18th July 2018, Wednesday

E-budhabar

ललितपुरमा घुमुवा आतंक



काठमाडौं । महानगरी प्रहरी अपराध महाशाखाअन्तर्गत लतिपुरका केही घुमुवा प्रहरीले आतंक नै फैलाएका छन् । जावलाखेलस्थित परिसरमा अलि लामो समयदेखि कार्यरत सादा पोसाकधारी केही घुमुवाले फिरौतीको मामिलामा आतंक नै फैलाएको भन्दै गुनासो बढेको छ ।
त्यस्ता घुमुवाहरूले डन, तस्कर, व्यवसायी, रेस्टुरेन्ट सञ्चालक तथा जुवाखाल चलाउनेहरूसँग मिलेमतो गरी हप्तावारी उठाउने मात्र होइन, बेलाबेलामा छापा हान्न जानुअघि नै त्यस्ता गिरोहलाई सूचना लिक गर्ने गरेका छन् । अनुसन्धानको जिम्मा पाएका अधिकारीहरूलाई असफल पार्ने र पैसाका लागि जस्तोसुकै हर्कत गर्न पछि नपर्ने त्यस्ता घुमुवाका कारण ललितपुर भरी आतंक फैलिएको पीडितहरूले बताएका छन् । प्रकाश खड्का नामका एक घुमुवाले माथिसम्म मिलाउनुपर्छ भन्दै विभिन्न व्यक्तिसँग दसैं खर्च माग्ने, घरमा राख्ने टिभी र आफूले बोक्ने मोबाइलसमेत किन्न लगाउने र विभिन्न क्रसर व्यवसायी, ठेकेदार, ढुंगाखानी सञ्चालक तथा डान्स तथा दोहोरी रेस्टुरेन्टबाट नियमित रकम उठाइरहेका छन् । ललितपुरका फरार अभियुक्त मिनकृष्ण महजनको इसारामा चल्ने उनले प्रहरीका सूचना डन तथा जुवा खाल सञ्चालकलाई दिएर दोहोरो फाइदासमेत लिइरहेको बताइन्छ । उनले केही दिनअघि मात्र पनि हरेक दिन लाखौंको जुवाखेल हुने विभिन्न गोप्य अखडाहरूमा छापा मार्न भनेर कार्यालयबाट अनुमति लिएर गएको र जाने तयारी भएपछि छापा मार्न आउँदै छु भनेर सूचना चुहावट गरी जुवाडेहरू भगाएर पैसा लिएको परिसरभरि चर्चा छ ।
उनले केरकारकै इन्सपेक्टर खुमलाल भुसालको नाम बेचेर समेत विभिन्न दोहोरीबाट ठूलो रकम उठाएको खबर छ । खासगरी डान्स रेस्टुरेन्ट, दोहोरी र क्याबिनहरूमध्ये ग्वार्कोको दोहोरी साँझ, मीनभवनको ललितपुर दोहोरी, एकान्तकुनाको ओखरबोटे दोहोरी साँझ, महालक्ष्मी स्थानको तीनपाने भन्ज्याङ दोहोरी साँझलगायतका स्थानबाट रकम उठाइरहेको बताइन्छ ।
यता चापागाउँमा दरबन्दी भएर सातदोबाटोमा कार्यरत ट्राफिक इन्द्र बोहोराले पनि उठौती धन्दामा आतंक नै फैलाएको समाचार छ । उनले ट्रिपर, बोर्डिङ स्कुल, विभिन्न पार्किङलगायतका सबै स्थानबाट गरी मासिक डेढ लाख रुपैयाँसम्म जम्मा पार्ने गरेको आरोप छ ।
मासिक १५–१६ हजार तलब हुने ती प्रहरीहरूले ५ लाख रुपैयाँ पर्ने मोटरसाइकल चढेर हिँड्ने गरेका छन् । उनीहरूले अवैध रूपमा गरेको आर्जनबाट विभिन्न स्थानमा व्यवसाय चलाएको समेत थाहा भएको छ ।

 

Leave a Reply

... र यो पनि ...

चक्रपथ

नेकपाको विधान र नियमावली पारित

महाधिवेशन प्रतिनिधि बन्न ओली र प्रचण्डले पनि चुनाव लड्नुपर्ने काठमाडौं । नेपाल कम्युनिस्ट पार्टी (नेकपा) ले सबै कमिटीका पदाधिकारी र सदस्यले महाधिवेशन र अधिवेशनमा प्रतिनिधिमा- ...
पूरा पढ्नुहोस्

स्रष्टा र सिर्जना

अधैर्यको नमीठो स्वाद

आख्यान र गैरआख्यान दुवै विधाका किताबको अध्ययनमा गहिरो अभिरुचि राख्ने एक जना गम्भीर अध्येताले केही दिनअघि भने, ‘नेपाली लेखकहरूका एकपछि अर्को किताब फितला हुँदै गइरहेका छन् । लेखन- ...
पूरा पढ्नुहोस्

नयाँ पुस्तक

विडम्बनाको पर्दाफास

हरेक समाज केही न केही विडम्बना, समस्या र द्वन्द्वमा जेलिएका हुन्छन् । त्यस्तो समाजभित्र बाँचिरहेका मानिसहरूका अनेक कथाव्यथा हुन्छन्, अनगिन्ति पीर, सन्ताप, व्यथा, खुसी र उल्लास- ...
पूरा पढ्नुहोस्

छोटकरीमा