15th August 2018, Wednesday

E-budhabar

प्रधानमन्त्रीले नआऊ भन्दा पनि…



काठमाडौं । प्रधानमन्त्री केपी शर्मा ओलीले यसपटक लगातार रूपमा दोहो¥याइरहेको भनाइ छ, ‘म आफू पनि अनियमितता गर्दिनँ, कसैले गरेको पनि सहन्नँ ।’ त्यसको सुरुवात विगतमा आफ्नै सचिवालयमा रहेर विवादमा मुछिएकाहरूलाई बिदा दिएर गरे पनि उनीहरूले बालुवाटार र सिंहदबार धाउन छाडेका छैनन् ।
१६÷१७ वर्षदेखि प्रधानमन्त्री ओलीका पीए रहेका झापाका इन्द्र भण्डारी तीमध्येका एक हुन्, जसलाई प्रमले बोलाएर अब तपाईं नआउनुहोला भन्दा पनि मानेका छैनन् । उनी केही कामबिना नै दिउँसो सिंहदबार र बिहान–बेलुकी बालुवाटार पुगेर धर्ना दिइरहेका हुन्छन् । मानौं, उनी अहिले पनि प्रमकै सचिवालयमा छन् । अघिल्लोपटक प्रमको प्रमुख स्वकीय सचिव हुँदा आर्थिक अनियमिततामा मुछिएको तथ्य प्रमसमक्ष पुगेपछि बालुवाटारबाट निस्किनासाथ उनले बालकोट नआउने गरी बिदा पाएका थिए । लामो समय सँगै बसेको, त्यसमा पनि झापाकै, अझ पार्टीमा पनि लागेको व्यक्ति भएका कारण इन्द्रलाई ओलीका वरिपरि जान गाह्रो छैन । तर, गलगाँडझैं उनी बिनाकाम आफ्नो वरिपरि झुन्डिरहेकोमा प्रमलाई पटक्कै चित्त बुझेको छैन ।
त्यस्तै, अघिल्लो कार्यकालमा स्वकीय सचिव रहेका धादिङका रमेश आचार्यको उठ्तीपुर्तीबाट आजित भएका प्रम ओलीले आफू प्रम नहुँदै उनलाई वक्तव्य निकालेर सचिवालयबाट निकालेका थिए । ओलीलाई ‘बा’ भन्ने, कालो कोट लगाएर डायरी समातेर केके न गर्ने रहेछ भन्ने पार्दै अघिपछि गर्ने रमेशलाई पनि अहिले बालुवाटार प्रवेश निषेध छ । रोचक कुरा, इन्द्रकै पथ पछ्याउँदै उनी पनि वरिपरि देखिन छाडेका छैनन् । प्रमको टिममा हुँदा धादिङका बालुखानी, गिट्टी उद्योगदेखि मेडिकल कलेजका सञ्चालकबाट समेत असुली गरेको पत्ता लागेपछि ओलीले उनलाई हटाएका थिए ।
झापाकै अनिश दाहाल पनि प्रमको सचिवालयमा अटाएनन् । क्याम्पसमा पढाउने, अंग्रेजी जान्ने भन्दै बालकोट भिœयाइएका उनमा चारित्रिक समस्या त देखा प¥यो नै, अरू पनि कैफियत देखिएपछि उनी पनि टिममा परेका छैनन् ।
प्रम ओलीले आफ्नो स्वकीय सचिवमा राजेश बज्राचार्यलाई नियुक्त गरेका छन्, जो नियुक्त नगरे पनि सधैं उनीसँगै हुन्छन् । सबै भेटघाट मिलाउने, औषधि खुवाउने, अनलाइनमा यस्तो समाचार आएछ भन्नेदेखि गाडीमा पत्रिका पढेर सुनाउनेसम्मका काम उनले नै गर्दछन् । पुरानामध्येबाट ओलीले माया गर्ने चेतन अधिकारीले प्रेस संयोजकमा निरन्तरता पाएका छन् भने ओलीको जीवन लेख्दै गरेका रामशरण बजगाईंले सूचना सम्प्रेषकमा नियुक्ति पाएका छन् । दीपेन्द्र दाहाल र कृष्णलाई पनि सचिवालयमा राखिएको छ ।
प्रम ओलीको सचिवालयदेखि सल्लाहकार समूह र सरकारी बैठकहरूको समेत संयोजन प्रमुख सल्लाहकार विष्णु रिमालले गर्दै आएका छन् । स्वदेशी–विदेशीसँग डिल गर्न उत्तिकै माहिर उनलाई जनसम्पर्क सल्लाहकार अच्यूत मैनाली र प्रेस सल्लाहकार कुन्दन अर्यालले सघाइरहेका छन् ।

Leave a Reply

... र यो पनि ...

चक्रपथ

वैकल्पिक ऊर्जामा कार्यकारीका लागि दौडधुप तीव्र

काठमाडौं । दर्जनौं दातृ संस्थाहरूको अर्बौं रकम ब्रह्मलुट गर्ने संस्था वैकल्पिक ऊर्जा प्रवद्र्धन केन्द्रको प्रमुख हुन तीव्र दौडधुप सुरु भएको छ । चार वर्षअघि केन्द्रको कार्यकारी- ...
पूरा पढ्नुहोस्

स्रष्टा र सिर्जना

अब खुल्दैन ‘साहित्य संसार’को दैलो !

‘बाबा ! म त धेरै बाँच्दिनँ, डाक्टरले १० वर्षको समय दिएको छ ।’ मिर्गाैला प्रत्यारोपणपछि नियमित डायलाइसिसका रहेको साहित्यकार एवं वरिष्ठ रेडियोकर्मी दाहाल यज्ञनिधिले भन्ने गर्नुहुन्थ्यो- ...
पूरा पढ्नुहोस्

नयाँ पुस्तक

सत्यापनको नजिक

आफ्नो जीवन–गाथा रच्ने इच्छा कसलाई हुँदैन र ? जीवनका अँध्यारा–उज्याला तस्बिरहरुलाई फ्रेममा टाँग्ने उत्साहले डोरिँदै समाजका प्रबुद्ध अनुहारहरुले आत्मकथा लेखिरहेका छन् । तर,- ...
पूरा पढ्नुहोस्

छोटकरीमा