21st February 2019, Thursday

E-budhabar

आर्थिक लाभका निम्ति व्यापक सरुवा



काठमाडौं । मन्त्री र सचिवको मिलेमतोमा संघीय मामिला तथा स्थानीय विकास मन्त्रालयका कर्मचारीहरूको व्यापक रूपमा सरुवा भएको छ । उपप्रधान तथा स्थानीय विकासमन्त्री विजयकुमार गच्छदारलाई आर्थिक प्रलोभनमा पारेर सचिव दिनेशकुमार थपलियाले कर्मचारीहरूसँग आर्थिक मोलमोलाइ गरी व्यापक रूपमा सरुवा गरिएको बुझिएको छ ।

प्रधानमन्त्री शेरबहादुर देउवाको भारत भ्रमणपछि सो मन्त्रालयबाट आफ्नो अन्यत्रै सरुवा हुने संकेत पाएपछि सचिव थपलियाले कर्मचारीहरूको सरुवा गर्न रुचि देखाएको बताइन्छ । सचिव थपलियाले कर्मचारीहरूसँग आर्थिक लेनदेन नै गरेर सरुवा गरिएको सूत्रको दाबी छ । सचिव थपलियाले दरबन्दी नभएकै ठाउँमा समेत रकम लिएर काजसरुवा गरेको समेत पाइएको छ ।

सरुवा हुनेहरूमा तत्कालीन मन्त्री कमल थापाका स्वकीय सचिव हीरालाल रेग्मीलाई मन्त्रालयकै आकर्षक विभाग स्थानीय पूर्वाधार तथा कृषि सडक विभाग (डोलिडार) मा सरुवा गरिएको छ । डोलिडारमा कार्यरत राजेन्द्र केसीलाई भने मन्त्रालयमा सरुवा गरिएको छ । सचिव थपलियाले रेग्मीसँग आर्थिक लेनदेन गरेर नै डोलिडारमा सरुवा गरेको बुझिएको छ ।

यसैगरी सरुवा हुनेहरूमा सागर मिश्रलाई जिल्ला समन्वय समिति डोल्पाबाट इटहरी उपमहागरपालिका, टीकादत्त राईलाई इटहरी उपमहानगरपालिकाबाट मन्त्रालय, प्रदीपराज अधिकारीलाई कालिकोटबाट गोरखा नगरपालिका, जीवन आले मगरलाई गोरखा नगरपालिकाबाट तनहुँको आँबुखैरेनी गाउँपालिका, दुर्गा थापालाई आँबुखैरेनी गाउँपालिकाबाट मन्त्रालयमा सरुवा गरिएको छ । रेइमन्ड थापा मगरलाई डोटीको जोरायल गाउँपालिकाबाट काभ्रेको महाभारत गाउँपालिका, पीताम्बर रिमाललाई रौतहटको गढीमाई नगरपालिकाबाट पर्वतको महाशिला गाउँपालिका, विष्णुमाया ढकाललाई महाशिला गापाबाट मन्त्रालय, रेखराज दाहाललाई मन्त्रालयबाट झापाको केचनाकवल गापा र गंगादेवी न्यौपानेलाई केचनाकवल गापाबाट डोलिडारमा काजसरुवा गरिएको छ ।

यसरी नै रवीन अधिकारीलाई जिसस पर्वतबाट पाटन नगरपालिका बैतडी, दशरथ वडलाई पाटन नपाबाट महोत्तरी जिसस, देवी चालिसेलाई डुंगेश्वर नपा दैलेखबाट मन्त्रालय, ढोलकराज ढकाललाई मन्त्रालयबाट मण्डन देउपुर नपा काभ्रे, लक्ष्मीकुमारी पन्तलाई कैलाली जिससबाट काठमाडौं महानगरपालिका, प्रमोद तिमिल्सिनालाई रामारोशन नपाबाट अछामबाट सुनकोसी नपा सिन्धुपाल्चोक, भक्तबहादुर राईलाई नेचासल्यान गापा सोलुखुम्बुबाट सुनकोसी गापा उदयपुर, युवराज आचार्यलाई रतुवामाई नपा मोरङबाट मेन्छयायम गापा तेह्रथुम, रेणु थपलियालाई सैलुङ गापा दोलखाबाट मन्त्रालय र प्रमोद सिम्खडा मन्त्रालयबाट शंकरापुर नपा काठमाडौंमा काजसरुवा गरिएको छ । केही दिनयता मात्रै मन्त्रालयले करिब सय जनाको हाराहारीमा कर्मचारीको काजसरुवा गरेको छ ।

यसैगरी, सचिव थपलियाले डोलिडारलाई खारेज नगर्न लबिङ गर्न उक्त विभागमा कार्यरत करिब २ सय ६७ जना इन्जिनियरहरूबाट रकम उठाएर मन्त्री गच्छदारलाई बुझाएको चर्चा अहिले सो मन्त्रालयभरि चलेको छ । ती इन्जिनियरहरूबाट सचिव थपलियाले करिब ६० लाख उठाएर मन्त्रीको मुख टालिदिएको सूत्रको दाबी छ ।

Leave a Reply

Your email address will not be published. Required fields are marked *

... र यो पनि ...

चक्रपथ

लेखापढी व्यवसायीलाई मर्यादित बनाउनुपर्ने

ShareTweet काठमाडौं । ललितपुर जिल्ला अदालतका जिल्ला न्यायाधीश बालमुकुन्द दवाडीले लेखापढी व्यवसायलाई मर्यादित बनाउनुपर्ने बताएका छन् । नेपाल लेखापढी कानुन व्यवसायी- ...
पूरा पढ्नुहोस्

स्रष्टा र सिर्जना

एउटा समृद्ध गीतको इतिवृत्त

ShareTweet २०४६ सालमा निरंकुश पञ्चायती व्यवस्थाविरुद्ध जनजागृत तुल्याउन त्यही गीतलाई रोजियो । २०६२–०६३ सालको जनआन्दोलनलाई सफल तुल्याउने हेतुले जनतालाई सडकमा ओराल्न–जगाउन- ...
पूरा पढ्नुहोस्

नयाँ पुस्तक

परिवेश खोतल्ने कथाहरू

ShareTweet हामी बाँचिरहेको समाज ढोंग, आडम्बर र देखासिकीको जगमा उभिएको छ । भित्र खोक्रो भए पनि बाहिर सम्पुष्ट देखिनुपर्ने संस्कृति सामन्ती समाजले हामीलाई उपहारस्वरूप- ...
पूरा पढ्नुहोस्

छोटकरीमा