14th December 2017, Thursday

E-budhabar

शिक्षामन्त्रीले किन लुकाए डोलिन्द्रको कर्तुत ?



काठमाडौं । साझा प्रकाशनमा भएका अनियमितता छानबिन गर्न शिक्षा मन्त्रालयद्वारा गठित समितिले उपप्रधान तथा शिक्षा मन्त्री गोपालमान श्रेष्ठलाई प्रतिवेदन बुझाइसके पनि अहिलेसम्म सो प्रतिवेदन गुपचुप नै राख्दा सर्वत्र आशंका उब्जिन पुगेको छ । सो मन्त्रालयद्वारा गठित समितिले १० दिनअघि नै मन्त्री श्रेष्ठसामु प्रतिवेदन बुझाएको थियो ।
तर मन्त्री श्रेष्ठले भने सो प्रतिवेदन शिक्षा सचिव शान्तबहादुर श्रेष्ठलाई समेत नदेखाई गोप्य राखिएको बताइन्छ । सचिव श्रेष्ठले प्रतिवेदन नपाएका कारण सहसचिवको तहसम्म पनि आइपुगेको छैन । मन्त्री श्रेष्ठले साझाको अनियमितता छानबिन गर्न गठित समितिको प्रतिवेदन किन गोप्य राख्न रुचाए ? यो विषयले अहिले मन्त्रालयमा हल्लीखल्ली नै मच्चिएको छ ।
साझा प्रकाशनका अध्यक्ष एवं महाप्रबन्धक डोलिन्द्रप्रसाद शर्माले साझालाई आफ्नो कमाइ खाने भाँडोका रूपमा प्रयोग गर्न थालेपछि र व्यापक रूपमा अनियमितता गरेका कुरा सार्वजनिक भएपछि शिक्षा मन्त्रालयले उपसचिव गणेश ढकालको संयोजकत्वमा छानबिन समिति गठन गरेको थियो । सो समितिमा शिक्षाकै कर्मचारीहरू रेशम सिग्देल र सुनीता खनाल सदस्यका रूपमा थिए । सो समितिले १५ दिनको समय पाएको हुँदा समय छँदै साउन २९ गते मन्त्री श्रेष्ठसमक्ष प्रतिवेदन बुझाएको थियो ।
तर, मन्त्री श्रेष्ठले प्रतिवेदन बुझेको १० दिन बितिसक्दा पनि न त सचिवलाई सो प्रतिवेदन देखाउन चाहेका छन्, न त त्यसलाई कार्यान्वयन गर्ने तत्परता नै देखाएका छन् । मन्त्री श्रेष्ठले प्रतिवेदन गोप्य राखेका हुँदा उनी पनि साझामा भएका अनियमितता ढाकछोप गर्ने पक्षमा छन् कि भन्ने आशंका व्याप्त भएको छ । साझाका अध्यक्ष शर्माले सो संस्थालाई दुरुपयोग गरेर आर्थिक लाभ लिएको र सञ्चालक समितिको निर्णय बेगर नै जथाभावी रूपमा कर्मचारी भर्ना गर्ने कार्य गरेका थिए ।
यसैगरी, साझामा भएको अनियमितताबारे अख्तियार दुरुपयोग अनुसन्धान आयोगले छानबिन गरिरहेको छ । अख्तियारको एक टोलीले साझाका सबै कागजात लगेको धेरै दिन बिते पनि छानबिनमा ढिलाइ गरिरहेको देखिएको छ । अध्यक्ष शर्मालाई पहिलोपटक सफाइ दिएका अख्तियारका उपसचिव रामप्रसाद सुवेदीलाई नै दोस्रोपटक पनि साझामा भएको अनियमितताबारे छानबिन गर्ने जिम्मेवारी दिएपछि अख्तियारको भूमिकालाई लिएर प्रश्नचिह्न उठ्न पुगेको थियो । यसैगरी, व्यवस्थापिका–संसद्को लेखा समितिले साझाका अध्यक्ष शर्मालाई बयानका लागि बोलाएर पाँच दिनभित्र पाँच वर्षको लेखा विवरण पेस गर्न आदेश दिएको थियो । तर, लेखा समितिले पनि त्यसयता छानबिन गर्न कुनै चासो देखाइरहेको छैन ।
मन्त्रालयका प्रवक्ता डा. हरि लम्सालसँग बुझ्दा छानबिन समितिले प्रतिवेदन मन्त्रालयमा बुझाए पनि प्रतिवेदन सार्वजनिक नभएको बताए । उनले भने, ‘छानबिन समितिमा रहनेहरूले प्रतिवेदन बुझाएको कुरा सुनेको हुँ तर प्रतिवेदन भने मैले हेर्न पाएको छैन ।’

Leave a Reply

... र यो पनि ...

चक्रपथ

कुमारी र एनसीसी बैंक डुबाउने खेलमा को–को ?

काठमाडौं । काण्डैकाण्डमा मुछिएको कुमारी बैकमा फेरि पनि विवाद बल्झिएको छ । यसअगाडिका सीईओ उदयकृष्ण उपाध्याय यौन काण्डमा परेर चर्चामा आएका मात्र होइनन्, उनको जागिर नै गएको थियो- ...
पूरा पढ्नुहोस्

स्रष्टा र सिर्जना

जहाँ फुल्दै छ एउटा सार्थक सपना

आखिर सपना देख्नेहरू नै बदल्छन्– सिंगो संसार, आफू बाँचिरहेको समाज÷परिवेश । युवा सर्जक कमल ढकालसँग पनि सपनाका अनगिन्ति थाकहरू थिए । तिनै सपनामध्ये अहिले एउटा स्वप्नले सार्थक र- ...
पूरा पढ्नुहोस्

नयाँ पुस्तक

चीन बुझ्न सजिलो

पहिलो आर्थिक महाशक्ति बन्ने तीव्र दौडमा सामेल चीनले पछिल्ला अवधिमा विकास, उन्नति र समृद्धिको क्षेत्रमा मारेको फड्कोले सबैलाई चकित तुल्याउँछ । समाजवादी राज्य प्रणाली अपनाएयता- ...
पूरा पढ्नुहोस्

छोटकरीमा