिहरू नै लागेका छन् । नीतिगत- ...
पूरा पढ्नुहोस्

स्रष्टा र सिर्जना

पुरस्कार र मेला–केन्द्रित प्रकाशन व्यवसाय

यस वर्षको हिउँदमा नेपाली प्रकाशनगृहहरू फेरि सुस्ताउन पुगे । हरेक वर्षको हिउँदमा निजी प्रकाशन गृहहरूले पुस्तक प्रकाशनमा तदारुकता देखाउन चाहँदैनन् । यो एउटा नियमित प्रक्रियाजस्तै- ...
पूरा पढ्नुहोस्

नयाँ पुस्तक

व्यक्तिवृत्त उघिन्ने कार्य

कुन मानिसमा कति प्रतिभा रहेको छ, कस्तो आनिबानी छ र के–कस्ता विषयहरूमा रुचि छन् ? यी सबै कुरा थाहा पाउन त्यस्ता मानिससँग गहिरो मित्रता र संगतको आवश्यकता पर्दछ । बाह्य रूपमा नियालेर- ...
पूरा पढ्नुहोस्

छोटकरीमा