24th September 2017, Sunday

E-budhabar

धार्मिक पर्यटनको गन्तव्य बन्दैे सर्वसिद्धेश्वर गुफा



सिन्धुली । बालाजोर गाविसको सिम्लेमा रहेको सर्वसिद्धेश्वर महादेव गुफा केही वर्षयता आन्तरिक तथा बाह्य धार्मिक पर्यटनको गन्तव्य बन्दै गएको छ । खासगरी हरिबोधनी एकादशी, शीबरात्री र बालाचर्तुदशीका बेला यहाँ हजारौं पर्यटक भगवान् शिवको प्रार्थना तथा मेला भर्न आउने गरेका छन् ।

aa

बालाजोर आसपासका तीनकन्या, डुडभन्ज्याङ, भीमस्थान, जरायोटार, लाम्पानटार, बाहुनतिल्पुङ, बेलघारी, हतपतेलगायतका गाविसबाट मात्र होइन, छिमेकी जिल्ला रामेछापका विभिन्न गाविसबाट पनि तिथार्लुहरू आउने गरेको सर्वसिद्धेश्वर गुफा संरक्षण समितिका अध्यक्ष तीर्थबहादुर थापाले बताए । धुलिखेल–बर्दिबास बीपी राजमार्गअन्तर्गत सिन्धुलीको रतनचुरा गाविसवाट महाभारत शृंखलाको मनोरम दृष्यमा टहलिँदै पूर्व लागेपछि करिब चार घण्टाको बस तथा पैदलयात्रापछि पुगिने यो महादेव गुफा बिस्तारै जिल्लाको धार्मिक पर्यटनको केन्द्र बनेको पनि समिति अध्यक्ष थापाले बताए ।
पूर्वको पशुपतिनाथका नामले चिनिने खोटाङको हलेसी महादेवजस्तै रूपमा तिर्थालुहरूले यस सर्वसिद्धेश्वर गुफालाई लिने गरेको छन् । ०६० जेठ ८ गते पत्ता लागेको यो गुफाको आकार पनि हलेसी गुफासँग मिल्दोजुल्दो छ । सानो द्वारबाट भित्र पसेपछि करिब २ सय मान्छे अटे्ने ठाउँ छ भने गुफा करिव सय मिटर लामो छ । गुफाभित्र विभिन्न प्रकारका प्राकृतिक रूपमै निर्मित आकृति, दुर्लभ पन्छी चमेरो बथान, प्राकृतिक रूपमै ढुंगाबाट निर्मित शंखले त्यहाँ पुग्ने जोकसैलाई पनि रोमाञ्चित पार्ने गरेको छ ।

bb

गुफाको पर्यटन प्रवद्र्धन गर्न गुफा संरक्षण समितिले गत बिहीबार हरिबोधनी एकादशीको अवसर पारेर एक बृहत् कार्यक्रम सम्पन्न ग¥यो । सर्वसिद्धेश्वर महादेव गुफामा नै आयोजित सो कार्यक्रम एमाले वैकल्पिक केन्द्रीय सदस्य तथा सांसद गणेश पहाडीको प्रमुख आतिथ्यमा भव्य रूपमा सम्पन्न भयो । कार्यक्रमलाई सम्बोधन गर्दै प्रमुख अतिथि पहाडीले गुफाको संरक्षण, प्रवद्र्धन र विकासका आधारभूत विषय बाटो, बिजुली, शिक्षा, स्वस्थ्यलगायतका समस्याको तत्काल समाधानका लागि आफूले भरपुर पहल गर्ने बताए । त्यसैगरी, नेकपा एमाले सिन्धुली जिल्ला कमिटी अध्यक्ष प्रदीप कटुवालले सिम्ले गुफा क्षेत्रको संवद्र्धन, प्रवद्र्धनमा प्रतिबद्धता व्यक्त गर्दै एमालेको भूमिगत सेल्टर पनि रहेकाले यस क्षेत्रको विकासका सवालमा आफ्नो विशेष पहल रहने प्रतिबद्धता व्यक्त गरे । नेपाली कांग्रेसका सिन्धुली जिल्ला सभापति उज्ज्वल बरालले सिम्ले गुफाको संरक्षण, प्रवद्र्धन र त्यहाँको विकास निर्माणमा आफू र आफ्नो पार्टी नेपाली कांग्रेसका तर्फबाट भरपुर सहयोग रहने प्रतिबद्धता व्यक्त गरे । कार्यक्रममा नेपाल पर्यटन बोर्डका सञ्चालक सदस्य घणेन्द्र श्रेष्ठ, एमाले जिल्ला नेता खड्ग खत्री, एमाले सिन्धुली–काठमाडौं सम्पर्क मञ्चका अध्यक्ष अमर थापामगर, आदिवासी जनजाति पत्रकार महासंघका अध्यक्ष डण्ड गुरुङलगायतले मन्तव्य राखेका थिए ।

Leave a Reply

... र यो पनि ...

चक्रपथ

प्रशासकको सहयोगविना मन्त्रीले भ्रष्टाचार गर्न सक्दैन

रणोद्वीप सिंह वा वीर शमशेरको पालाको कुरा श्री ३ लाई मन परेकी एउटी सुसारे थिइन । राणा परम्परामा सुसारे, नानी, मैयाँ साहेब, रानी, महारानीसमेत भनेर विभिन्न श्रेणीमा भित्रिनीहरूलाई- ...
पूरा पढ्नुहोस्

स्रष्टा र सिर्जना

सिर्जना चोरी लाजको पराकाष्ठा

सिर्जनाको चोरी कुनै नौलो विषय रहेन अब । खासगरी, नेपाली गीत–संगीतमा ‘सिर्जना–चोरी’को पहिलादेखिकै निरन्तरता आजपर्यन्त कायम छ । पछिल्लो समय, निर्माणाधीन चलचित्र ‘छक्कापन्जा–२’- ...
पूरा पढ्नुहोस्

नयाँ पुस्तक

कलिला दिमागलाई भूकम्प–जानकारी

२०७२ साल वैशाख १२ गतेको महाभूकम्प नेपाली जनताका मानस पटलबाट अझै मेटिइसकेको छैन । महाभूकम्पको त्रासदीले पछ्याइरहेको छ अझै । महाभूकम्पले थोपरिदिएको पीडा र घाउहरू आजपर्यन्त देख्न- ...
पूरा पढ्नुहोस्

छोटकरीमा