15th August 2018, Wednesday

E-budhabar

मौका छोपेर कर्मचारीलाई स्थायी



काठमाडौं । लुम्बिनी विकास कोषमा सदस्य–सचिव नभएको मौका छोपेर कामु सदस्य–सचिवले जथाभावी रूपमा कर्मचारीहरूलाई स्थायी गराउने तयारी थालेका छन् । संस्कृति, पर्यटन तथा नागरिक उड्डयन मन्त्रालयले सदस्य–सचिव चयन गर्न प्रक्रिया अघि बढाइरहेको बेला कामु सदस्य–सचिव सरोज भट्टराईले पैसाको चलखेल गरी करारमा रहेका कर्मचारीहरूलाई स्वतः स्थायी गराउन लागेका हुन् ।
कामु सदस्य–सचिव भट्टराईले करारमा रहेका कोषका २३ जना कर्मचारीलाई स्वतः स्थायी गराउन प्रक्रिया अघि बढाएका छन् । करारमा रहेका ती कर्मचारीहरूसँग आर्थिक लेनदेन गरी उनले स्थायी गराउन खोजिएको बताइन्छ । पदपूर्ति समितिको अध्यक्ष नै भट्टराई रहेका हुँदा उनले पैसाको प्रलोभनमा फसेर नियमविपरीत कर्मचारीहरूलाई स्थायी गराउन लागेका हुन् ।
कामु सदस्य–सचिव भट्टराईले खुलाबाट कर्मचारीहरू नियुक्ति गर्ने प्रक्रियालाई रद्द गरेका छन् । त्यसको साटो करारमा रहेका सीमित कर्मचारीलाई स्थायी गर्ने गरी प्रक्रिया अघि बढाएका छन् । २०७० सालमा तत्कालीन सदस्य–सचिव अजितमान तामाङले कर्मचारीहरूलाई भर्ना गर्न विज्ञापन गरे पनि लोकसेवा आयोगले आपत्ति जनाएपछि सो प्रक्रिया रोकिन पुगेको थियो । लामो समयसम्म कर्मचारीहरू भर्ना नगरिँदा १५९ दरबन्दी रहेको कोषमा अहिले ५० जना मात्रै कर्मचारी छन् ।
यसैगरी, कोषको सदस्य–सचिव बन्न २२ जनाले आवेदन दिएका छन् । सदस्य–सचिवको दौडमा रहेका ती सबैलाई मन्त्रालयले चारवर्षे कार्ययोजना बनाएर सिलबन्दी गरी पेस गर्न निर्देशन दिएको छ । मन्त्रालयले निर्देशन दिएबमोजिम सबैले कार्ययोजना बनाएर मन्त्रालयमा पेस गरे पनि अहिलेसम्म कुनै पनि आवेदकलाई खबर भने नगरिएका बताइन्छ ।

Leave a Reply

... र यो पनि ...

चक्रपथ

वैकल्पिक ऊर्जामा कार्यकारीका लागि दौडधुप तीव्र

काठमाडौं । दर्जनौं दातृ संस्थाहरूको अर्बौं रकम ब्रह्मलुट गर्ने संस्था वैकल्पिक ऊर्जा प्रवद्र्धन केन्द्रको प्रमुख हुन तीव्र दौडधुप सुरु भएको छ । चार वर्षअघि केन्द्रको कार्यकारी- ...
पूरा पढ्नुहोस्

स्रष्टा र सिर्जना

अब खुल्दैन ‘साहित्य संसार’को दैलो !

‘बाबा ! म त धेरै बाँच्दिनँ, डाक्टरले १० वर्षको समय दिएको छ ।’ मिर्गाैला प्रत्यारोपणपछि नियमित डायलाइसिसका रहेको साहित्यकार एवं वरिष्ठ रेडियोकर्मी दाहाल यज्ञनिधिले भन्ने गर्नुहुन्थ्यो- ...
पूरा पढ्नुहोस्

नयाँ पुस्तक

सत्यापनको नजिक

आफ्नो जीवन–गाथा रच्ने इच्छा कसलाई हुँदैन र ? जीवनका अँध्यारा–उज्याला तस्बिरहरुलाई फ्रेममा टाँग्ने उत्साहले डोरिँदै समाजका प्रबुद्ध अनुहारहरुले आत्मकथा लेखिरहेका छन् । तर,- ...
पूरा पढ्नुहोस्

छोटकरीमा