14th December 2017, Thursday

E-budhabar

प्रज्ञाका कर्मचारीले मनाए तीज



काठमाडौं । हिन्दु धर्मावलम्बी महिलाहरूको महान् पर्वका रूपमा परापूर्वकालदेखि मनाइँदै आएको हरितालिका तीज अहिले सबै धर्म–संस्कृतिमा आस्था राख्ने महिलाहरूले उत्तिकै धुमधामसँग मनाउन थालेका छन् । विशेष गरी सहरबजारमा तीज आउनु एक महिनाअधिदेखि नै सामूहिक रूपमा मीठा–मीठा परिकार खाएर तीज मनाउने गरिन्छ । विभिन्न सङ्घ–संस्थाका साथै सरकारी निकायहरूले समेत विशेष महŒवका साथ तीज मनाउने गरेका छन् ।
यसै सिलसिलामा नेपाल प्रज्ञा प्रतिष्ठानमा कार्यरत माओवादीनिकट कर्मचारीहरूको संगठन नेपाल राष्ट्रिय कर्मचारी संगठनले एक कार्यक्रमको आयोजना गरी हरितालिका तीज मनाएको छ । उक्त अवसरमा बोल्दै प्रज्ञा प्रतिष्ठानका कुलपति गंगाप्रसाद उप्रेतीले तीज नेपाली जातिको मौलिक र विशिष्ट चाड भएको धारणा राखे । उनले भने– ‘तीज समाजमा आपसी सद्भाव कायम गर्न मद्दत पु¥याउने सद्भाव पर्व पनि हो ।’
प्राज्ञ नर्मदेश्वरी सत्यालले तीजका नाममा अहिले संस्कृतिभन्दा विकृति फैलिइरहेको उल्लेख गर्दै भनिन्– ‘यसका सकारात्मक पक्षलाई शिरोधार्य गर्दै नकारात्मक पक्षलाई त्याग्न जरुरी छ ।’
संगठनका अध्यक्ष धनबहादुर कार्कीको अध्यक्षतामा सम्पन्न कार्यक्रममा प्राज्ञ श्रवण मुकारुङ, माओवादी केन्द्रका नेता छविन्द्रलाल कँडेल, संगठनका पूर्वसचिव लोकेन्द्रबहादुर याक्खा, हास्यकलाकार शैलेन्द्र सिम्खडा, तामाङ संस्कृतिकर्मी गोपी लामा, प्रजातान्त्रिक कलाकार तथा कर्मचारी संगठनका अध्यक्ष सुरेन्द्र्रकाजी सिन्दुराकारलगायतले बोलेका थिए । उक्त अवसरमा प्रतिष्ठानका चालक जितबहादुर खड्का ‘गोपाल’को लोकगीति एल्बम ‘शैलुङपारि हिमाल’को विमोचन गरिएको थियो ।
कार्यक्रममा उपकुलपति विष्णुविभु घिमिरे, प्राज्ञ परिषद् सदस्यहरू दिनेशराज पन्त, उषा ठाकुर, अमर गिरी, मातृका पोखेरल, ज्ञानु पाण्डेका साथै प्राज्ञ सभा सदस्यहरूको उपस्थिति थियो ।

Leave a Reply

... र यो पनि ...

चक्रपथ

कुमारी र एनसीसी बैंक डुबाउने खेलमा को–को ?

काठमाडौं । काण्डैकाण्डमा मुछिएको कुमारी बैकमा फेरि पनि विवाद बल्झिएको छ । यसअगाडिका सीईओ उदयकृष्ण उपाध्याय यौन काण्डमा परेर चर्चामा आएका मात्र होइनन्, उनको जागिर नै गएको थियो- ...
पूरा पढ्नुहोस्

स्रष्टा र सिर्जना

जहाँ फुल्दै छ एउटा सार्थक सपना

आखिर सपना देख्नेहरू नै बदल्छन्– सिंगो संसार, आफू बाँचिरहेको समाज÷परिवेश । युवा सर्जक कमल ढकालसँग पनि सपनाका अनगिन्ति थाकहरू थिए । तिनै सपनामध्ये अहिले एउटा स्वप्नले सार्थक र- ...
पूरा पढ्नुहोस्

नयाँ पुस्तक

चीन बुझ्न सजिलो

पहिलो आर्थिक महाशक्ति बन्ने तीव्र दौडमा सामेल चीनले पछिल्ला अवधिमा विकास, उन्नति र समृद्धिको क्षेत्रमा मारेको फड्कोले सबैलाई चकित तुल्याउँछ । समाजवादी राज्य प्रणाली अपनाएयता- ...
पूरा पढ्नुहोस्

छोटकरीमा