18th January 2018, Thursday

E-budhabar

देउवाविरुद्ध सात भाइ



काठमाडौं । नेपाली कांग्रेसका सभापति तथा प्रधानमन्त्री शेरबहादुर देउवाको हुकुमी शैलीविरुद्ध पार्टीका सात युवा नेता खुलेर मैदानमा आएका छन् ।
प्रतिनिधि तथा प्रदेशसभाको निर्वाचनमा लज्जास्पद पराजय भोग्दा पनि पार्टी नेतृत्वले त्यसको समीक्षा गर्न कुनै जाँगर नदेखाएपछि युवा नेताहरू चन्द्र भण्डारी, विश्वप्रकाश शर्मा, गगन थापा, प्रदीप पौडेल, धनराज गुरुङ र प्रदीप पौडेलले लिखित रूपमा पार्टीको केन्द्रीय समिति बैठक र महासमिति बैठक बोलाउन माग गरेका हुन् ।
अनौपचारिक भेटका क्रममा देउवालाई बैठक बोलाउन माग गर्दा गैरजिम्मेवार जवाफ दिँदै हैरान पारेपछि उनीहरूले लिखित रूपमा आग्रह गरेको बुझिएको छ । बैठक बोलाउन माग गर्दा ‘के समीक्षा गर्नु, जनताले भोट दिएनन् हारियो, मलाई दिए, जिते’ भन्दै गैरजिम्मेवार जवाफ दिने गरेको एक केन्द्रीय सदस्यले बताए । अहिले पनि उनले निर्वाचन आयोगले निर्वाचन परिणाम सार्वजनिक गरेकै छैन केको समीक्षा भन्दै पन्छिने गरेको बताइन्छ । प्रधानमन्त्रीसमेत रहेका पार्टी सभापति देउवाको कार्यशैलीकै कारण निर्वाचनमा पराजय भोग्नुपरेको निचोडमा पुगेका युवाहरूले भने नेतृत्व नै परिवर्तन गरेर जाने बहस चलाउने तयारी गरिरहेको बुझिएको छ । कांग्रेसका संस्थापक बीपी कोइराला पुत्र शशांकलाई सभापति र गणेशमान सिंहपुत्र प्रकाशमानलाई संसदीय दलको नेता बनाएर भने पनि पार्टी र संसदीय दुवै मोर्चामा नेतृत्व परिवर्तनको तयारी यो समूहले गरिरहेको बताइन्छ ।
तर, देउवा कुनै पनि हालतमा आफ्नो हातबाट नेतृत्व उम्कन दिने पक्षमा नरहेको बताइन्छ । संसदीय दलमा प्रत्यक्षतर्फ अल्पमतमा रहे पनि समानुपातिकबाट बहुमत आफ्नो पक्षमा पारेर दलको नेता पनि नछाड्ने गरी गृहकार्य गरिरहेको बताइन्छ ।

Leave a Reply

... र यो पनि ...

चक्रपथ

मौका छोपेर कर्मचारीलाई स्थायी

काठमाडौं । लुम्बिनी विकास कोषमा सदस्य–सचिव नभएको मौका छोपेर कामु सदस्य–सचिवले जथाभावी रूपमा कर्मचारीहरूलाई स्थायी गराउने तयारी थालेका छन् । संस्कृति, पर्यटन तथा नागरिक उड्डयन- ...
पूरा पढ्नुहोस्

स्रष्टा र सिर्जना

सुस्ताउँदै छ नारी लेखन

‘गुलाफ फुलिसकेछ । कति राम्रो दुईवटा मात्र फुलेछ । कहिलेदेखि पर्खेको मैले यो पहेँलो गुलाफलाई । अझ अरू त फुलेकै छैनन् । यी नफक्रेका कोपिलालाई कति आनन्द छ अहिले । एउटा प्रगाढ निद्रा,- ...
पूरा पढ्नुहोस्

नयाँ पुस्तक

नारी संवेदनाको आसपास

पुरुषहरूको वर्चस्व रहेको समाजमा नारीले अनेक पीडा, उत्पीडन र संकटहरू बेहोर्नु आमनियतिजस्तै बन्न पुगेको छ । प्राचीन समाजभन्दा भिन्न सामन्ती समाजमा नारीले पुरुषवादी मानसिकता- ...
पूरा पढ्नुहोस्

छोटकरीमा