16th August 2018, Thursday

E-budhabar

संवादसूत्रले परिचय नदिँदा



शम्भु श्रेष्ठको पुरानो ढाँचाको छपाइले हुँदैन र अफसेट प्रिन्टमा जानैपर्छ भन्ने कुरा सही थियो । तर, मलाई पार्टीले त्यस समय पार्टीको मुखपत्र रहेको साप्ताहिकको प्रधान सम्पादक नियुक्ति गरेको थियो । सुनकोसी छापाखाना पनि पार्टीकै थियो । मैले सुनेअनुसार अष्टलक्ष्मी शाक्य र अरू क–कसले कानमा लगाएको सुन, धेरैले पैसाहरू दिएर यो प्ेरस किनिएको थियो । त्यसैले मलाई यो प्रेस छाड्न द्विविधा भइरहेको थियो ।
एक दिन सुनेकोसी छापाखाना, कालिमाटीमा ‘दृष्टि’को कार्यालयमा एक जना उच्च तहका न्यायाधीश जस्तो लाग्ने व्यक्ति आए । उनले भने, न्यायाधीशहरूको बढुवामा पक्षपात र नातावाद चल्यो । उनले ती न्यायाधीशहरूको नाम पनि टिपाए जसले बरिष्ठता र अन्य मापदण्ड नपुग्दा नपुग्दै बढुवामा पारिएका थिए ।
मैले त्यो व्यक्तिलाई भने– ‘तपाईंको परिचय ?’
उनले भने– ‘म आफ्नो परिचय दिन्न । तर, समाचार साँचो हो ।’
मैले सोचें, त्यस समय ‘दृष्टि’ अफिसमा शम्भु श्रेष्ठ, किशोर श्रेष्ठ, राजेन्द्र स्थापित इत्यादि पनि उहाँ त्यो व्यक्तिले आफ्नो नाम गोप्य राख्न खोजे होलान् जस्तो लागेर सबैलाई एकछिन बाहिर जान भनेर सोधे– ‘तपाईं मलाई चिन्नुहुन्छ ?’
उनले भने– ‘चिन्दछु’ ।
मैले भनें– ‘मलाई भने हुन्छ ।’
तैपनि उनले भने– ‘म आफ्ना नाम र परिचय दिन चाहन्न ।’
उनी गएपछि मैले ‘दृष्टि’मा काम गर्नेहरूसँग भनें– ‘यो नाममध्ये दुईवटाबारे हो कि होइन पत्ता लगाऊँ । यदि  हो रहेछ भने टिपाएको सम्पूर्ण समाचार छापौं ।’
पत्रकारको जीवनमा कहिलेकाहीँ सूत्रसमेत अपरिचित रहिदिँदा गाह्रो पर्छ । तर, न्यायालयलाई त्यस समय ‘गौमाता’ मान्नुपर्ने न्यायाधीशहरूको मान्यता थियो । सूत्रले आफ्नो परिचय नदिँदा त्यो व्यक्ति उच्च तहकै न्यायाधीश र आफूलाई बढुवा पाउनयोग्य ठान्ने व्यक्ति हुन् भन्ने मलाई लागिरहेको थियो । तर, समाचार गलत निस्के दण्ड सजाय हुने वातावरण पनि थियो । सूत्र अपरिचित रहँदारहँदै पनि त्यो समाचार हामीहरूले छाप्यौं । समाचार सत्य थियो । त्यसैले कुनै कार्यवाही र खण्डनसमेत भएन ।
सूत्र गोप्य राख्नु पत्रकारहरूको कर्तव्य हो । अमेरिकामा एउटा पत्रकारसँग अदालतले फौजदारी अपराध विषयको समाचारको सूत्रको परिचय माग्दा उनले दिन मानिन् बरु जेल परिन् । तर, पछि सूत्र आफैंले उनलाई उनको परिचय अदालतलाई दिन भने । समाचार सत्य थियो ।

Leave a Reply

... र यो पनि ...

चक्रपथ

वैकल्पिक ऊर्जामा कार्यकारीका लागि दौडधुप तीव्र

काठमाडौं । दर्जनौं दातृ संस्थाहरूको अर्बौं रकम ब्रह्मलुट गर्ने संस्था वैकल्पिक ऊर्जा प्रवद्र्धन केन्द्रको प्रमुख हुन तीव्र दौडधुप सुरु भएको छ । चार वर्षअघि केन्द्रको कार्यकारी- ...
पूरा पढ्नुहोस्

स्रष्टा र सिर्जना

अब खुल्दैन ‘साहित्य संसार’को दैलो !

‘बाबा ! म त धेरै बाँच्दिनँ, डाक्टरले १० वर्षको समय दिएको छ ।’ मिर्गाैला प्रत्यारोपणपछि नियमित डायलाइसिसका रहेको साहित्यकार एवं वरिष्ठ रेडियोकर्मी दाहाल यज्ञनिधिले भन्ने गर्नुहुन्थ्यो- ...
पूरा पढ्नुहोस्

नयाँ पुस्तक

सत्यापनको नजिक

आफ्नो जीवन–गाथा रच्ने इच्छा कसलाई हुँदैन र ? जीवनका अँध्यारा–उज्याला तस्बिरहरुलाई फ्रेममा टाँग्ने उत्साहले डोरिँदै समाजका प्रबुद्ध अनुहारहरुले आत्मकथा लेखिरहेका छन् । तर,- ...
पूरा पढ्नुहोस्

छोटकरीमा