14th August 2018, Tuesday

E-budhabar

सरकारको बचाउ गर्दा मन्त्री पद चट



सरकारको बचाउ गर्दा मन्त्री पद चट

काठमाडौं । सरकारको बचाउ गर्ने क्रममा मेडिकल शिक्षाबारे दिएको एक विवादास्पद अभिव्यक्तिका कारण कानुन, न्याय तथा संसदीय मामिलामन्त्री शेरबहादुर तामाङको मन्त्री पद नै चट भएको छ । उनको अभिव्यक्तिलाई लिएर सामाजिक सञ्जालमा व्यापक विरोध भएपछि नैतिकता प्रदर्शन गर्दै मन्त्री तामाङले राजीनामा गरेका हुन् ।
डा. गोविन्द केसी प्रकरणमा प्रधानमन्त्री केपी ओली नेतृत्वको सरकारका २४ जना मन्त्रीमध्ये सबैभन्दा बढी सरकारको बचाउ गर्ने नै मन्त्री तामाङ थिए । गोविन्द केसी प्रकरणमा सरकारमाथि चौतर्फी हमला भएपछि त्यसको बचाउ गर्ने क्रममा स्वच्छ र निष्कलंक छविका मन्त्री तामाङले नेपालमा मेडिकल कलेजको औचित्य अझै नसकिएको दलिल पेस गरेका थिए । सो क्रममा उनले बंगलादेश पढ्न जाने महिलामाथि यौन दुव्र्यवहारसमेत हुने गरेको बताएका थिए । उनको यो अभिव्यक्ति स्वयं उनकै लागि गलपासो बन्न पुगेको हो । मन्त्रीको यो अभिव्यक्तिलाई लिएर नेपालका लागि बंगलादेशका राजदूतले पनि नेकपाका शीर्ष नेताहरूसँग चासो राखेका थिए । यसअघि यही सरकारका अरू मन्त्री मन्त्रीका योभन्दा ठूला र संवेदनशील भ्रष्टाचार र गैरजिम्मेवार अभिव्यक्ति सार्वजनिक हुँदा पनि त्यसमाथि एक्सन नलिएकोमा मन्त्री तामाङलाई भने राजीनामा गर्न आग्रह गरिएको थियो । नेकपाका नेताहरू र प्रधानमन्त्रीसमेतको आग्रहमा उनले राजीनामा दिएको बुझिएको छ ।

 

Leave a Reply

... र यो पनि ...

चक्रपथ

सरकारको बाटोमा अदालतको तगारो

काठमाडौं । दुई तिहाइ बहुमत प्राप्त स्थिर सरकारलाई आफ्नो ढंगले काम गर्न अदालतले पटकपटक तगारो लगाएको छ । अघिल्लो सरकारले राजनीतिक आस्थाका आधारमा जाँदा जाँदै गरेका नियुक्तिहरू- ...
पूरा पढ्नुहोस्

स्रष्टा र सिर्जना

साउने प्रतिज्ञा

हरेक दिन दाह्री–जुँगा मिलाएर हिँड्ने एकजना साथी दाह्री–जुँगा पालेको अवस्था देखेपछि प्रश्न गर्न मन लाग्यो, ‘दाह्री–जुँगा पाल्न थाल्नुभएछ नि, किन यस्तो विरूप हो ?’ ती साथीले जवाफ- ...
पूरा पढ्नुहोस्

नयाँ पुस्तक

समस्याको उठान

देश, समाज र परिवारभित्र दैनन्दिन रूपमा अनेक घटनाहरू जन्मिरहेका हुन्छन् । निश्चय नै, त्यस्ता घटनाहरूले मानिसको जीवनमा सानाठूला प्रभाव पार्दछन् । कुनै घटनाको प्रभाव क्षणिक हुन्छन्- ...
पूरा पढ्नुहोस्

छोटकरीमा