24th June 2018, Sunday

E-budhabar

‘सरकारका क्रियाकलाप संविधान र अन्तर्राष्ट्रिय प्रचलनविपरीत’



काठमाडौं । निर्वाचन परिणाम प्रकाशनपश्चात् सार्वजनिक भएका वर्तमान कामचलाउन सरकारका अभिव्यक्ति र क्रियाकलापहरू नेपालको संविधान अन्तर्राष्ट्रिय प्रचलन रहेको ठहर गरेको छ । एमाले अध्यक्ष केपी ओली र माओवादी अध्यक्ष पुष्पकमल दाहाल ‘प्रचण्ड’ले राजधानीमा पत्रकार सम्मेलन गर्दै शेरबहादुर देउवा सरकारलाई यस्तो चेतावनी दिएका हुन् ।
कामचलाउ सरकारका क्रियाकलाप नेपालकै विगतका अभ्यासविपरीत भएको विज्ञप्तिमा उल्लेख छ । सरकारका यस्ता किसिमको व्यवहारबाट सरकार गठन, संविधान कार्यान्वयन र लोकतन्त्रको सहज अभ्यासमा अवरोध सिर्जना हुनुका साथै जनमतको अवमूल्यन तथा अनादरसमेत भएको गठबन्धनको आरोप छ । पछिल्लो समय वाम गठबन्धन र कांग्रेसबीच राष्ट्रिय सभा गठनसम्बन्धी विषयमा प्रधानमन्त्रीलाई संविधानको गलत व्याख्या नगर्न, संविधानको सहज कार्यान्वयनमा अवरोध सिर्जना नगर्न र संविधानसम्मत एवं लोकतान्त्रिक विधिका साथ प्रकट भएको जनमतलाई अवमूल्यन तथा अनादर नगर्न र ताजा जनादेशअनुरूप नयाँ सरकार गठन गर्न मार्गप्रशस्त गर्न वाम गठबन्धनले अनुरोध गरेको छ ।
राजनीतिक स्थायित्व कायम गर्न, संविधानको रक्षा र कार्यान्वयन गर्दै समृद्धि हासिल गर्न वाम गठबन्धन गरिएको विज्ञप्तिमा उल्लेख छ । यस्तै, लोकतन्त्रलाई सबल र सुदृढ तुल्याउँदै लोकतन्त्रलाई जीवन पद्धतिका रूपमा स्थापित गर्ने बताएको छ । राष्ट्रिय स्वाधीनता, एकता र सामाजिक सद्भाव, सार्वभौमसत्तालाई सुदृढ तुल्याउन र सुखी नेपालीको चाहनालाई व्यावहारिक रूपमा सार्थक तुल्याउन प्रतिबद्ध रहेको वाम गठबन्धनले प्रतिबद्धता व्यक्त गरेको छ । नेपालको संविधानद्वारा निर्देशित स्वतन्त्र परराष्ट्र नीतिको अनुशरण गर्दै सबै मित्रराष्ट्र, विशेषतः छिमेकी देशहरूसँग सुमधुर सम्बन्ध कायम गर्न कटिबद्ध रहेको विज्ञप्तिमा उल्लेख छ ।
पत्रकार सम्मेलनमा माओवादी केन्द्रसमेतका साझा वामपन्थी उम्मेद्वारहरूको पक्षमा मतदान गर्ने सम्पूर्ण मतदातालाई धन्यवाद दिएको छ । जनताबाट निर्वाचित हुनुभएका प्रतिनिधिसभा तथा प्रदेशसभाका सदस्यहरूलाई समेत बधाई दिएको छ । स्वतन्त्र एवं निष्पक्ष निर्वाचनका लागि भूमिका निर्वाह गर्नुहुने निर्वाचन आयोग, राष्ट्रसेवक कर्मचारी एवं सुरक्षाकर्मीहरूलाई धन्यवाद ज्ञापन गरिएको छ ।

Leave a Reply

... र यो पनि ...

चक्रपथ

दुग्ध उद्योगमाथि कारबाहीको तयारी

काठमाडौं । बालाजु क्षेत्रका दुग्ध उद्योगको गुणस्तरमा समस्या देखिएको पत्ता लागेको छ । सोमबार सरकारी टोलीले गरेको अनुगमनका क्रममा यस क्षेत्रभित्र खासगरी निजी क्षेत्रबाट सञ्चालित- ...
पूरा पढ्नुहोस्

स्रष्टा र सिर्जना

पल्टनघरका नारी स्रष्टाहरू

नेपाल अंग्रेज (इस्ट इन्डिया कम्पनी) युद्ध समाप्तिपछि ब्रिटिस सेनामा गोर्खा भर्ती सुरु भएको २ सय २ वर्ष भएको छ । गोर्खा भर्ती परम्पराले धेरै लामो यात्रा पार गरेको छ । यति लामो यात्रा- ...
पूरा पढ्नुहोस्

नयाँ पुस्तक

मानिससँग संवाद

राधाकृष्ण भट्टराईको लेखन मान्छेको वरिपरि घुम्छ । मानिसभन्दा पर उनको लेखन–क्षितिज उज्यालिँदैनन् । मान्छेका पीडा, व्यथा, खुसी, उल्लास, दैनन्दिन क्रियाकलापहरूलाई सिर्जनाको आकाशमा- ...
पूरा पढ्नुहोस्

छोटकरीमा