22nd October 2018, Monday

E-budhabar

सुरुङ मार्गमा अझै कुश नै हावी



काठमाडौं । केही महिनाअघि काठमाडौं–हेटौंडा सुरुङ मार्ग सञ्चालन गर्ने जिम्मेवारी पाएको नेपाल पूर्वाधार विकास कम्पनीको नेतृत्वबाट कुशकुमार जोशीलाई हटाइए पनि अझै उनी नै शक्तिशाली देखिएका छन् । केही दिनअघि कम्पनीको अध्यक्ष भवन भट्टको अध्यक्षतामा बसेको बोर्ड बैठकले सहअध्यक्ष बनाइएका इन्जिनियर लालकुमार केसीलाई हटाएपछि बोर्डभित्र अझै जोशी नै शक्तिशाली रहेको देखिएको हो ।
फुलब्राइट कन्सल्टेन्सीका सञ्चालक रहेका केसी यसअघि कम्पनीको उपाध्यक्ष थिए । उनले नै ‘जोशी हटाए मात्र सुरुङ मार्ग बन्ने भन्दै’ संघर्ष समिति बनाएर कुलेखानीका राजुमान महर्जनहरूलाई जोशीविरुद्ध परिचालन गरेका थिए ।
अन्तत: जोशीले कम्पनी अध्यक्षबाट छोड्नुपर्ने अवस्था आएपछि भट्ट अध्यक्ष भएका थिए । केसीको आफैं अध्यक्ष बन्ने दाउ रहे पनि आफू छोड्ने अवस्थामा जोशीले भट्टलाई समर्थन गर्न
पुगेका थिए । केसीले काठमाडौं–कुलेखानी–हेटौंडा सुरुङ मार्गको सम्भाव्यता अध्ययन र गुरुयोजना निर्माण गरेको भन्दै अहिलेसम्म उठेको रकममध्ये ८० प्रतिशत भुक्तानी लिएको बताइन्छ ।
प्रतिस्पर्धाका आधारमा परामर्शदाता चयन गर्नुपर्नेमा आफू बोर्डमा भएको अवस्थामा अन्य सदस्यहरूलाई समेत प्रभावमा पारी केसीले अहिलेसम्मका सबै ठेक्का आफ्नै कम्पनीलाई दिलाएका थिए । तर, सहअध्यक्ष भएको तीन महिना पनि नकट्दै सहअध्यक्ष केसी निकालिएका छन् । केसीले सुरुङ मार्ग तुहाउने गरी गम्भीर षड्यन्त्र गरेको अध्यक्ष भट्टको आरोप रहेको बताइन्छ ।
शनिबार बसेको सञ्चालक समिति बैठकले केसीलाई हटाएको हो । तर, सो बैठकमा सञ्चालकहरू सुभाषचन्द्र ठकुरी, जयराम लामिछाने, नवीन कँडेल र लाल केसी भने अनुपस्थित रहेको बताइन्छ । सुरुङ मार्ग बन्न नदिने योजनाअनुसार इन्जिनियरसमेत रहेका केसीलाई पदमुक्त गरिएको सञ्चालक ठकुरीको आरोप छ । यस प्रकरणपछि सञ्चालकहरूमा दुई गुट खडा भएको प्रस्ट छ ।
नवनियुक्त अध्यक्ष भट्टकै अध्यक्षतामा बसेको बैठकले कम्पनीमा केसीको नयाँ जिम्मेवारी समेतलाई परिभाषित गर्दै सहअध्यक्ष नियुक्त गरिएको थियो । केसीलाई यसबारे जानकारी लिन फोन गर्दा उनले मोबाइल उठाएनन् भने जोशीले ‘व्यस्त छु, अहिले कुरा गर्न मिल्दैन’ भन्दै फोन राखिदिए ।

Leave a Reply

... र यो पनि ...

चक्रपथ

करोडपति खरदार

ShareTweet काठमाडौं । सामान्यतया एक सरकारी कर्मचारी त्यो पनि खरदार तहको । उसको तलबले काठमाडौंको यो महँगीमा केके गर्न पुग्ला ? स्वाभाविक उत्तर हुन्छ– जेनतेन परिवार पाल्न- ...
पूरा पढ्नुहोस्

स्रष्टा र सिर्जना

खुम्चिँदो अनुवाद

ShareTweet केही दशकयता नेपाली प्रकाशन व्यवसाय आशातित रूपले फस्टाएको छ । खासगरी, २०६२÷०६३ को राजनीतिक परिवर्तनपछि प्रकाशन व्यवसायले पनि अपेक्षाकृत ढंगमा गति लिन थालेको- ...
पूरा पढ्नुहोस्

नयाँ पुस्तक

६ दशकअघिको तस्बिर

ShareTweet वर्तमान समयमा मानिसहरू सम्मानित, स्वतन्त्र र निष्ठापूर्वक बाँच्न पाएका छन् । तर, युगौंअघि भने नेपाली समाज भयावह परिस्थिति बेहोरेर बाँचेको थियो । सती, दासजस्ता- ...
पूरा पढ्नुहोस्

छोटकरीमा