14th August 2018, Tuesday

E-budhabar

८० उपसचिव यता न उता



काठमाडौं । शिक्षा तथा विज्ञान प्रविधिमन्त्री गिरिराजमणि पोखरेलको अकर्मण्यताका कारण अहिले ८० जना उपसचिव कामविहीन बन्न पुगेका छन् । करिब डेढ महिनादेखि कामविहीन बनेका उपसचिवहरूले हाजिर गरेर नै दिन कटाइरहेका छन् ।
नयाँ पुनःसंरचनाअनुरूप यसअघि शिक्षा मन्त्रालयमा रहेका तीनवटा निकाय गाभिएर अहिले शिक्षा तथा मानव स्रोत विकास केन्द्र गठन भएको छ । उक्त केन्द्र शिक्षा विभाग, परीक्षा नियन्त्रण कार्यालय र अनौपचारिक शिक्षा केन्द्र गाभिएर बनेको हो । तर, यी निकायहरू गाभिएर एउटै केन्द्र बन्दा उपसचिवहरू कामविहीन बन्न पुगेका हुन् । अहिले केन्द्रमा चार जना सहसचिव र १३ जना उपसचिवको मात्र दरबन्दी कायम गरिएको छ । तर, तत्कालीन शिक्षा विभागमा तीन सहसचिव र २६ जना उपसचिव, परीक्षा नियन्त्रक कार्यालयमा एक जना सहसचिव र १० जना उपसचिव र अनौपचारिक शिक्षा केन्द्रमा एक जना सहसचिव र चार जना उपसचिव कार्यरत थिए ।
तीन वटै निकाय गाभिएर केन्द्र बन्दा एक जना सहसचिव र २७ जना उपसचिव कामविहीन बन्न पुगेका छन् । यसैगरी, साउन १ गतेदेखि सबै जिल्ला शिक्षा कार्यालय खारेज भएपछि अहिले ५२ जना उपसचिव पनि केही काम नपाएर केन्द्रमा नै दैनिक रूपमा हाजिर गरिरहेका छन् । केही उपसचिवको व्यवस्थापन भए पनि तीनवटा निकायमा रहेका र जिल्लामा रहेका करिब ८० जना उपसचिव कामविहीन बन्न पुगेका हुन् ।
मन्त्री पोखरेलले कामविहीन ८० उपसचिवको असार मसान्तभित्र नै समायोजन गर्ने कुरा बताएका थिए । तर, साउनको आधा बितिसक्दा पनि उपसचिवहरूलाई कहाँ–कता जिम्मेवारी दिने भन्नेमा मन्त्री पोखरेल गम्भीर नदेखिएको बताइन्छ ।

Leave a Reply

... र यो पनि ...

चक्रपथ

सरकारको बाटोमा अदालतको तगारो

काठमाडौं । दुई तिहाइ बहुमत प्राप्त स्थिर सरकारलाई आफ्नो ढंगले काम गर्न अदालतले पटकपटक तगारो लगाएको छ । अघिल्लो सरकारले राजनीतिक आस्थाका आधारमा जाँदा जाँदै गरेका नियुक्तिहरू- ...
पूरा पढ्नुहोस्

स्रष्टा र सिर्जना

साउने प्रतिज्ञा

हरेक दिन दाह्री–जुँगा मिलाएर हिँड्ने एकजना साथी दाह्री–जुँगा पालेको अवस्था देखेपछि प्रश्न गर्न मन लाग्यो, ‘दाह्री–जुँगा पाल्न थाल्नुभएछ नि, किन यस्तो विरूप हो ?’ ती साथीले जवाफ- ...
पूरा पढ्नुहोस्

नयाँ पुस्तक

समस्याको उठान

देश, समाज र परिवारभित्र दैनन्दिन रूपमा अनेक घटनाहरू जन्मिरहेका हुन्छन् । निश्चय नै, त्यस्ता घटनाहरूले मानिसको जीवनमा सानाठूला प्रभाव पार्दछन् । कुनै घटनाको प्रभाव क्षणिक हुन्छन्- ...
पूरा पढ्नुहोस्

छोटकरीमा