24th June 2018, Sunday

E-budhabar

नयाँ शक्तिका असन्तुष्टहरूको बाबुरामसँग ११ माग



काठमाडौं । मधेसका केही नेताबाहेक अधिकांश निर्वाचनको पक्षमा उभिएपछि नयाँ शक्ति, नेपालका संयोजक डा. बाबुराम भट्टराईलाई असन्तुष्ट पक्षलाई सम्हाल्न गाह्रो परिरहेको छ । पार्टीका कुनै पनि नेतासँग छलफल नै नगरी उपेन्द्र यादवसँग मिलेर स्थानीय तहको निर्वाचन रोक्न वक्तव्य जारी गरेपछि सो पार्टीका अधिकांश नेताहरू डा. भट्टराईप्रति रुष्ट बन्दै आएका छन् ।
डा. भट्टराईको कदमप्रति आवाज उठाउँदा कोपभाजनमा पर्दै आएका केही नेताहरूले भट्टराईलाई आग्रहपत्र बुझाएका छन् । तर, डा. भट्टराई भने मधेसमा झरेर चुनावविरोधी माहोल बनाउनमै तल्लीन रहेका छन् । असन्तुष्ट पक्षको आवाजलाई सुन्ने धैर्य डा. भट्टराईमा नरहेको बताइन्छ । असन्तुष्ट पक्षको नेतृत्व गरिरहेका सो पार्टीका राष्ट्रिय परिषद् सदस्य निर्मल भट्टराईले भने, ‘हामी चुनावको पक्षमा छौं । पार्टीका अधिकांश नेताहरू चुनावकै पक्षमा छन् । तर, बाबुराम मात्र चुनावको विपक्षमा देखिएका छन् ।’ उनले थपे, ‘आखिर चुनावमा जति मत पाउँछौं, त्यही मतलाई सम्मान गर्दै जनताबीच राजनीति गर्न जानुपर्छ ।’
असन्तुष्ट भट्टराई, देव लिम्बूलगायतले आफ्नो असन्तुष्टि मेटाउन पहल नभए फागुन २६ गते भेला गर्ने टुंगोसमेत गरिसकेका छन् । तर, असन्तुष्टहरूलाई मनाउन केन्द्रीय नेता देवेन्द्र पौडेललगायतले भने पहल गरिरहेका छन् ।
असन्तुष्ट पक्षले डा. भट्टराईको कदमलाई सुधार्नका निम्ति निम्न फरक मत दर्ता गराएका छन् । ती मतहरू यस्ता छन् ः
१. जम्बो केन्द्रीय परिषद् विघटन गरी राम्रो राजनीतिक अभ्यास राख्ने नेताहरू सम्मिलित केन्द्रीय नेतृत्व बनाउनुपर्छ । यो अभ्यास माओवादी केन्द्रको नक्कल भयो, राम्रो सन्देश गएन ।
२. जातिगत, आंगिक संगठन, पेसागत संगठन खारेज गरी सम्पूर्ण शक्ति भूगोलकेन्द्रित गर्नुपर्छ ।
३. स्थानीय तह र कुनै पनि निर्वाचनमा नयाँ शक्तिले निःसर्त भाग लिनुपर्छ ।
४. मधेसलगायत आन्दोलनरत क्षेत्रमा हाम्रो छुट्टै अवधारणा तय गर्नुपर्छ ।
५. संघीय समाजवादी फोरमसँग भएको संयुक्त आन्दोलनमा सहभागी हुने गरी भएको हस्ताक्षर गरिएको वक्तव्य फिर्ता लिनुपर्छ ।
६. पार्टीको आन्तरिक लोकतन्त्रको ग्यारेन्टी गर्नुपर्छ । वर्तमानमा भएका दमन र निषेध फिर्ता गर्नुपर्छ । व्यक्तिगत स्वतन्त्रतासँग गाँसिएका फेसबुक, ट्विटर, भाइबर आदि चलाउन बन्देज गर्नुहुँदैन ।
७. पार्टीको नारा ‘आन्दोलनमुखी राजनीति धेरै ग¥यौं, अब गरौं विकासमुखी राजनीति’ भनिएको हुँदा कुनै पनि आन्दोलनमा जानुहुँदैन । सत्याग्रह, राजनीतिक अभियान र सामाजिक अभियान सञ्चालन गर्नुपर्छ ।
८. हामीलाई लागेको भारतपरस्त आरोप खण्डन गर्ने विशेष योजना बनाउनुपर्छ ।
९. दस्तावेजमा उल्लेख भएको ४० प्रतिशत युवा पार्टीका हरेक तहमा सामेल गरिनुपर्छ ।
१०. पार्टीको नेता–कार्यकर्तालाई अविलम्ब स्थानीयकरण गर्नुपर्छ ।
११. तोकिएकै मितिमा महाधिवेशन गर्न अविलम्ब प्रक्रिया सुरु गर्नुपर्छ ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा