18th February 2018, Sunday

E-budhabar

युवा संघको मधेसमा जागरण अभियान



काठमाडौं । मंसिर २९ गते सर्लाहीको हरिऔनमा राष्ट्रिय भेला गरेर मधेसमा छिरेको युवा संघले मधेसमा दुईमहिने जागरण अभियान पनि सञ्चालन गर्ने भएको छ । मधेसवादी दलले गरेको आन्दोलनका कारण मधेसका जनताको दैनिकी निकै कष्टकर बनेको भन्दै मधेसका जिल्लामा दुईमहिने जागरण अभियान सञ्चालन गर्न लागेको हो ।
१८ जिल्लामा सञ्चालन हुने मधेस जागरण तथा संवाद अभियानको नेतृत्व पदाधिकारी र स्थायी कमिटी सदस्यहरूले गर्ने भएका छन् । अभियानअन्तर्गत अध्यक्ष पहारी पर्सामा, उपाध्यक्ष दिलु पन्त धनुषामा, अर्का उपाध्यक्ष रमेश पौडेल सिरहामा, चन्द्र लामा रुपन्देही, गोविन्द थापा झापा र महासचिव किरण पौडेल सप्तरीमा खटिने भएका छन् । त्यस्तै, सचिव मन्जु यादव महोत्तरी, नरेश शाही सुनसरी, परशुराम बस्नेत मोरङ र क्रान्ति बुर्लाकोटी नवलपरासीमा खटिनेछिन् ।
अभियानका क्रममा संविधान पढाउनका साथै मधेसमा भएको सामाजिक कुरीति र विकृतिका बारेमा पनि जनचेतना जगाउने अध्यक्ष पहारीले बताए । अभियानकै क्रममा त्यहाँका समस्या बुझेर यदि राज्यको नीति निर्माणको तहमा कतै मधेसलाई हेलाहोचो भएको छ भने सम्बन्धित निकायलाई घच्चघच्याउने काम गर्ने पनि अध्यक्ष पहारीले बताए । त्यस्तै, युवा संघले राष्ट्रपति विद्यादेवी भण्डारीमाथि जनकपुरमा गरिएको अभद्र व्यवहारमा संलग्नलाई कारबाही गर्न सरकारसँग माग गरेको छ । सोमबार राजधानीमा पत्रकार सम्मेलन आयोजना गरी संघले विधवा शब्द प्रयोग गरी राष्ट्रप्रमुखलाई अपमान गर्ने र विधवा प्रवेश गरेको भन्दै मन्दिर चोख्याउने आन्दोलन मानव सभ्यताविपरीत भएको बतायो । राष्ट्रपतिमाथि भएको व्यवहार कुनै पनि हिसाबले क्षम्य नभएको भन्दै संघका अध्यक्ष राजीव पहारीले जनकपुर काण्डका दोषीलाई पक्राउ नगरिए संघले पक्रेर बुझाउने बताए । मधेसी मोर्चाका नेताहरूको सामन्तवादी संस्कृतिकै कारण तराईका जिल्लामा यस्ता घटना पटक–पटक दोहोरिएको पहारीको दाबी थियो । मधेसी मोर्चाका नेताहरूले राष्ट्रविरुद्ध अपराध गरेको र मुलुकलाई टुक्र्याउने अभियानमा लागेको भन्दै पहारीले उनीहरूलाई राज्यद्रोहको अभियोगमा आजीवन काराबासको सजाय दिनसमेत माग गरे ।

Leave a Reply

... र यो पनि ...

चक्रपथ

चन्द्रागिरिको ढुंगामा क–कसले गर्दै छन् गोलमाल ?

काठमाडौं । थानकोट–चन्द्रागिरि–चित्लाङ सडक आयोजना निर्माणका क्रममा ठेकेदारले उत्खननपछि आएको ढुंगा बेच्न पाउनुपर्ने लबिइङमा स्थानीय जनप्रतिनिधिहरू नै लागेका छन् । नीतिगत- ...
पूरा पढ्नुहोस्

स्रष्टा र सिर्जना

पुरस्कार र मेला–केन्द्रित प्रकाशन व्यवसाय

यस वर्षको हिउँदमा नेपाली प्रकाशनगृहहरू फेरि सुस्ताउन पुगे । हरेक वर्षको हिउँदमा निजी प्रकाशन गृहहरूले पुस्तक प्रकाशनमा तदारुकता देखाउन चाहँदैनन् । यो एउटा नियमित प्रक्रियाजस्तै- ...
पूरा पढ्नुहोस्

नयाँ पुस्तक

व्यक्तिवृत्त उघिन्ने कार्य

कुन मानिसमा कति प्रतिभा रहेको छ, कस्तो आनिबानी छ र के–कस्ता विषयहरूमा रुचि छन् ? यी सबै कुरा थाहा पाउन त्यस्ता मानिससँग गहिरो मित्रता र संगतको आवश्यकता पर्दछ । बाह्य रूपमा नियालेर- ...
पूरा पढ्नुहोस्

छोटकरीमा