16th August 2018, Thursday

E-budhabar

पूर्वप्रधानमन्त्री नेपाल र सुकीबीच भेटवार्ता



काठमाडौं । म्यानमारकी प्रजातन्त्रवादी नेतृ तथा परराष्ट्रमन्त्री आङ सान सुकीले नेपालको शान्ति प्रक्रिया विश्वमै उदाहरणीय रहेको बताएकी छन् । नेपालका पूर्वप्रधानमन्त्री माधव कुमार नेपाल र पूर्वमन्त्री एकनाथ ढकालसँंगको भेटमा नेतृ सुकीले उक्त कुरा बताएकी हुन् । म्यानमारको परराष्ट्र मन्त्रालयमा भएको भेटमा नेतृ सुकीले प्रत्येक देशमा राजनीतिज्ञभन्दा पनि राजनेता आवश्यक रहेको उल्लेख गर्दै म्यानमारको शान्ति प्रक्रियाको सफलताका लागि राष्ट्रिय मेलमिलाप नै मुख्य रहेको बताइन् ।
एमाले नेता एव पूर्वप्रधानमन्त्री नेपालले नेतृ सुकीलाई नेपाल भ्रमणको निम्तो दिँदै नेपाल लामो संक्रमणकालको अन्त्य गर्दै शान्ति, विकास र लोकतन्त्रको सस्थागत विकासमा आशालाग्दो बाटोतर्फ उन्मुख रहेको जानकारी गराए । नेतृ सुकी र नेपाली नेताहरूको भेटमा दुई मित्र राष्ट्रबीचको आपसी हितका बारेमा कुराकानी भएको म्यानमारका लागि नेपाली राजदूत भीम उदासले जानकारी दिए ।
त्यसैगरी नेपाली दूतावासद्वारा आयोजित भेटघाट कार्यक्रममा म्यानमारमा लामो समयदेखि बसोबास गर्दै आएका नेपालीहरूले आफूहरूलाई गैरआवासीय नेपालीका रूपमा पहिचान प्रदान गर्न र म्यानमारमा पढाइने नेपाली पाठ्यक्रमलाई नेपाल सरकारले मान्यता प्रदान गर्न पहल गरिदिन पूर्वप्रधानमन्त्री नेपालसंँग आग्रह गरेका थिए । वरिष्ठ नेता नेपाल इन्टरनेसनल एसोसियसन अफ पार्लियामेन्टरियन फर पिसको कार्यक्रममा सहभागी हुन म्यानमार गएका थिए ।

Leave a Reply

... र यो पनि ...

चक्रपथ

वैकल्पिक ऊर्जामा कार्यकारीका लागि दौडधुप तीव्र

काठमाडौं । दर्जनौं दातृ संस्थाहरूको अर्बौं रकम ब्रह्मलुट गर्ने संस्था वैकल्पिक ऊर्जा प्रवद्र्धन केन्द्रको प्रमुख हुन तीव्र दौडधुप सुरु भएको छ । चार वर्षअघि केन्द्रको कार्यकारी- ...
पूरा पढ्नुहोस्

स्रष्टा र सिर्जना

अब खुल्दैन ‘साहित्य संसार’को दैलो !

‘बाबा ! म त धेरै बाँच्दिनँ, डाक्टरले १० वर्षको समय दिएको छ ।’ मिर्गाैला प्रत्यारोपणपछि नियमित डायलाइसिसका रहेको साहित्यकार एवं वरिष्ठ रेडियोकर्मी दाहाल यज्ञनिधिले भन्ने गर्नुहुन्थ्यो- ...
पूरा पढ्नुहोस्

नयाँ पुस्तक

सत्यापनको नजिक

आफ्नो जीवन–गाथा रच्ने इच्छा कसलाई हुँदैन र ? जीवनका अँध्यारा–उज्याला तस्बिरहरुलाई फ्रेममा टाँग्ने उत्साहले डोरिँदै समाजका प्रबुद्ध अनुहारहरुले आत्मकथा लेखिरहेका छन् । तर,- ...
पूरा पढ्नुहोस्

छोटकरीमा