22nd November 2017, Wednesday

E-budhabar

विवादास्पद भट्टराई पुनः प्रधानमन्त्रीको विदेश सल्लाहकार



विवादास्पद भट्टराई पुनः प्रधानमन्त्रीको विदेश सल्लाहकार

पदका लागि गुट नै परिवर्तन
२७ असार । सुशील कोइराला प्रधानमन्त्री हुँदा विदेश सल्लाहकार रहेका दिनेश भट्टराई प्रधानमन्त्री शेरबहादुर देउवाको विदेश मामिला सल्लाहकारमा नियुक्त भएका छन् । उनको नियुक्तिलाई कूटनीतिक क्षेत्रमा अस्वाभाविक र पदका लागि मानिस कतिसम्म गिर्न सक्दोरहेछ भन्ने रूपमा हेरिएको छ ।
सुशील कोइराला प्रधानमन्त्री हुँदा विदेश मामिला सल्लाहकारका रूपमा भट्टराई विवादित र आलोचित थिए । उनीमाथि सामान्य कूटनीतिक मर्यादा कायम गर्न नसेकको मात्र नभई परराष्ट्र मन्त्रालयमा अनावश्यक हस्तक्षेप गरेको भन्दै प्रधानमन्त्रीसमक्ष उजुरी परेको थियो ।
तत्कालीन परराष्ट्रमन्त्री महेन्द्रबहादुर पाण्डेले प्रधानमन्त्रीका तर्फबाट भन्दै भट्टराईले अनधिकृत रूपमा आफ्नो मन्त्रालयमा हस्तक्षेप गरिरहेको भन्दै कडा आपत्ति जनाएपछि बल्ल उनी ठेगान लागेका थिए ।
त्यतिबेला राजदूत नियुक्ति प्रक्रियामा लम्ब्याउनमा पनि भट्टराईले विशेष भूमिका निर्वाह गरेका थिए । आफू राजदूत भएर जान मरिहत्ते गरेका उनको नाममा परराष्ट्रमन्त्री सहमत नभएपछि उनले प्रधानमन्त्री कोइरालालाई कुनै पनि हालतमा अहिले राजदूत नियुक्त गर्नु हुुन्न भन्दै उक्साएका थिए । त्यही भएर कोइरालाको कार्यकालभरि भारत र अमेरिकाबाहेक कतै राजदूत नियुक्त हुन सकेनन् । जबकि १२ देशमा राजदूत खालि थिए ।
कोइरालापछि प्रधानमन्त्री बनेका केपी शर्मा ओलीको कार्यकालमा राजदूत नियुक्त गर्दा पनि भट्टराईले भाँजो हाल्न निकै कोसिस गरेका थिए । विपक्षी दललाई पनि भाग चाहिन्छ भनेर लबिङ गर्दा पनि पाउने स्थिति नभएपछि उनी चुप लाग्न बाध्य भएका थिए । पछि पुष्पकमल दाहाल नेतृत्वको सरकारले राजदूत नियुक्त गर्दा उनले बेलायतको राजदूतका लागि कांग्रेसका नेताहरूको घर चहारेका थिए । उनका परिवारका सदस्यहरू पीआर लिएर बेलायतमै बस्छन् ।
पदका लागि गुट नै परिवर्तन
मान्छे पदका लागि कतिसम्म गर्न सक्दोरहेछ भन्ने उदाहरण दिनेश भट्टराई बनेका छन् । सुशील कोइराला जीवित हुँदासम्म उनी कोइराला गुटका कांग्रेस थिए । उनी कोइरालाको सल्लाहकार मात्र भएनन्, गत महाधिवेशनमा देउवा गुटका विरुद्ध अर्घाखाँचीबाट रामचन्द्र पौडेलले नेतृत्व गरेको गुटबाट उनी महाधिवेशन प्रतिनिधि नै लडेका थिए । तर भारी मतले पराजित भए । अहिले तिनै भट्टराई गुट परिवर्तन गरेर देउवातिर लागेका छन् ।
विवादास्पद पृष्ठभूमि
२०५१ सालमा दिल्लीस्थित नेपाली दूतावासमा कार्यरत रहँदा तस्करीमा संलग्न भएको प्रमाणसहित उनलाई भारतबाट फिर्ता बोलाइएको थियो । त्यसयता कूटनीतिक क्षेत्रमा सधैं उनलाई शंकाको दृष्टिले हेर्ने गरिन्छ ।

Leave a Reply

... र यो पनि ...

चक्रपथ

समग्र प्रदेशको बिकाशमा केन्द्रीत हुनेछ

  तपाई प्रदेश क्षेत्र नं ४ प्रदेश बाट उम्मेदवार उठ्नुकोे कारण के हो ? म २०४१ साल देखि अनेरास्ववियु मा संगठित रहदै राजनीतिमा लागेर हाल सम्म कुनै पेसा व्यवसाय नगरी निरन्तर जनता- ...
पूरा पढ्नुहोस्

स्रष्टा र सिर्जना

किन पत्याइँदैनन् कलाकारहरुलाई ?

वर्षारम्भसँगै देश निर्वाचनको माहोलमा होमियो । वैशाख, असार र असोजमा देशका विभिन्न भूखण्ड स्थानीय तहको निर्वाचनले रङ्मगियो । अब मंसिर महिना पनि निर्वाचनमय बन्दै छ । लामो र बलिदानीपूर्ण- ...
पूरा पढ्नुहोस्

नयाँ पुस्तक

डोलिन्द्रले मच्चाउन थाले उत्पात

 काठमाडौं । कुन नेतालाई रिझाउन सके आफ्नो कुर्सी सुरक्षित हुन्छ भन्ने कला जानेका साझा प्रकाशनका अध्यक्ष तथा महाप्रबन्धक डोलिन्द्रप्रसाद शर्माले पछिल्लो समय नेपाली कांग्रेसका- ...
पूरा पढ्नुहोस्

छोटकरीमा