25th April 2018, Wednesday

E-budhabar

मुलुकलाई गरिबमै राख्ने नियत



कांग्रेस मुलुक र जनताप्रति कति गैरजिम्मेवार छ भन्ने कुरा त्यो पार्टीको नेताहरूको अभिव्यक्तिबाट प्रस्ट हुन्छ, जाँदै गरेको कांग्रेसी सरकारले देशलाई ठूलो आर्थिक भार पर्ने गरी बजेटको कुनै शीर्षकमा नभएको विषय ६५ बर्ष पुगेकालाई वृद्व भत्ता दिने, भूकम्पलाई प्रतिघर १ लाख थप्नेजस्ता निर्णयहरू एकपछि अर्को गर्दै गएर मन नपरे आउने सरकारले खारेज गरे भैगो नि भन्दै हिँड्नुले त्यो निर्णय आवश्यताभन्दा पनि जनताबाट अनुमोदित आउने सरकारलाई अप्ठ्यारो पार्ने, आर्थिक रूपमा सम्हालिन नदिने, विदेशीको इसारामा मुलुकलाई कंगाल मात्र होइन, अस्थिर र गरिबीमै राख्ने आफ्नो पूर्वनियतबमोजिम नै निर्णय गरेको प्रस्ट देखिन्छ ।
यी निर्णयमा कांग्रेसको पीडा पनि अभिव्यक्त भएको छ । साँच्चै कांग्रेस जनताप्रति उत्तरदायी भएको भए बहुदलपछिको २८ बर्षमा २० वर्ष आफूले सत्ता चलाएको बेलामा जनतालाई राहत हुने यस्ता निर्णय गर्न सक्थ्यो । आफू सत्तारोहण भएको समयमा आफैंले कार्यान्वयन गर्न पाउने अवस्थामा त्यस्ता साँच्चै जनतालाई राहत हुने एउटा पनि निर्णय गरेन कांग्रेसले, किनकि कांग्रेस जनताका लागि भन्दा पनि विदेशीका लागि देशको सत्तामा बस्यो । आज कम्तीमा पाँच वर्ष प्रतिपक्षबाहेक जनताप्रति कुनै भूमिकामा नरही सत्ताबाट बाहिर बस्दै गर्दा आगामी पाँचवर्षे सरकारले देशको बृहत्तर हितलाई ध्यानमा राखेर काम गर्न नदिने, जनताको परिवर्तनको चाहनामा अवरोध ल्याउने गरि दैनिक प्रशासनबाहेक कुनै काम गर्न नपाउने कामचलाउ सरकारले भए÷नभएका मुलुक र जनतालाई धोका दिने जुन निर्णय गरेको छ, त्यो निर्णयले प्रकारान्तरले देश र जनतालाई यथास्थितिमा राख्ने र विदेशी प्रभुलाई रिझाउने कामबाहेक केही गरेको छैन ।

Leave a Reply

... र यो पनि ...

चक्रपथ

वरिष्ठ नेता नेपाल आज फर्कने

काठमाडौं । पूर्वप्रधानमन्त्री तथा नेकपा (एमाले) का वरिष्ठ नेता माधवकुमार नेपाल पाँच दिनको चीन भ्रमणपछि आज स्वदेश फर्कंदै छन् । उनी गत शनिबार चीन प्रस्थान गरेका थिए । एमाले विदेश- ...
पूरा पढ्नुहोस्

स्रष्टा र सिर्जना

सञ्चालनमा ल्याऊ बन्द पुस्तकालयहरू

२०७२ साल वैशाख १२ र २९ गतेको विनाशकारी भूकम्पका झिल्काहरू नेपाली जनका मानसपटलबाट बिस्तारै बिलाउँदै छन् । भूकम्पले थोपरेका पीडा र मानसिक तनावहरू क्रमशः कम हुँदै गए पनि त्यसका- ...
पूरा पढ्नुहोस्

नयाँ पुस्तक

दुई देशका झझल्काहरू

नयाँ भूभागमा पाइला टेक्ने इच्छा र चाहना कसलाई हुँदैन र ? नयाँ ठाउँमा पुग्दा नौला अनुभूति मात्र सँगालिदैनन्, त्यहाँको हावापानी, प्राकृतिक सौन्दर्य, सामाजिक, सांस्कृतिक तस्बिरहरू- ...
पूरा पढ्नुहोस्

छोटकरीमा