20th February 2018, Tuesday

E-budhabar

लेखापालहरूको सरुवामा चलखेल



काठमाडौं । लेखा समूहका कर्मचारीहरूको सरुवाबढुवा र खटनपटन गर्ने निकाय महालेखा नियन्त्रक कार्यालयले केही लेखापालको सुटुक्क सरुवा गरेको छ ।
रिक्त स्थानमा भनिए पनि रातारात पैसाको चलखेलका आधारमा धेरै कमाइ हुने स्थानलाई आधार मानेर सरुवा गरिएको स्रोतको दाबी छ ।
यसरी सरुवा हुँदा उनीहरू मालदार स्थानबाट मालदारमै जान सफल भएका मात्र छैनन्, केहीले त तुलनात्मक रूपमा बढी कमाइ हुने अड्डामा दोहो¥याएर मौका पाएका छन् ।
कर्मचारी समायोजन विधेयेक पारित भएर समायोजनको अन्तिम चरणमा पुगेका बेला यसरी सरुवा हुने पाँच लेखापालहरूमा सुवास कोइराला, तिलकराज पन्त, मुक्ति भट्टराई, राजेश बस्नेत र उपेन्द्र चौलागाईं रहेका छन् ।
त्यसमध्ये कोइराला मध्यपहाडी लोकमार्गको पूर्व–पश्चिम खण्डमा समेत ६ वर्षसम्म लगातार काम गरेर कुस्त कमाइसकेका बदनाम पात्रका रूपमा परिचित छन् । गृह मन्त्रालयमा रहेका उनलाई अहिले डिभिजन सडक कार्यालय सुर्खेतमा सरुवा गरिएको छ । नेपाली कांग्रेसनिकट कर्मचारी ट्रेड युनियनका कोषाध्यक्षसमेत रहेका कोइराला अहिले मालदार स्थानमा जानचाहिँ एमालेनिकट कर्मचारी युनियनका कोइराला थरकै एक नेताको फेर समातेर पुगेका थिए । आफूसमेत लेखा अधिकृत रहेका ती नेताले राम्रै रकमको मोलतोल गरेर उनको सरुवा मिलाएको चर्चा छ । त्यस्तै, अर्का लेखापाल पन्त गृह मन्त्रालयबाट चैनपुर ताक्लाकोट बझाङ सडक आयोजनामा, भट्टराई भैरहवा लुम्बिनी सिँचाइ आयोजनाबाट डिभिजन सडक कार्यालय चितवनमा, बस्नेत मलेनिकाबाट डिभिजन सडक कार्यालय मकवानपुरमा र चौलागाईं जिल्ला वन कार्यालय बर्दियाबाट जल उत्पन्न डिभिजन कार्यालय जुम्लामा सरुवा मिलाउन सफल भएका थिए ।
लेखा समूहका कर्मचारीहरूको सरुवामा मापदण्ड तय गर्दै विभिन्न कार्यालयको क्लस्टर वर्गीकरण गरिएको छ । पहिलो क्लस्टरमा पर्नेको सरुवा फेरि पहिलो क्लस्टरमा नगर्ने नीति भए पनि पैसाका लागि हरेकपटक मापदण्ड मिच्ने गरिएको बताइन्छ । महालेखा नियन्त्रकको कार्यालयमा अहिले प्रशासन हेर्ने सहसचिव गोविन्द देवकोटा रहेका छन् भने उनीमातहतका उपसचिव हेमराज पौडेल रहेका छन् ।

Leave a Reply

... र यो पनि ...

चक्रपथ

चन्द्रागिरिको ढुंगामा क–कसले गर्दै छन् गोलमाल ?

काठमाडौं । थानकोट–चन्द्रागिरि–चित्लाङ सडक आयोजना निर्माणका क्रममा ठेकेदारले उत्खननपछि आएको ढुंगा बेच्न पाउनुपर्ने लबिइङमा स्थानीय जनप्रतिनिधिहरू नै लागेका छन् । नीतिगत- ...
पूरा पढ्नुहोस्

स्रष्टा र सिर्जना

पुरस्कार र मेला–केन्द्रित प्रकाशन व्यवसाय

यस वर्षको हिउँदमा नेपाली प्रकाशनगृहहरू फेरि सुस्ताउन पुगे । हरेक वर्षको हिउँदमा निजी प्रकाशन गृहहरूले पुस्तक प्रकाशनमा तदारुकता देखाउन चाहँदैनन् । यो एउटा नियमित प्रक्रियाजस्तै- ...
पूरा पढ्नुहोस्

नयाँ पुस्तक

व्यक्तिवृत्त उघिन्ने कार्य

कुन मानिसमा कति प्रतिभा रहेको छ, कस्तो आनिबानी छ र के–कस्ता विषयहरूमा रुचि छन् ? यी सबै कुरा थाहा पाउन त्यस्ता मानिससँग गहिरो मित्रता र संगतको आवश्यकता पर्दछ । बाह्य रूपमा नियालेर- ...
पूरा पढ्नुहोस्

छोटकरीमा