25th April 2018, Wednesday

E-budhabar

नापीका भ्रष्ट मालपोतमा सरुवा



काठमाडौं । जनसम्पर्क हुने कार्यालयमा कार्यरत कर्मचारीहरूलाई सोही प्रकृतिका कार्यालयमा सरुवा गर्ने क्रम रोकिन सकेको छैन । वैदेशिक रोजगार विभागबाट अध्यागमन कार्यालय एयरपोर्ट र अध्यागमनबाट वैदेशिक रोजगार विभागमा सरुवा हुँदै आएका छन् । जसका कारण वैदेशिक रोजगार विभाग र अध्यागमन कार्यालयको सेटिङमा खाडी मुलुकमा घरेलु कामदार जाने गरेका छन् । अध्यागमन र वैदेशिक रोजगार चहार्ने कर्मचारीकै कारण धेरै विवाद आउने गरेको छ ।
अध्यागमनमा मात्र होइन, मालपोत र नापी कार्यालयमा पनि त्यस्तै भएको छ । वल्लाघरको नरे पल्लाघरमा सरे भनेजस्तै नापी विभागमा नियमित सरुवादेखि काज खटाउँदा घुस लिने गरेका नापी विभागका प्रशासन शाखाका शाखा अधिकृत खगेन्द्र अर्याल मालपोत कार्यालय चावहिलमा सरुवा भएका छन् । नापी विभागमा दुई वर्षअघि सरुवा भएका खगेन्द्र अर्यालले तत्कालीन महानिर्देशक कृष्णराज बीसीको कार्यकालमा भएको सर्भेक्षक र नापी अधिकृतको सरुवामा ठूलो रकम घुस संकलन गरेको आरोप लागेको थियो । बीसी र उनले सरुवाबाट रकम असुल्नुसम्म असुली गरिसकेपछि महानिर्देशकका रूपमा गणेशप्रसाद भट्ट आए । भट्ट आइसकेपछि अर्यालले घुस लिँदै काज खटाउन थाले । काठमाडौं उपत्यकालगायत आकर्षक नापी कार्यालयमा काजसरुवा हुन चाहने कर्मचारीलाई तीन महिनाको तलबबराबरको रकम घुस लिने काम अर्यालले भट्टसँग मिलेर गरे । नापीमा घुस दिनेको काजसरुवा खुरुखुरु हुने गरेको थियो । काठमाडौं उपत्यका, काभ्रे, झापाजस्ता आकर्षक नापी कार्यालयमा काजसरुवा हुन चाहने अमिन, सर्भेक्षक र नापी अधिकृतहरूबाट प्रशासन शाखाका खगेन्द्र अर्यालले तीन महिनाको तलब घुस लिँदै खुरुखुरु काज खटाएको पत्र दिने गरेका छन् । त्यसरी सरुवा गरेको कर्मचारीलाई तीन महिनापछि अर्यालले पुनः फोन गरेर बोलाएर काजमा यथावत् बस्ने भए पुनः तीन महिनाको तलब बुझाउन आदेश दिने गरेका छन् । कर्मचारीहरूले पुनः तीन महिनाको तलब बुझाएर काज खटाएको पत्र लिएर जाने गरेका छन् । यसरी प्रत्येक दिन दर्जनजति काजसरुवा गर्दा कर्मचारीस“ग तीन महिनाको तलब अर्यालले घुस लिने गरेका छन् । शाखा अधिकृत अर्यालले अहिलेसम्म काज सरुवा गरेरै करोडौं रूपैयाँ घुस असुली गरेका थिए । त्यही रकम भूमिसुधार व्यवस्था विभागका महानिर्देशक मुक्ति आचार्यलाई दिएर उनी एक साताअघि चावहिल मालपोत कार्यालयमा सरुवा भएका छन् ।

Leave a Reply

... र यो पनि ...

चक्रपथ

वरिष्ठ नेता नेपाल आज फर्कने

काठमाडौं । पूर्वप्रधानमन्त्री तथा नेकपा (एमाले) का वरिष्ठ नेता माधवकुमार नेपाल पाँच दिनको चीन भ्रमणपछि आज स्वदेश फर्कंदै छन् । उनी गत शनिबार चीन प्रस्थान गरेका थिए । एमाले विदेश- ...
पूरा पढ्नुहोस्

स्रष्टा र सिर्जना

सञ्चालनमा ल्याऊ बन्द पुस्तकालयहरू

२०७२ साल वैशाख १२ र २९ गतेको विनाशकारी भूकम्पका झिल्काहरू नेपाली जनका मानसपटलबाट बिस्तारै बिलाउँदै छन् । भूकम्पले थोपरेका पीडा र मानसिक तनावहरू क्रमशः कम हुँदै गए पनि त्यसका- ...
पूरा पढ्नुहोस्

नयाँ पुस्तक

दुई देशका झझल्काहरू

नयाँ भूभागमा पाइला टेक्ने इच्छा र चाहना कसलाई हुँदैन र ? नयाँ ठाउँमा पुग्दा नौला अनुभूति मात्र सँगालिदैनन्, त्यहाँको हावापानी, प्राकृतिक सौन्दर्य, सामाजिक, सांस्कृतिक तस्बिरहरू- ...
पूरा पढ्नुहोस्

छोटकरीमा