25th April 2018, Wednesday

E-budhabar

पाठकका कारण अख्तियार बदनाम



काठमाडौं । लोकमानसिंह कार्की, दीप बस्न्यातजस्ता बदनाम पात्र बिदा भएपछि सुध्रिने अपेक्षा गरिएको अख्तियार दुरुपयोग अनुसन्धान आयोग अझै एक जना आयुक्तका कारण बदनाम छ । अहिले आयोगको कामु आयुक्त राम्रो छवि निर्माण गरेका नवीनराज जोशी छन् । तर, राजनारायण पाठकजस्ता घुस्याहा आयुक्तका कारण अख्तियारमाथि लोकमानसिंहको पालादेखि लागेको दाग हटेको छैन ।
आयोग स्रोतका अनुसार पाठकको ध्यान घुस खानेभन्दा अरू केहीमा छैन । पहिले सरकारी वकिल हुँदादेखिको ५ सय, हजार, ५ हजार, १० हजार जति पाए पनि खाने बानी अझै पनि नहटेको भन्दै अख्तियारभित्रै उनको आलोचना हुने गरेको छ । अख्तियारमा गएपछि जुनजुन मन्त्रालयको जिम्मेवारी पाए, त्यहीत्यही उनी बदनाम हुने गरेको बताइन्छ । पूर्वप्रमुख आयुक्त लोकमानले सम्म बदनाम भन्दै पटकपटक उनको जिम्मेवारी खोस्ने गरेका थिए । त्यसपछि दीप बस्नेतले पनि उनलाई राम्रो मन्त्रालय दिएका थिएनन्् । अहिले घिमिरे कामु भएर आएपछि उसले भूमिसुधारजस्ता जनसम्पर्क बढी हुने मन्त्रालय मागेका थिए, तर पाएनन् । भूमिसुधार हेर्ने जिम्मा नपाए पनि आफैं मालपोतमा फोन गर्दै अवैधानिक रूपमा जग्गा रोक्का गर्न दबाब दिने गरेपछि उनीबाट मालपोत कार्यालय पनि दिक्क भएको बताइन्छ । अति नै गरेपछि अहिले मातपोत कार्यालयहरूले उनीसँग लिखित माग्न थालेका छन् । स्रोतका अनुसार जग्गा दलालहरूले यो जग्गा रोक्का गर्नुप¥यो भन्दै पाठकलाई पैसा चढाउने गरेका छन् । उनलाई यस्ता काममा नापीका सर्वेक्षक शुभकान्त झाले पछाडिबाट मद्दत गर्ने गरेको बुझिएको छ ।
धनुषा घर भएका झाको डेराडन्डा नै अख्तियारमा पाठककै कार्यकक्षमा हुन्छ । ललितपुर नापीमा हुँदा धेरै सरकारी जग्गा दर्ता गरेर अथाह सम्पत्ति आर्जन गरेका झा अहिले नापीको कर्मचारी भए पनि प्लटिङको काम गर्छन् । इमाडोलमा खोलाको जग्गा दर्ता गरेर करोडौं कुम्ल्याएका झाको मुद्दा अख्तियारमा अहिले पनि छँँदै छ । यसअघि ललितबहादुर लिम्बू र वेदप्रसाद शिवाकोटी अख्तियार आयुक्त हुँदा यूएन पार्कको स्वामित्वमा रहेको एक रोपनी जग्गा कुत्सित मनशायका साथ व्यक्तिका नाममा दर्ता गर्न निर्देशन दिएर करौंडो कुम्ल्याएका थिए । जबकि, त्यो उनीहरूको अधिकार क्षेत्रभित्र नै पर्दैनथ्यो । त्यो मुद्दा सर्वोच्मा पुगेपछि सर्वोच्चले अख्तियारलाई उनीहरूलाई विभागीय कारबाही गर्नू भनेर चिठी लेखेर पठाएको थियो । अहिले पाठक पनि लिम्बू र शिवाकोटीकै पथमा हिँडेर अख्तियारलाई नै बदनाम बनाउन तल्लीन रहेको बताइन्छ ।

Leave a Reply

... र यो पनि ...

चक्रपथ

वरिष्ठ नेता नेपाल आज फर्कने

काठमाडौं । पूर्वप्रधानमन्त्री तथा नेकपा (एमाले) का वरिष्ठ नेता माधवकुमार नेपाल पाँच दिनको चीन भ्रमणपछि आज स्वदेश फर्कंदै छन् । उनी गत शनिबार चीन प्रस्थान गरेका थिए । एमाले विदेश- ...
पूरा पढ्नुहोस्

स्रष्टा र सिर्जना

सञ्चालनमा ल्याऊ बन्द पुस्तकालयहरू

२०७२ साल वैशाख १२ र २९ गतेको विनाशकारी भूकम्पका झिल्काहरू नेपाली जनका मानसपटलबाट बिस्तारै बिलाउँदै छन् । भूकम्पले थोपरेका पीडा र मानसिक तनावहरू क्रमशः कम हुँदै गए पनि त्यसका- ...
पूरा पढ्नुहोस्

नयाँ पुस्तक

दुई देशका झझल्काहरू

नयाँ भूभागमा पाइला टेक्ने इच्छा र चाहना कसलाई हुँदैन र ? नयाँ ठाउँमा पुग्दा नौला अनुभूति मात्र सँगालिदैनन्, त्यहाँको हावापानी, प्राकृतिक सौन्दर्य, सामाजिक, सांस्कृतिक तस्बिरहरू- ...
पूरा पढ्नुहोस्

छोटकरीमा