25th September 2017, Monday

E-budhabar

पूर्वमन्त्रीलाई दिइएन भिसा



पूर्वमन्त्रीलाई दिइएन भिसा

काठमाडौं । सामान्यतः मन्त्री वा सांसद भइसकेका व्यक्ति कुनै मुलुकमा जान चाहेमा सहज भिसा नपाउने कुरा हुँदैन । तर मन्त्री र सांसदसमेत भइसकेका र देशकै प्रमुख राजनीतिक दलको पोलिटब्युरो सदस्यसमेत रहेका एक नेतालाई भने बेलायतले भिसा दिन इन्कार गरेको छ ।
भिसा पाउनबाट वञ्चित नेता हुन्, पूर्वमन्त्री युवराज कार्की । केही दिनअघि बेलायतमा आयोजित प्रवासी नेपाली मञ्चको बेलायत जिल्ला अधिवेशनमा भाग लिन कार्की पनि जान चाहेका थिए । त्यसका लागि उनले फोन गरेरै निम्ता पनि मगाइसकेका थिए । बेलायत घुम्ने इच्छा दर्साउँदै भिसाका लागि उनले नेपालस्थित बेलायती दूतावासमा आवेदन दिए । तर, पूर्वसामान्य प्रशासनमन्त्री र सांसदसमेत रहिसकेका कार्कीलाई बेलायती दूतावासले भिसा दिन उपयुक्त ठानेन र उनको बेलायत घुम्ने इच्छा अधुरै रहन पुग्यो ।
सो अधिवेशनका लागि प्रवासी मञ्चबाट निम्तो पाएका एमाले सचिव एवं प्रचार विभाग प्रमुख योगेश भट्टराईले बेलायत पुगेर अधिवेशन उद्घाटन गरेका थिए । केही दिनअघि सम्पन्न अधिवेशनले राजेन्द्र पुडासैनीको अध्यक्षतामा नयाँ कमिटीसमेत गठन भएको छ ।
बेलायती दूतावासले भिसा दिन अस्वीकार गरेका कार्कीलाई एमालेले अमेरिका हेर्ने जिम्मा दिएको छ ।
पूर्वसामान्य प्रशासनमन्त्री कार्की दक्षिण कोरियाका लागि राजदूतका लागिसमेत सिफारिस भएका थिए । एमाले अध्यक्ष केपी शर्मा ओली प्रधानमन्त्री हुँदा पार्टीभित्रको समूह नै परिवर्तन गरेर उनी दक्षिण कोरियाका लागि राजदूत सिफारिश हुन सफल भएका थिए । तर, राजदूत नहुँदै ओली नेतृत्वको सरकार परिवर्तन भएर माओवादी केन्द्र र नेपाली कांग्रेसबीच गठबन्धन भई नयाँ सरकार बनेपछि भने उनीलगायत एमालेले सिफारिस गरेका राजदूतहरू नियुक्त हुनबाट वञ्चित भएका थिए ।

Leave a Reply

... र यो पनि ...

चक्रपथ

प्रशासकको सहयोगविना मन्त्रीले भ्रष्टाचार गर्न सक्दैन

रणोद्वीप सिंह वा वीर शमशेरको पालाको कुरा श्री ३ लाई मन परेकी एउटी सुसारे थिइन । राणा परम्परामा सुसारे, नानी, मैयाँ साहेब, रानी, महारानीसमेत भनेर विभिन्न श्रेणीमा भित्रिनीहरूलाई- ...
पूरा पढ्नुहोस्

स्रष्टा र सिर्जना

सिर्जना चोरी लाजको पराकाष्ठा

सिर्जनाको चोरी कुनै नौलो विषय रहेन अब । खासगरी, नेपाली गीत–संगीतमा ‘सिर्जना–चोरी’को पहिलादेखिकै निरन्तरता आजपर्यन्त कायम छ । पछिल्लो समय, निर्माणाधीन चलचित्र ‘छक्कापन्जा–२’- ...
पूरा पढ्नुहोस्

नयाँ पुस्तक

कलिला दिमागलाई भूकम्प–जानकारी

२०७२ साल वैशाख १२ गतेको महाभूकम्प नेपाली जनताका मानस पटलबाट अझै मेटिइसकेको छैन । महाभूकम्पको त्रासदीले पछ्याइरहेको छ अझै । महाभूकम्पले थोपरिदिएको पीडा र घाउहरू आजपर्यन्त देख्न- ...
पूरा पढ्नुहोस्

छोटकरीमा