22nd July 2018, Sunday

E-budhabar

राष्ट्र बैंकमा गन्जागोल



काठमाडौं । नेपाल राष्ट्र बैंकमा गन्जागोल भएको छ । केही दिनअघि आठ जना उपनिर्देशक पदका कर्मचारीको निर्देशक पदमा बढुवा भएपछि झनै अन्योल बढेको हो । सय जनाभन्दा बढी उपनिर्देशक कार्यरत भए पनि आठ जनाले मात्रै बढुवा हुने अवसर पाएको बताइन्छ । ३० वर्षे अवकाश नीतिका कारण धेरै निर्देशकको सेवा अवधि सकिएपछि उपनिर्देशकहरूले यति चाँडै बढुवा हुने अवसर पाएका हुन् । अहिले राष्ट्र बैंकका डा. चिरञ्जीवी नेपाल गभर्नर भए पनि निर्देशक राजेन्द्र पण्डितले गभर्नरको सचिवालमा बसेर सम्पूर्ण काम गरिरहेका छन् । त्यसैले, उनलाई केहीले छाया गभर्नरका रूपमा समेत लिने गरिएको छ । यो पटकमा बढुवामा पनि गभर्नर नेपाल, निर्देशक पण्डित र अर्थमन्त्री डा. युवराज खतिवडाले आफ्ना निकटलाई छानेर बढुवा गरेको भन्दै असन्तुष्टि छाएको छ ।
बढुवा हुनेमा प्रह्लाद थापा, चेतप्रसाद उप्रेती, बलराम पौडेल, ईश्वरीप्रसाद न्यौपाने, रोशनकुमार सिग्देल, केशव थापा, डा. रामशरण खरेल र डा. डिल्लीराम पोखरेल रहेका छन् । डा. खरेल भने अर्थमन्त्री युवराज खतिवडाका आफ्नै ज्वाइँ लहुन् । खतिवडा अर्थमन्त्री भएपछि अर्थ मन्त्रालयको सल्लाहकारमा नियुक्त गराएका उनलाई अर्थमन्त्री डा. खतिवडाको दबाबमा बढुवासमेत गरिएको बुझिएको छ । डा. खरेलको दुईवटै हातमा लड्डु भएपछि अन्य कर्मचारीहरू भने रुष्ट भएका छन् ।

Leave a Reply

... र यो पनि ...

चक्रपथ

नेकपाको विधान र नियमावली पारित

महाधिवेशन प्रतिनिधि बन्न ओली र प्रचण्डले पनि चुनाव लड्नुपर्ने काठमाडौं । नेपाल कम्युनिस्ट पार्टी (नेकपा) ले सबै कमिटीका पदाधिकारी र सदस्यले महाधिवेशन र अधिवेशनमा प्रतिनिधिमा- ...
पूरा पढ्नुहोस्

स्रष्टा र सिर्जना

अधैर्यको नमीठो स्वाद

आख्यान र गैरआख्यान दुवै विधाका किताबको अध्ययनमा गहिरो अभिरुचि राख्ने एक जना गम्भीर अध्येताले केही दिनअघि भने, ‘नेपाली लेखकहरूका एकपछि अर्को किताब फितला हुँदै गइरहेका छन् । लेखन- ...
पूरा पढ्नुहोस्

नयाँ पुस्तक

विडम्बनाको पर्दाफास

हरेक समाज केही न केही विडम्बना, समस्या र द्वन्द्वमा जेलिएका हुन्छन् । त्यस्तो समाजभित्र बाँचिरहेका मानिसहरूका अनेक कथाव्यथा हुन्छन्, अनगिन्ति पीर, सन्ताप, व्यथा, खुसी र उल्लास- ...
पूरा पढ्नुहोस्

छोटकरीमा