20th February 2018, Tuesday

E-budhabar

पदमा रहँदै राष्ट्रिय सभामा निर्वाचित यी सांसद



काठमाडौं । राष्ट्रिय सभामा निर्वाचित भए पनि नेपाली कांग्रेसका एक सांसदले अझैसम्म आफूले जिम्मेवारी सम्हालेको एउटा निकायबाट राजीनामा दिएका छैनन् । राष्ट्रिय सभामा निर्वाचित भइसके पनि लुम्बिनीका दुर्गाप्रसाद उपाध्यायले लुम्बिनी विकास कोषको सञ्चालक समितिबाट अझै राजीनामा दिएका छैनन् । उनी प्रदेश नं. ५ बाट राष्ट्रिय सभामा निर्वाचित कांग्रेसका एक मात्र सांसद हुन् ।
अझसम्म कोषको सञ्चालक सदस्यका रूपमा रहेका उपाध्यायले गएको माघ २४ गते सम्पन्न राष्ट्रिय सभाको निर्वाचनमा उम्मेदवारी दिएका थिए । ४८ वर्षीय उपाध्याय राष्ट्रिय सभाको निर्वाचनमा २ हजार ४१८ मत ल्याई निर्वाचित भएका हुन् । उनलाई कोषको सदस्यमा भने केही महिनापूर्व वर्तमान संस्कृति, पर्यटन तथा नागरिक उड्डयनमन्त्री जीतेन्द्रनारायण देवले नियुक्त गरेका थिए ।
राष्ट्रिय सभामा निर्वाचित भए पनि कोषको सञ्चालकमा रहुन्जेल उपाध्यायलगायत अरू दुई सञ्चालकले ब्रह्मलुट नै मच्चाएका थिए । कोषको प्रायः बैठक काठमाडौंमै बस्ने भएको हुँदा यसअघि कोषले लुम्बिनीबाट काठमाडौं आउने–जाने हवाईजहाज भाडा र काठमाडौंमा तीन दिनसम्म बस्दाको होटल र खाना खर्च बेहोर्ने गरेको थियो । तर, सञ्चालक उपाध्याय, राजेश ज्ञवाली र अमेरिका कहारले भने कोषको बैठकमा सहभागी भएको भन्दै १५ दिनको खर्च लिँदै आएका थिए । उनीहरू लुम्बिनीमै रहने गरेका भए पनि काज भत्ता भनेर महिनामा ५० हजारदेखि १ लाख रुपैयाँसम्म कोषबाट बुझ्ने गरेका थिए । तीन सञ्चालकहरूले काज भत्ता भनेर जतिसुकै रकमको दाबी गरे पनि कायममुकायम सदस्य–सचिव सरोज भट्टराईले सिधै सदर गर्दै आइरहेको बताइन्छ । सञ्चालकहरूले मनपरी रकम माग गर्दा सदस्य–सचिव र लेखा प्रमुखले रोक्नुपर्ने भए पनि त्यसो हुन नसकेको बताइन्छ ।
यसैबीच, मलेसियाको एउटा संस्थालाई लुम्बिनी क्षेत्रभित्र विहार बनाउने अनुमति दिँदा करोडौं रुपैयाँको चलखेल भएको आशंका गरिएको छ । कोषका कोषाध्यक्ष सुरेन्द्रमणि शाक्य, वरिष्ठ प्रशासकीय अधिकृत ज्ञानेन राई र सञ्चालक सदस्य राजेश ज्ञवालीको मिलेमतोमा मलेसियाको ग्रेड विज्डम मेडिटेसनलाई लुम्बिनीको पश्चिमी विहार क्षेत्रमा ८०÷८० को विहार बनाउन अनुमति दिइएको छ । उक्त संस्थालाई विहार बनाउन अनुमति दिनमा सदस्य–सचिव भट्टराईको पनि हात रहेको बताइन्छ ।
कोषका पदाधिकारीहरूले मलेसियाको सो संस्थालाई विहार निर्माणका लागि अनुमति दिँदा सो संस्था बुद्धिस्ट संस्था हो कि होइन, त्यो संस्थालाई विहार निर्माणका लागि अनुमति दिनुपर्ने आधारहरू के–के हुन्, यी विषयमा कुनै छलफल नै नगरी अनुमति दिएको बताइन्छ । सो संस्थाले कोषका पदाधिकारीहरूलाई आर्थिक सहयोग गरेका कारण त्यसरी अनुमति दिइएको अनुमान गरिएको छ ।

Leave a Reply

... र यो पनि ...

चक्रपथ

चन्द्रागिरिको ढुंगामा क–कसले गर्दै छन् गोलमाल ?

काठमाडौं । थानकोट–चन्द्रागिरि–चित्लाङ सडक आयोजना निर्माणका क्रममा ठेकेदारले उत्खननपछि आएको ढुंगा बेच्न पाउनुपर्ने लबिइङमा स्थानीय जनप्रतिनिधिहरू नै लागेका छन् । नीतिगत- ...
पूरा पढ्नुहोस्

स्रष्टा र सिर्जना

पुरस्कार र मेला–केन्द्रित प्रकाशन व्यवसाय

यस वर्षको हिउँदमा नेपाली प्रकाशनगृहहरू फेरि सुस्ताउन पुगे । हरेक वर्षको हिउँदमा निजी प्रकाशन गृहहरूले पुस्तक प्रकाशनमा तदारुकता देखाउन चाहँदैनन् । यो एउटा नियमित प्रक्रियाजस्तै- ...
पूरा पढ्नुहोस्

नयाँ पुस्तक

व्यक्तिवृत्त उघिन्ने कार्य

कुन मानिसमा कति प्रतिभा रहेको छ, कस्तो आनिबानी छ र के–कस्ता विषयहरूमा रुचि छन् ? यी सबै कुरा थाहा पाउन त्यस्ता मानिससँग गहिरो मित्रता र संगतको आवश्यकता पर्दछ । बाह्य रूपमा नियालेर- ...
पूरा पढ्नुहोस्

छोटकरीमा