18th July 2018, Wednesday

E-budhabar

नयाँ आईजी चैत २८ मा



काठमाडौं । सरकाले चैत २८ गते मात्र नेपाल प्रहरीको नयाँ आईजी नियुक्त गर्ने बुझिएको छ । अहिलेका आईजी प्रकाश अर्यालको अवधि चैत २९ मा सकिँदै छ । कार्यकाल सकिने अघिल्लो दिन मात्रै कार्य सम्पादन मूल्यांकनलाई आधार बनाएर नयाँ आईजी नियुक्ति गर्ने मनस्थितिमा प्रधानमन्त्री केपी शर्मा ओली रहेको बुझिएको छ ।
अघिल्लोपटक आईजी नियुक्ति प्रकरण निकै विवादित बनेको थियो । प्रक्रियाबाट हुने कर्मचारीको बढुवा प्रहरी फोर्समा भने धेरै हल्लीखल्ली हुने भएकाले यस गृहमन्त्री रामबहादुर थापालाई पनि यो विषयमा धेरै छलफल र भेटघाट नगर्न भनेका छन् । प्रधानमन्त्री ओली आफंैले पनि सत्ता साझेदार दलका अध्यक्ष प्रचण्डसँग पनि अहिलेसम्म यो विषयमा कुनै अनौपचारिक कुराकानीसमेत नगरेको बुझिएको छ । स्रोतका अनुसार प्रधानमन्त्रीको चाहना यसलाई धेरै महŒव नदिऔं भन्ने छ । दुई हप्ता प्रहरी महानिरीक्षक प्रकाश अर्यालले यो विषयमा सामान्य कुरा गर्न खोजे धेरै चासो नदेखाई कार्यसम्पादनका आधारमा अहिलेका आईजीको कार्यकाल सकिने अघिल्लो दिन नयाँ आईजी नियुक्त गर्ने मुडमा प्रधानमन्त्री रहेको स्रोतले बतायो । त्यसो त प्रधानमन्त्री ओलीले गृहमन्त्री पनि गृहमन्त्रीले तत्काल केही हँुदै चुप लागेर जानुस् भनेपछि सोमबारसम्म आईजीपी प्रकाश अर्याल मन्त्रालय गएका थिएनन् । नेपाल प्रहरीमा सर्वेन्द्र खनाल, रमेश खरेल र पुस्कर कार्की प्रहरी नेतृत्व सम्हाल्न सक्षम प्रहरी अधिकृत हुन् । उनीहरू तीन जनामध्ये जो भए पनि प्रहरीले राम्रो नेतृत्व पाउने अपेक्षा गरिएको छ ।
आउँदो २९ चैतपछि नेपाल प्रहरीमा प्रहरी महानिरीक्षकसहित १५ एआईजीहरू ३० वर्षे सेवा अवधिका कारण अवकाश पाउँदै छन् । वर्तमान प्रहरी महानिरीक्षक (आईजीपी) प्रकाश अर्यालसहित सबै प्रहरी अतिरिक्त महानिरीक्षक (एआईजी) र केही प्रहरी महानिरीक्षक (डीआईजी) हरूले अवकाश पाउन लागेका हुन् । अवकाशकै मुखमा दुई एआईजी माधव नेपाल र रणबहादुर चन्द भने यतिबेला बिदामा बसेका छन् भने अन्य एआईजीहरू खटाइएकै स्थानमा कार्यरत रहेका छन् ।
२९ चैतदेखि नयाँ आईजीपीले प्रहरी संगठनको नेतृत्व गर्नेछन् । त्यसअघि नै प्रहरी महानिरीक्षक अर्याल बिदामा बसेर नयाँ हुने आईजीपीलाई काम गर्न सहज बनाउनुपर्ने भए पनि अर्याल स्वयं बहाल रहेका छन् । परम्पराअनुसार २९ फागुनदेखि नै अर्याल बिदामा बस्नुपर्ने थियो । प्रहरी नियमावलीअनुसार २९ चैत २०४४ बाट प्रहरी सेवामा प्रवेश गरेका सबै अधिकृत ३० वर्षे सेवा अवधिका कारण अवकाश हुनेछन् ।

Leave a Reply

... र यो पनि ...

चक्रपथ

नेकपाको विधान र नियमावली पारित

महाधिवेशन प्रतिनिधि बन्न ओली र प्रचण्डले पनि चुनाव लड्नुपर्ने काठमाडौं । नेपाल कम्युनिस्ट पार्टी (नेकपा) ले सबै कमिटीका पदाधिकारी र सदस्यले महाधिवेशन र अधिवेशनमा प्रतिनिधिमा- ...
पूरा पढ्नुहोस्

स्रष्टा र सिर्जना

अधैर्यको नमीठो स्वाद

आख्यान र गैरआख्यान दुवै विधाका किताबको अध्ययनमा गहिरो अभिरुचि राख्ने एक जना गम्भीर अध्येताले केही दिनअघि भने, ‘नेपाली लेखकहरूका एकपछि अर्को किताब फितला हुँदै गइरहेका छन् । लेखन- ...
पूरा पढ्नुहोस्

नयाँ पुस्तक

विडम्बनाको पर्दाफास

हरेक समाज केही न केही विडम्बना, समस्या र द्वन्द्वमा जेलिएका हुन्छन् । त्यस्तो समाजभित्र बाँचिरहेका मानिसहरूका अनेक कथाव्यथा हुन्छन्, अनगिन्ति पीर, सन्ताप, व्यथा, खुसी र उल्लास- ...
पूरा पढ्नुहोस्

छोटकरीमा