11th December 2018, Tuesday

E-budhabar

जोगिनलाई डोलिन्द्रको दौडधुप



काठमाडौं । अख्तियार, लेखा समिति र शिक्षा मन्त्रालयले एकैपटक छानबिनको घेरामा तानेका साझा प्रकाशनका अध्यक्ष एवं महाप्रबन्धक डोलिन्द्रप्रसाद शर्माको छटपटी झनै बढ्न पुगेको छ । अचेल उनी बिहान साझामा पुग्छन् र ‘अख्तियारमा जानु छ, लेखामा जानु छ’ भनेर लगत्तै निस्कने गरेका छन् ।
गत बिहीबार उनी साढे ११ बजे साझाको केन्द्रीय कार्यालय पुल्चोक पुगेका थिए र १० मिनेटजति बसेर निस्किएका थिए । शुक्रबार भने साढे १० तिर पुगे र लगत्तै निस्किए । आइतबार पनि साढे ११ बजे पुगेर ३ बजे आउँछु भन्दै निस्किए । तर उनी ३ बजे फर्किएनन् । बिहान सबेरै साझामा पुगेर बाहिर निस्किने गरेका अध्यक्ष शर्माले अख्तियार दुरुपयोग अनुसन्धान आयोगमा ‘कुरा मिलाउन’ अहिले सबै समय त्यतैतिर लगाएको बताइन्छ ।
शिक्षा मन्त्रालयको तीन सदस्यीय छानबिन समितिले लगेको साझाको कागजपत्रहरू फिर्ता गरेपछि अहिले सोही कागजपत्र अख्तियार दुरुपयोग अनुसन्धान आयोगले लगेर छानबिन गरिरहेको छ । तर शिक्षा मन्त्रालयले बनाएको छानबिन समितिले भने शिक्षामन्त्री गोपालमान श्रेष्ठसमक्ष प्रतिवेदन बुझाइसकेको छ । समितिले आइतबार प्रतिवेदन बुझाएको हो । तर सोमबार सरकारी कार्यालय बिदा भएको हुँदा प्रतिवेदनमाथि मंगलबारदेखि अध्ययन गरेर आवश्यक कारबाही अगाडि बढाइने अपेक्षा गरिएको छ । अख्तियारले पनि आफ्नै हिसाबले छानबिन गरिरहेको बताइन्छ । यसैगरी व्यवस्थापिका–संसद्का लेखा समितिले साझाका अध्यक्ष शर्मालाई गएको साउन २० गते नै पाँच दिनभित्र पाँच वर्षको आयव्यय विवरण बुझाउन निर्देशन दिएको थियो । उनी त्यही आयव्यय विवरण बुझाउनकै निम्ति लेखा समितिमा धाइरहेको बताइन्छ ।
साझाको रकममा जापान जाने अध्यक्ष शर्मा र मनोनीत सञ्चालकहरूको सपना भने तुहिन पुगेको छ । जापानमा हुने एक साहित्यिक कार्यक्रममा भाग लिन अध्यक्ष शर्मा, सञ्चालकहरू दीनानाथ शर्मा, प्रदीप नेपाल, अध्यक्ष शर्माका पीए सविता केसी र ‘नागरिक’ दैनिकमा कार्यरत रुबी रौनियार जाने टुंगो लागेको थियो । तर लेखा समितिका सांसद्हरूले र मिडियाले समेत ऋण र घाटामा चलिरहेको साझाको रकम खर्च गरेर जापान जाने कुराको विरोध गरेपछि उनीहरूको जापान भ्रमण रोकिन पुगेको हो । तर उनीहरूकै टिमका रहेका राधेश्याम लेकाली र सुरेन्द्र अस्तफल भने जापान गएका छन् ।

Leave a Reply

... र यो पनि ...

चक्रपथ

बुधबार २४औं वर्षमा

ShareTweet काठमाडौं । आजबाट बुधबार साप्ताहिक २३ वर्ष लामो यात्रा पूरा गरी २४औं वर्षमा प्रवेश गरेको छ । मिसनसहितको जनपक्षीय पत्रकारिताको आवश्यकता पूरा गर्दै अघि बढेको- ...
पूरा पढ्नुहोस्

स्रष्टा र सिर्जना

सिर्जनाको मझेरीमा उपेक्षित किसान

ShareTweet – मधेस सदैव उर्वर भूमि रहँदै आयो । अन्नबालीको प्रचुरता रहेको मधेसका जनताले चिनी कारखाना खुल्न थालेपछि उखु खेतीलाई प्रश्रय दिए । नगदे बालीका रूपमा परिचित- ...
पूरा पढ्नुहोस्

नयाँ पुस्तक

उज्यालोको एउटा गीत

ShareTweet अक्सर कविहरूसामु विषयवस्तुको छनोट र बिम्बविन्यासको क्रममा उज्यालो या अँध्यारोमध्ये कुन पक्षलाई प्रधान मान्ने भन्ने विषयमा गम्भीर प्रश्न खडा भइदिन्छ ।- ...
पूरा पढ्नुहोस्

छोटकरीमा