21st May 2018, Monday

E-budhabar

योजना आयोगको उपाध्यक्षमा कँडेल



योजना आयोगको उपाध्यक्षमा कँडेल

काठमाडौं । राष्ट्रिय योजना आयोगको उपाध्यक्षमा डा. पुष्प कँडेल नियुक्त भएका छन् । मन्त्रिपरिषद्को मंगलबार बिहान बसेको बैठकले उनलाई नियुक्त गरेको हो । नेकपा (एमाले) का केन्द्रीय लेखापरीक्षण आयोगका अध्यक्षसमेत रहेका कँडेलले त्रिभुवन विश्वविद्यालयमा अर्थशास्त्रमा अध्यापनसमेत गरेका थिए ।
धादिङ जिल्ला बेनीघाट–१ रिचोकटारमा जन्मिएका कँडेलले दिल्ली स्कुल अफ इकोनोमिक्सबाट कर्पाेरेट ट्याक्सेसन एन्ड इनभेस्टमेन्ट बिहेबियर इन नेपाल विषयमा विद्यावारिधि गरेका हुन् । उनले २०४२ सालबाट सरस्वती क्याम्पसमा पढाउन थाले । कँडेल एमालेको २०४९ मा सम्पन्न पाँचौं महाधिवेशनबाट केन्द्रीय लेखापरीक्षण कमिटीको सदस्य निर्वाचित भएका थिए । उनी १० वर्षदेखि निरन्तर लेखा परीक्षण आयोगको अध्यक्ष छन् । २०५१ सालमा एमाले सरकारमा रहँदा तीन महिना राष्ट्रिय वाणिज्य बैंकको सञ्चालक समिति सदस्य र २०६२÷६३ को आन्दोलनपछि नेपाल बैंक लिमिटेडको सञ्चालक समिति सदस्यमा रहेर समेत उनले काम गरेका छन् । बैठकले आयोगका सदस्यहरूमा कृष्णप्रसाद ओली, उषा झा, दिलकुमार गुरुङ, सुशील भट्ट, मीनबहादुर शाही र रामकुमार फुयाँललाई नियुक्त गर्ने निर्णय गरेको छ ।

Leave a Reply

... र यो पनि ...

चक्रपथ

कामिनीको पद धरापमा

काठमाडौं । सरकारले नेपाल टेलिकमको व्यवस्थापकीय काम गर्न सक्षम नभएको र संस्था धराशायी पारेको भन्दै प्रबन्ध निर्देशक कामिनी राजभण्डारीलाई स्पष्टीकरण मागेको छ । मन्त्रिपरिषदको- ...
पूरा पढ्नुहोस्

स्रष्टा र सिर्जना

‘भोर’–सन्देश

बीसको दशकमा औंलो उन्मुलन भएपछि मधेसमा अपेक्षाकृत रुपमा आवाद बढ्न पुग्यो । भारतीय सीमा क्षेत्रका केही प्रख्यात बजारहरुको घेरा तोडेर चुरेको काछसम्मै बस्ती विस्तारको लहर चल्यो- ...
पूरा पढ्नुहोस्

नयाँ पुस्तक

दुई देशका झझल्काहरू

नयाँ भूभागमा पाइला टेक्ने इच्छा र चाहना कसलाई हुँदैन र ? नयाँ ठाउँमा पुग्दा नौला अनुभूति मात्र सँगालिदैनन्, त्यहाँको हावापानी, प्राकृतिक सौन्दर्य, सामाजिक, सांस्कृतिक तस्बिरहरू- ...
पूरा पढ्नुहोस्

छोटकरीमा