16th July 2018, Monday

E-budhabar

सरुवा नपाउने राजदूतका ठूला कुरा



सरुवा नपाउने राजदूतका ठूला कुरा

काठमाडौं । अमेरिकाका लागि नेपाली राजदूत नियुक्त हुनुअघिसम्म अर्जुन कार्कीको नाम कूटनीतिक वृत्तमा कसैले सुनेको थिएन । नेपालका गरिब र गरिबीका कथा अंग्रेजी भाषामा लेखेर विदेशीलाई पकाउँदै रकम ल्याउने र आरआरएन नामक एनजीओ चलाएर नेताहरूलाई प्रभावित गर्न सफल कार्कीले तीन वर्ष अमेरिकामा बिताएपछि अबचाहिँ यसमा रस पसेछ भन्ने उनका पछिल्ला गतिविधिले देखाएको छ ।
केपी ओलीको नेतृत्वमा सरकार बन्नासाथ त्यही भएर भारतका लागि राजदूत भएर जान लबिङ गर्न काठमाडौं आएका कार्की अहिले यतै छन् । सुशील कोइरालाको पालामा अमेरिकाका लागि राजदूत नियुक्त भएका कार्कीले आफ्नो जीवनीमा २० वर्षदेखि कूटनीतिमा सक्रिय रहेको उल्लेख गरे पनि उनी एनजीओकर्मीबाहेक केही होइनन् भन्ने कुरा यसबीचमा पनि पुष्टि गरेका छन् । उनको कार्यकालमा न अमेरिकामा रहेका नेपाली समुदायसँग समुधुर सम्बन्ध रह्यो, न त उनले कुनै प्रभावकारी काम गर्न नै सके ।
रमाइलो कुरा त के छ भने तोकिएको ठाउँमा सिन्को भाँच्न नकसे पनि कार्कीलाई चाहिँ आफूले निकै गरेको लागेको रहेछ । जब उनी काठमाडौंमा आएर भारतका लागि राजदूतमा सरुवा हुन पाऊँ भन्दै लबिङ गरे, तब पो नेताहरू उनका कुरा सुनेर छक्क परे । नेताहरूलाई फाइदा हुने काम गरेर पट्याउन बानी परेका कार्कीका हातमा यसपटक चाहिँ सोचेजस्तो फलचाहिँ नलाग्ने देखिएको छ ।
प्रधानमन्त्री ओली भारत जानुअघि नै राजदूतमा नियुक्त हुने र संसदीय सुनुवाइ नहुँदै भावी राजदूतका रूपमा दिल्ली जाने इच्छासहित काठमाडौं उत्रिएका उनले खुबै लबिङ गरे । एक दिनको क्याबिनेटमा त आजै हुन्छ कि जस्तो भएको थियो । तर, अन्ततः एउटै व्यक्तिलाई बिनाविशेष क्षमता यसरी दोहो¥याउन नहुने कुरा उठेपछि उनको नियुक्ति टरेको छ ।
यही कुरा थाहा पाएर कार्कीले अहिलेचाहिँ होइन, म भारत जना चाहेको होइन, अमेरिकाको राजदूत भइसकेको व्यक्ति कहाँ भारत जानु भन्दै अंगुर अमिलो छ भन्ने उखान चरितार्थ गरिरहेका छन् ।
उसो त कार्कीले नाकाबन्दीका बेला आफू अमेरिकाबाट दिल्ली आएर खुलाउन सक्रिय रहेको भन्दै फुर्ती लाउने नगरेका होइनन् । यतिसम्म कि अमेरिका जाँदा र पछि दिल्ली जाँदासमेत ओलीले राष्ट्रिय सभामा लगेर (अहिले युवराज खतिवडालाई अर्थमन्त्री बनाएजस्तै) परराष्ट्रमन्त्री बनाइदिउँला भनेकोसम्म फुर्ती लगाउने गरेका छन् ।

Leave a Reply

... र यो पनि ...

चक्रपथ

ललितपुरका यौन अखडामा प्रहरी रमिते

काठमाडौं । पछिल्लोपटक ललितपुर क्षेत्रमा प्रहरीको संरक्षणमै यौन धन्दा खुलेआम भइरहेको छ । तर, प्रहरीले भने थाहा नपाएझै गरेर कुनै कारबाही चलाएको छैन । काठमाडौं प्रहरीले केही दिनअघि- ...
पूरा पढ्नुहोस्

स्रष्टा र सिर्जना

आत्मकथाको बाढी

स्वतन्त्र र स्वच्छन्द जीवन बाँच्नेमा पर्थिन्, अमृता प्रितम । हिन्दीका गिनेचुनेका नारी स्रष्टा प्रितमले लेखेकी आत्मकथा ‘रसिदी टिकट’ आजपर्यन्त रुचिपूर्वक पढिने आत्मकथाको लहरमा- ...
पूरा पढ्नुहोस्

नयाँ पुस्तक

सपनाहरूको कोमल दस्तावेज

सरल, बोधगम्य र शालीन शब्दहरू बिछ्याउँदै कविता लेख्नेमा पर्दछन्, बोधराज पौडेल । काठमाडौं वा अरू सहर–बजारमा बस्ने कविहरू कविताको खेतीभन्दा धेरै ‘पब्लिसिटी’ को धन्दामा निर्लिप्त- ...
पूरा पढ्नुहोस्

छोटकरीमा