14th December 2017, Thursday

E-budhabar

वर्षमानले ईश्वरको नम्बर फेला नपार्दा बा“डफा“ट ‘डिस्कनेक्ट’



काठमाडौं । पवित्र उद्देश्यका लागि निकै मिहेनतका साथ काम गर्दागर्दै कहिलेकाहीँ सामान्य प्राविधिक कमजोरीले ठूलै असमझदारी आइलाग्ने गरेका थुप्रै उदाहरण भेटिन्छन् ।
प्रसंग हो, दुई ठूला वाम दल एमाले र माओवादी केन्द्रले पार्टी एकता नै गर्ने उद्देश्यका साथ चुनावी तालमेलका लागि गठन गरेको कार्यदलको । त्यसो त तीन दिनभित्र सिट र क्षेत्र बाँडफाँट टुंंगो लगाउने कार्यादेश पाएको कार्यदलले दिनरात कडा मेहनत गरिरहेकै छ । तर, त्यस्तै मिहनेतका बीच काम गरिरहेकै बीचमा पनि कार्यदलमा झन्डै असमझदारीकै तहको एउटा घटना भएको छ ।
पार्टीका तर्फबाट जित्ने क्षेत्रको तथ्यांक र आधारसहित भोलिपल्ट भेट्ने वाचासहित ललितपुरको समिट होटलबाट गत शनिबार छुट्टिएका दुई पार्टीका कार्यदलका सदस्यबीच करिब १६ घण्टा सम्पर्क विच्छेद हुँदा खैलाबैला मच्चिएको हो । स्रोतका अनुसार एमालेले वडाअध्यक्षको मत परिणाम देखाएर जित्ने क्षेत्रहरूको सूची प्रस्तुत गरेपछि माओवादीतर्फका कार्यदलका सदस्य रामबहादुर थापा ‘बादल’, पुन र मातृका यादव माओवादीका तर्फबाट आन्तरिक गृहकार्य गरेर आइतबार ३ बजे भेट्ने वाचासहित अघिल्लो साँझ बिदा भएका थिए । तर ३ बज्नै लाग्दा पनि माओवादी कार्यदलका सदस्यले भोलिपल्ट सम्पर्क नगरेपछि एमाले महासचिव पोखरेललाई छटपटी लाग्नु स्वाभाविकै थियो । त्यहीबीचमा माओवादी नेता पुनले एमाले नेता सुरेन्द्र पाण्डेलाई टेलिफोन सम्पर्क गरेर बैठक सोमबार गर्ने भन्दै अर्को दिन सार्दिएपछि दुई दलबीच ६०ः४० को अनुपातमा क्षेत्र बाँडफाँट टुंगो लगाउने झमेला झन् लम्बियो ।
आफूसँग एमाले महासचिव पोखरेलको मोबाइल नम्बर नै नभएकाले सम्पर्क गर्न ढिलाइ भएको भन्दै पुनले त्यस दिन पाण्डेमार्फत बैठक स्थगित गराएका थिए । ‘मसँग ईश्वर कमरेडको मोबाइल नम्बर भएन, आन्तरिक गृहकार्य गरेर आउँछौं भनेको हाम्रै पार्टीको बैठक भइरहेकाले तयारी गर्न सकिएन । पाण्डेमार्फत पुनको सन्देश उद्धृत गर्दै स्रोतले भन्यो, ‘अब भोलि मात्रै बसौं अनि टुंंगो लगाऔं ।’ पुनको यस्तो सन्देश आएपछि मात्रै पोखरेलले बैठक नबस्ने भो भन्ने चाल पाएका थिए । दुई ठूला पार्टी एकता गर्ने उद्देश्यसहित बसिरहँदा एकसँग अर्काको मोबाइल नम्बरसमेत नहुने कुरा धेरैलाई आश्चर्य पनि लाग्छ । तर, त्यस दिनको वार्ता भने माओवादीतर्फकै ढिलाइले एक दिन पर सरेको हो । यद्यपि, सोमबार पनि दुई दलबीचको कार्यदलमा खासै गृहकार्य नभएपछि क्षेत्र बाँडफाँट टुंगो लगाउने कुरा झन् लम्बिँदै गएको छ । बढीमा केन्द्रमा ६६ र प्रदेशमा १ सय ३२ सिट पाउने भए पनि माओवादी केन्द्रले आफूले केन्द्रमा ७० र प्रदेशमा १ सय ४४ सिट पाउनुपर्ने पछिल्लोपटक दाबी प्रस्तुत गरेको थियो । जित्ने आधारबिनै माओवादीले त्यसरी दाबी गरेपछि क्षेत्र बाँडफाँट टुंग्याउन कार्यदलमा सकस परेको एक नेताले बताए ।

गंगानारायण सात दिनदेखि बेरोजगार

उता, क्षेत्र बाँडफाँटको कार्यदलमा रहेका नयाँ शक्ति पार्टीका नेता गंगानारायण श्रेष्ठ भने सात दिनदेखि बेरोजगार बनेका छन् । गत १७ गते नै कार्यदल बने पनि श्रेष्ठले कार्यदलमा प्रतिनिधित्व गरेर सिट बाँडफाँटमा कुरै राख्न पाएका छैनन् । पहिले डा. बाबुराम भट्टराईसँग केपी ओली र प्रचण्डले नयाँ शक्तिले प्रत्यक्ष र समानुपातिकतर्फ पाउने सिटको टुंंगो लागेपछि मात्रै क्षेत्र बाँडफाँट गर्ने सहमतिअनुसार श्रेष्ठ कार्यदलको बैठकमै बसेकै छैनन् । ‘पहिले शीर्ष तहमा सिटको टुंंगो लगाउने समझदारी भएका कारण म कार्यदलको बैठकमा बसेको छैन, श्रेष्ठले भने, ‘माथि टुंगो लाग्नेबित्तिकै कार्यदलमा नयाँ शक्तिले पाउने क्षेत्र पनि टुंगो लागिहाल्छ ।’

Leave a Reply

... र यो पनि ...

चक्रपथ

कुमारी र एनसीसी बैंक डुबाउने खेलमा को–को ?

काठमाडौं । काण्डैकाण्डमा मुछिएको कुमारी बैकमा फेरि पनि विवाद बल्झिएको छ । यसअगाडिका सीईओ उदयकृष्ण उपाध्याय यौन काण्डमा परेर चर्चामा आएका मात्र होइनन्, उनको जागिर नै गएको थियो- ...
पूरा पढ्नुहोस्

स्रष्टा र सिर्जना

जहाँ फुल्दै छ एउटा सार्थक सपना

आखिर सपना देख्नेहरू नै बदल्छन्– सिंगो संसार, आफू बाँचिरहेको समाज÷परिवेश । युवा सर्जक कमल ढकालसँग पनि सपनाका अनगिन्ति थाकहरू थिए । तिनै सपनामध्ये अहिले एउटा स्वप्नले सार्थक र- ...
पूरा पढ्नुहोस्

नयाँ पुस्तक

चीन बुझ्न सजिलो

पहिलो आर्थिक महाशक्ति बन्ने तीव्र दौडमा सामेल चीनले पछिल्ला अवधिमा विकास, उन्नति र समृद्धिको क्षेत्रमा मारेको फड्कोले सबैलाई चकित तुल्याउँछ । समाजवादी राज्य प्रणाली अपनाएयता- ...
पूरा पढ्नुहोस्

छोटकरीमा