18th February 2020, Tuesday

E-budhabar
Header Right Side NTC Advertisement

म अरू उम्मेदवारभन्दा निकै अगाडि छु

म अरू उम्मेदवारभन्दा निकै अगाडि छु

० कमलामाई नगरपालिकामा स्थानीय निर्वाचनको चुनावी गतिविधि कसरी अघि बढेको छ ?

– जुन दिनबाट मलाई हाम्रो पार्टी नेकपा (एमाले) ले सर्वसम्मत रूपमा उम्मेदवारका रूपमा अघि सा¥यो, त्योभन्दा पछाडि यो कमलामाई नगरपालिकाका १४ वटा वडामध्ये वडा नम्बर १ बाट कार्यक्रम सञ्चालन भयो । लगभग अहिलेसम्मको अवस्थामा म १२ वटाजति वडा घुमिसकेको छु । म नगएका वडाहरूमा पनि कार्यकर्ताहरू गएर अहिलेको अवस्थामा निर्वाचनको आवश्यकता छ, स्थानीय निकायमा जनप्रतिनिधिविहीन भएर भूकम्पपीडितले राहत नपाउने, जनताका प्रत्यक्ष सरोकारका विषयमा काम नउठ्नेलगायतका जुन अवस्था सिर्जना भएको छ, त्यसलाई चिर्न हामीले चुनावी अभियानसँगै यो एजेन्ड जनतासमक्ष लिएर गएका छौं । यो अभियान तीव्रताका साथै १४ वटै वडामा प्रचारप्रसार समिति, जनपरिचालन समिति गठन गरेर अहिले हामीले यो चुनावी प्रचारको अभियानलाई तव्रिताका साथ अगाडि बढाएका छौं ।

० चुनावी दौरानमा अरूभन्दा कसरी तपाई पृथक् हुनुहुन्छ ?

– म यो नगरपालिकामा २०४९ सालमा पनि वडा अध्यक्ष भएँ । सिद्धेश्वर गाविसको कार्यवाहक अध्यक्ष भएँ । २०५४ सालको स्थानीय निकायको निर्वाचनमा वडा सदस्य भएर कमलामाई नगरपालिकाको सभामुखको भूमिका निर्वाह गरेर नगर परिषद् सञ्चालन गर्ने मौका पाएँ । त्योभन्दा पछाडि पनि पार्टीले मलाई स्थानीय निकायमा काम हेर्न भनेर कमलामाई नगरपालिकामा प्रतिनिधीका रूपमा निरन्तर पठायो । मलाई स्थानीय रूपमा जनताको काम गर्नुपर्ने र जनतासँग प्रत्यक्ष सरोकर जोडिएका विषयहरूमा मैले लामो अनुभवका आधारमा के देखिरहेको छु भन्दा स्थानीय तहमा जनताका सरोकारका विषय के–के हुन् ? वास्तवमा जनता अहिले के चीजको अभावमा पिल्सिएका छन्, ती चिजहरूमा मैले मसिनो गरेर अध्ययन गर्ने अवसर पाएको छु । यसले गर्दा स्थानीय निकायमा मैले अरूको भन्दा पृथक् अवश्य काम गर्नेछु । सांगठनिक रूपमा अहिले भएका नगरका १४ वटै वडा र टोलटोलमा म जनतासँग प्रत्यक्ष भिजेको छु । मलाई अहिलेसम्म अन्य राजनीतिक दलले दिएका उमेद्वारहरूभन्दा यहाँ नगरवासीले पनि मूल्यांकन गरेको छ कि सबैभन्दा बढी स्थानीय निकायमा काम गरेको अनुभव पनि भएको मान्छे र गाउँमा पनि जनताका बीचमा लोकप्रिय रहेर भूमिका खेलेको मान्छे भनेर सबैले चिन्छन् । म प्रत्येक बस्तीमा पुगेको छु । त्यसकारण, अरू उम्मेदवारभन्दा म निकै अगाडि छु ।

० तपाईंको चुनावी एजेन्डाहरू केके छन् ?

– नेकपा (एमाले) ले अहिले राष्ट्रिय राजनीतिमा जुन किसिमको माहोल स्थापना ग¥यो, राष्ट्रिय रूपमा यसले जुन किसिमको मुद्दा यसले बोक्यो, जुन ढंगले राष्ट्रिय माहोल बनायो, त्यसैगरी स्थानीय तहमा ती चिजहरूलाई व्यवस्थापन गर्न नेकपा (एमाले) का हामीजस्ता उम्मेदवारहरू आवश्यक भए । र, विजय हुनु पनि आवश्यक छ । अहिले पनि कैयौं वडामा खानेपानीका समस्या छ, बिजुलीको समस्या छन्, बाटोघाटोको समस्या छ, अहिले पनि वृद्धवृद्धाले भत्ता गाउँगाउँमा नपाएर बैंकमा धाउनुपर्ने अवस्था छ । यी चिजहरूको व्यवस्थापन गर्नु छ । अरू दलको नाराबाट स्थानीय तहमा यस्तो बजेट आएको होइन । नेकपा (एमाले) को जुन अवधारणा छ, त्यहीअनुसार वृद्धभत्ता आयो, अहिले यो नारा नेकपा (एमाले) को मात्र नारा नरहेर यो नारा भनेको नेपाली जनताको रह्यो । नेपाल सरकारको नारा रह्यो । तर, यसलाई व्यवस्थापन गरेर जनताको आधारभूत ठाउँमा पु¥याउन स्थानीय निकायमा कुन ठाउँमा आवास गृह निर्माण गर्ने, कुन ठाउँमा पुल निर्माण गर्ने, कुन ठाउँमा कलकारखाना निर्माण गर्ने, कुन ठाउँमा बजार व्यवस्थापन गर्ने, कुन ठाउँमा तरकारी खेती गर्ने, कुन ठाउँमा कृषियोग्य जमिनहरूलाई ब्लकको व्यवस्था गर्ने भन्ने कुरा ती चिजहरूमा अहिले देखिएका दलहरूका मान्छेहरूले यो चिजतिर ध्यान दिएको हामी देख्दैनौं । यो चिजलाई व्यवस्थापन गर्नका लागि नेकपा (एमाले) ले चुनाव जित्नुपर्छ । किनकि, अन्य दलहरूका काम हामीले देख्यौं । हिजो उहाँहरूले जितेका गाविसहरू देख्यौं । उहाँहरूले गरेका कामका अनुभव हेर्दाखेरि राष्ट्रिय रूपमा होस् चाहे स्थानीय रूपमा, त्यो खालको गतिविधि हामीले पाएनौं । यसकारण, मैले यो स्थानीय निर्वाचनमा नेकपा (एमाले) लाई यीयी आधारमा भोट हाल्नुपर्छ भनेर जनता नै भनिरहेका छन् ।

वृद्धभत्तालाई व्यवस्थित गर्न, उज्यालो नगरपालिका बनाउन, प्रत्येक वडामा स्वास्थ्य चौकी निर्माण गर्न, अहिले रहेका शिक्षा र स्वास्थ्य सेवा सुलभ पार्न हामीलाई मतदान गर्नुहोस् भनिरहेका छौं । पर्यटकीय दृष्टिकोणले कमलामाई नगरपालिका यस्तो खालको नगरपालिका हो, हिजो अंग्रेजहरूलाई जुन ढंगले सिन्धुलीवासी जनताले लखेटे, जुन तोपहरू खोस्न सफल भए, त्यसैलाई आधार मानेर सिन्धुली जिल्लालाई एउटा पर्यटकीय जिल्ला बनाउने हामीसँग भिजन छ । यहाँ होमस्टेका रूपमा रहेका जलकन्या गाविस, भद्रकाली गाविसलाई अझ विकास गर्न सकिन्छ । त्यहाँ अग्रेजहरूलाई लखेटेको ठाउँलाई पर्यटकीय स्थानका रूपमा विकास गर्न सकिन्छ । यसैगरी, यहाँ धार्मिक तीर्थस्थलहरू छ । त्यहाँ अहिले पनि हजारौं दर्शनार्थीहरू तीर्थयात्राका लागि आउँछन् । त्यसैगरी, हाम्रो यहाँ सिद्धबाबा मन्दिर छ । जुन सिद्धबाबा मन्दिरले सिन्धुली जिल्लाको नामकरण गरेको भन्ने कुरा आएको छ । यहाँ कालीमाई मन्दिर छ । यी र यस्ता कुराहरूको व्यवस्थापन गर्न हामी स्थानीय तहमा हिजोदेखि काम गरेका, अनुभव भएका मान्छेहरू आवश्यक हुन्छ भन्ने जनताको चाहना छ । धेरै नगरपालिकाको मैले अनुभव गर्दाखेरि यो कमलामाई नगरपालिका स्रोत र साधनले पनि सम्पन्न गराउन सक्छौं र त्यसका लागि नेकपा (एमाले) का हामीजस्ता जनताको स्तरमा लगातार काम गरेका उम्मेदवारको आवश्यकता छ भन्ने कुरा उठेको छ ।

Leave a Reply

Your email address will not be published. Required fields are marked *

... र यो पनि ...

  • सामान्यमा आफ्नै हात जगन्नाथ

    काठमाडौं । रोजेको आकर्षक ठाउँमा जाने इच्छा प्रायः सबै कर्मचारीको हुन्छ । कतिपय कर्मचारी त पहुँच नपुगेकै कारण वर्षौंदेखि दुर्गम र अनाकर्षक ठाउँमा बस्दै आएका छन् । वर्षौंदेखि घरपरिवारसँग टाढिएर बस्नुपरेको धेरै दर्दनाक पीडा छन् । तर, सामान्य प्रशासन मन्त्रालयमा बसेका केहीले भने आफ्नो सरुवा पनि भनेको ठाउँमा आफैंले गरेर...
  • हिमालयन बैंकमा होडबाजी

    काठमाडौं । हिमालयन बैंकमा राणा, श्रेष्ठ, खेतान र पाण्डे समूहबीचको विवाद उत्कर्षमा पुगेको छ । आज बुधबार हुने साधारणसभाबाट राणा र श्रेष्ठ समूहको एकाधिकार तोड्न खेतान समूह सक्रिय भएको छ । एन ट्रेडिड्र कम्पनी प्रालि झम्सिखेलका तर्फबाट अध्यक्ष बनेका मनोजबहादुर श्रेष्ठ र आभा इन्टरनेसनलन प्रालि थापाथलीका तर्फबाट बैंकका प्रमुख कार्यकारी...
  • खरिपाटीमा ‘कोरोना’को त्रास

    काठमाडौं । कोरोना भाइरसबाट संक्रमित मुलुक चीनबाट फर्काइने नागरिकलाई राख्न भक्तपुरको खरिपाटीस्थित नेपाल विद्युत् प्राधिकरणको तालिम केन्द्र छनोट गरिएसँगै कर्मचारीहरूमा आतंक मच्चिएको छ । चीनबाट फर्काइने नागरिकलाई राख्न तीनचार ठाउँबारे छलफल चले पनि अन्ततः खरिपाटीमा नै राख्ने टुंगोमा सरकार पुगेको हो । सो स्थान सुरक्षित रहेको हुँदा सरकारले क्वारेन्टाइन राख्ने...

चक्रपथ

फागुनबाट नेकपाको विशेष अभियान

पार्टी प्रवेश, ¥यालीदेखि जनसभभासम्मको योजना काठमाडौं । नेपाल कम्युनिस्ट पार्टी (नेकपा) ले फागुन १ बाट पार्टी एकता सुदृढीकरण र जनसम्बन्ध विस्तार विशेष अभियान सञ्चालन गर्ने भएको छ । खासगरी पाँचमहिने कार्ययोजनासहित बनेको विशेष अभियान मूल रूपमा तीन महिना विशेष रूपले सञ्चालन गर्ने नेकपाको तयारी छ । गत १९ माघमा सम्पन्न...
पूरा पढ्नुहोस्

स्रष्टा र सिर्जना

ढुंगे युगतिर डोर्याउने धृष्टता

केही दिनपूर्व, प्रदर्शनीमार्गको एउटा पुस्तक पसलको दराजमा सजाइएको एउटा पुस्तकमा आँखा प¥यो, जुन पुस्तक एकजना विदेशी लेखकले लेखेका थिए र जसमा उनले नेपालका हिमालीदेखि अरु भूभाग घुम्दाका अनुभवलाई उतारेका थिए । हरेक पुस्तक किन्दा छुट लिने बानी नै परिसकेको हुँदा पुस्तक बिक्रेतालाई सोधें, ‘यो पुस्तक किन्दा कति छुट पाइन्छ ?’...
पूरा पढ्नुहोस्

नयाँ पुस्तक

फरक स्वरध्वनि

तीन दशकयता कविता–कर्म र साधनामै व्यस्त छन्, वीरु बाङ्देल । सिक्किमका बासिन्दा बाङ्देलले नेपाली भाषामा उम्दा काव्य सिर्जना गरेर पृथक पहिचान बनाउँदै आएका छन् । कवितालाई नै लेखनको मूल विषय बनाएका उनले आजको समाज र राजनीतिक परिस्थितिहरूको भित्री यथार्थको अभिव्यक्ति धेरै नै प्रभावशाली ढंगले पस्किँदै आएका छन् । उनको पछिल्लो...
पूरा पढ्नुहोस्

छोटकरीमा

  • फोटोमा हारजितको फैसला

    काठमाडौं । ‘तपाईंहरू यही हुनुहुन्छ तर तपाईंहरूकै फोटो राजारानीको जस्तो गरी राखिएको छ । यो फोटो राख्ने सामान्तवादी प्रवृत्ति हो । राजावादी प्रवृत्ति भयो । यो फोटो निकाल्नुहोस्, यसपटक सक्नुहुन्न भने अर्कोपटक नराख्नुहोला ।’ नेकपा केन्द्रीय कमिटी बैठक चलिरह“दा केन्द्रीय सदस्य राजेन्द्र राईले उठेर यसरी कडा स्वरमा प्रतिवाद गरेपछि १५...
  • कुन पार्टीमा जालिन् शिवमाया ?

    काठमाडौं । कुनै हालतमा राजीनामा नदिने अडानमा रहेकी तत्कालीन उपसभामुख डा. शिवमाया तुम्बाहम्फेले पार्टी केन्द्रीय सदस्यको हैसियतमा क्रियाशील हुने इच्छा व्यक्त गरेकी छन् । तत्कालीन सभामुख कृष्णबहादुर महराले गरेको गल्तीको सजाय आफूलाई दिन लागिएको भन्दै तुम्बाहाम्फेले आफूले गल्ती गरेको लिखित कारण पार्टीले दिनुपर्ने सर्त राखेकी थिइन् । सभामुखमा उम्मेद्वारी दिने...
  • वैदेशिक रोजगार पत्रकार समाजमा थापा

    काठमाडौं । वैदेशिक रोजगार पत्रकार समाजको साधारणसभाले हरिबहादुर थापाको अध्यक्षतामा सर्वसम्मतिले नयाँ कार्यसमिति चयन गरेको छ । शनिबार राजधानीमा सम्पन्न समाजको साधारणसभाले मिडिया मिसनका सञ्चालक थापाको अध्यक्षतामा ११ सदस्यीय कार्यसमिति गठन गरेको हो । वैदेशिक रोजगार क्षेत्रमा कलम चलाउने सक्रिय सञ्चारकर्मीहरूको संस्थाका रूपमा समाज १० वर्षअघि स्थापना भएको हो ।...