25th September 2017, Monday

E-budhabar

तीन समूहको लडाइँपछि युवामा सर्वसम्मतको खोजी



काठमाडौं । प्रदेश र केन्द्रीय संसद्को चुनावको सम्मुखमा एमालेको दाहिने हात मानिने भ्रातृ संगठन युवा संघ नेपाल तीन समूहमा बाँडिएपछि नयाँ अध्यक्षमा सर्वसम्मत्त पात्रको खोजी हुन थालेको छ । पार्टीका शीर्ष नेताको नाम जोडेर महाधिवेशनका नाममा संघभित्रको ‘जुँगे लडाइँ’ले पार्टी कमजोर बन्ने सम्भावना देखिएपछि शीर्ष नेतृत्व गम्भीर बन्दै गएको छ ।
पाँच वर्षदेखि महाधिवेशन सम्पन्न नहुँदा एकातिर संघको नेतृत्वमा जाम, अर्कातिर पार्टीले चुनावमा बहुमत ल्याउन एकताका साथ कडा मिहिनेत गर्नुपर्ने परिस्थिति छ । यस्तो पृष्ठभूमिमा चुनावकै सम्मुखमा युवाहरूबीचको ‘जुँगे’ लडाइँले विपक्षीसँगको प्रतिस्पर्धामा भुत्ते साबित हुन सक्ने स्थितिले गर्दा नयाँ नेतृत्व सर्वसम्मत्त चुन्ने गरी महाधिवेशन गराउन एमाले नेतृत्व गम्भीर बन्दै गएको हो । त्यसो त आगामी २१ र २२ असोजका लागि तोकिएको महाधिवेशनको संघारमा संघभित्र अहिले अध्यक्ष राजीव पहारीको एउटा समूह, उपाध्यक्ष दिलु पन्त र सचिव नरेश शाहीको दोस्रो समूह र उपाध्यक्ष रमेश पौडेल र महासचिव किरण पौडेलको तेस्रो समूह नेताको नाम जोडेर क्रियाशील भइरहेका छन् । तर तिनै समूह संघको विधि, विधान र स्थापित मूल्यमान्यता ध्वस्त बनाउँदै पार्टीकै बदनाम हुने गरी व्यक्तिगत स्वार्थमा क्रियाशील हुन थालेपछि सबै शीर्ष नेताहरूसमेत सचेत हुन थालेको बताइन्छ ।
यी सबै पृष्ठभूमिमा संघमा अबको नेतृत्व पार्टी नेतृत्वले हस्तक्षेप गरेर महाधिवेशन गर्नुपर्ने आवाज दिनप्रतिदिन बलियो हुन थालेको छ । यद्यपि, अध्यक्षको प्रतिस्पर्धामा रहेका रमेश पौडेल, नरेश शाही, चन्द्र लामा, किरण पौडलसहित चारजनै आकांक्षी भने २ नम्बर प्रदेशको चुनावी तयारी, प्रदेश र केन्द्रीय संसद्को चुनावको योजना बनाएर पार्टीलाई कसरी बहुमतमा पु¥याउने योजनामा लाग्नेभन्दा पनि केन्द्रीय सदस्यहरूको समूह बनाएर नेताहरूकहाँ मध्यरातसम्म ‘देउसी’ खेल्ने, दसौं हजार खर्च गरेर होटलहरूमा भेला बोलाउने काममै तल्लीन रहेको बताइन्छ । त्यसैले वर्तमान अध्यक्ष राजीव पहारी, उपाध्यक्ष दिलुकुमारी पन्त र अन्य चारमध्ये दुई या तीन आकांक्षीलाई कतै व्यवस्थापन गरेर बाँकी दुईलाई संघभित्रै राख्ने गरी पदाधिकारी तहसम्म सर्वसम्मत चुनिने वातावरण मिलाएर महाधिवेशन गर्नुपर्ने आवाज उठ्न थालेको छ । महाधिवेशन तयारीका लागि एक महिनाको मात्रै समयका कारण प्रतिनिधि चयनमा प्राविधिक कठिनाइ, यहीबीचमा दसैं र तिहारजस्ता महŒवपूर्ण पर्वकै अवसरमा केन्द्र र प्रदेशको समेत उम्मेदवार चयन हुने भएकाले महाधिवेशन फेरि पनि ६ महिना पछि धकेलिनुभन्दा सर्वसम्मत नेतृत्व चयन नै उपयुक्त विधि हुने संघभित्र पनि चर्चा चल्न थालेको छ ।
उपाध्यक्ष रमेश पौडलको समूहले १ सय ५ जनाको हस्ताक्षरको दाबीसहितको ध्यानाकर्षणपत्र लिएर तोकिएकै मितिमा महाधिवेशन गर्नुपर्ने माग गर्दै चार दिनअघि मात्रै अध्यक्ष केपी ओली निवासमा साँझदेखि राति २ बजेसम्म धर्ना कसेको थियो । त्यति मात्रै होइन, त्यही टोलीले महासचिव ईश्वर पोखरेल, संगठन विभाग प्रमुख पृथ्वीसुब्बा गुरुङलाई पत्र बुझाइसकेको छ भने वरिष्ठ नेता माधवकुमार नेपाल र झलनाथ खनालको पनि ध्यानाकर्षण गराउने तयारी गरिरहेको छ । हुल बाँधेर ज्ञापनसम्म बुझाउने यस्तो आश्चर्यजनक शैलीलाई नेताहरूले नै नरुचाएको बताइन्छ । पार्टीका तर्फबाट इन्चार्ज महेन्द्रबहादुर पाण्डेले २ नम्बर प्रदेशको चुनावका कारण गत १५ र १६ गते डाकिएको केन्द्रीय कमिटी बैठक स्थगित गराएपछि पनि पौडेल नेतृत्वको टोलीले ज्ञापनपत्र बुझाइरहेको छ । उमेर हदका कारण नेतृत्वमा जाम भइरहेको सत्य भए पनि चुनावको मुखमा पार्टीलाई जिताउन मैदानमा खटिनुपर्ने बेला पार्टीको निर्देशन नै अवज्ञा हुने गरी ध्यानाकर्षण बुझाउने कुराप्रति नेताहरू गम्भीर भएको बताइन्छ । संघभित्र वाईसीएल र तरुण दललाई माथ गर्ने गरी हुर्किन थालेको यस्तो अराजक प्रवृत्तिलाई एमालेपंक्तिमा आश्चर्यजनक मान्न थालिएको छ । यहाँसम्म कि संघकै पदाधिकारीहरूले २ नम्बर प्रदेशको चुनावी तयारीमा खट्ने कुरामा पनि कुन नेताकोमा खट्ने भन्ने व्यक्तिगत आकांक्षा व्यक्त गरेका छन् र त्यसैलाई आधार मानेर उनीहरूलाई खटाइएको छ ।

Leave a Reply

... र यो पनि ...

चक्रपथ

प्रशासकको सहयोगविना मन्त्रीले भ्रष्टाचार गर्न सक्दैन

रणोद्वीप सिंह वा वीर शमशेरको पालाको कुरा श्री ३ लाई मन परेकी एउटी सुसारे थिइन । राणा परम्परामा सुसारे, नानी, मैयाँ साहेब, रानी, महारानीसमेत भनेर विभिन्न श्रेणीमा भित्रिनीहरूलाई- ...
पूरा पढ्नुहोस्

स्रष्टा र सिर्जना

सिर्जना चोरी लाजको पराकाष्ठा

सिर्जनाको चोरी कुनै नौलो विषय रहेन अब । खासगरी, नेपाली गीत–संगीतमा ‘सिर्जना–चोरी’को पहिलादेखिकै निरन्तरता आजपर्यन्त कायम छ । पछिल्लो समय, निर्माणाधीन चलचित्र ‘छक्कापन्जा–२’- ...
पूरा पढ्नुहोस्

नयाँ पुस्तक

कलिला दिमागलाई भूकम्प–जानकारी

२०७२ साल वैशाख १२ गतेको महाभूकम्प नेपाली जनताका मानस पटलबाट अझै मेटिइसकेको छैन । महाभूकम्पको त्रासदीले पछ्याइरहेको छ अझै । महाभूकम्पले थोपरिदिएको पीडा र घाउहरू आजपर्यन्त देख्न- ...
पूरा पढ्नुहोस्

छोटकरीमा