22nd June 2018, Friday

E-budhabar

पर्यटनमा कुम्ल्याउने दाउ



काठमाडौं । सरकार कामचलाउ भइसकेको बेला लिसोझैं टाँसिने र पर्यटनअन्तर्गतका नियुक्तिमा रकमको चलखेल गर्ने योजना सरकारले बनाएको छ । त्यहीअन्तर्गत पर्यटनसँग सम्बन्धित विभिन्न ६ स्थानका प्रमुखका लागि हिजोको मितिमा आवेदन मागिएको छ ।
रिक्त भएका पदहरूमा लुम्बिनी विकास कोषको सदस्य सचिव, बृहत्तर जनकपुर क्षेत्र विकास परिषद्का कार्यकारी निर्देशक, पर्वतीय प्रशिक्षण प्रतिष्ठान विकास समितका कार्यकारी निर्देशक, देवघाट क्षेत्र विकास समितिका कार्यकारी निर्देशक, खप्तड क्षेत्र पर्यटन विकास समितिका कार्यकारी निर्देशक र तारागाउँ विकास समितिका कार्यकारी निर्देशक रहेका छन् ।
संस्कृति, पर्यटन तथा नागरिक उड्डयन मन्त्रालयले सात दिनको म्याद राखी कम्तीमा स्नातकोत्तर पास गरी सम्बन्धित क्षेत्रमा पाँच वर्षको अनुभव भएका व्यक्तिहरूको दर्खास्त आह्वान गरेको छ ।
चुनावी परिणमपछि पहिलो दल बनेको र आफ्नै नेतृत्वमा सरकार गठन गर्ने तयारीमा रहेको नेकपा (एमाले) ले निर्वाचनपछिको कामचलाउ सरकारले यस्ताखाले कुनै नियुक्ति नगर्न र गरे पनि आफ्नो सरकारले उल्टाइदिने चेतावनी दिइसकेको छ ।
तर पनि यसअघि सञ्चारअन्तर्गतका विभिन्न स्थानमा समेत सरकारले नियुक्ति गरिसकेको छ । तुलनात्मक रूपमा पर्यटन मन्त्रालयको नियुक्तिलाई मालदार मानिन्छ ।
अझ लुम्बिनी विकास कोष त अर्बौं बजेट भएको निकाय हो । उपाध्यक्षको पदावधि सकिएपछि उपाध्यक्षमा मन्त्रालयले यसअघि नै नियुक्ति गरिसकेको छ भने सदस्य सचिव अजितमान तामाङको पनि पदावधि सकिएकाले सरकारले दर्खास्त आह्वान गरेको हो ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा