20th October 2018, Saturday

E-budhabar

आजबाट १४ स्थानमा चुनावी संयुक्त सभा



ओली र प्रचण्ड देश दौडाहामा
काठमाडौं । संयुक्त वाम गठबन्धनले आजबाट देशका १४ सहरमा विशाल संंयुक्त चुनावी सभा आयोजना गर्ने भएका छन् । चुनावी तालमेल र पार्टी एकताको सन्देश दिने उद्देश्यले नेकपा (एमाले) र नेकपा (माओवादी केन्द्र) ले संयुक्त चुनावी सभा गर्न लागेका हुन् ।
आज गोर्खाबाट सुरु हुने संयुक्त चुनावी सभा भोलि बागलुङ र स्याङजा हुँदै ९ मंसिरमा कास्कीको पोखरामा पुगेर समापन हुनेछ । संयुक्त सभालाई एमाले अध्यक्ष केपी शर्मा ओली माओवादी केन्द्रका अध्यक्ष पुष्पकमल दाहाल ‘प्रचण्ड’, एमाले वरिष्ठ नेता माधवकुमार नेपालसहित दुवै पार्टीका शीर्षस्थ नेताहरूले सम्बोधन गर्नेछन् । तालमेल र पार्टी एकता भाँड्न देशी–विदेशी तŒव सक्रिय भएपछि दुवै पार्टीका नेताहरूले चुनावी सभामार्फत भ्रमपूर्ण प्रचारबाजीको खण्डन गर्ने बुझिएको छ । यसअघि सुदूरपूर्वको ताप्लेजुङमा बृहत् संयुक्त चुनावी सभा सम्पन्न भएका थिए । त्यसैलाई निरन्तरता दिँदै नेताहरूले विराटनगर, चितवन, दाङ, बाँके, बर्दिया, बुटवल, धनगढी ताप्लेजुङमा दुवै पार्टीको संयुक्त चुनावीसभा सम्पन्न भइसकेको छ । त्यस्तै, गोर्खा, बागलुङ, पोखरा, दाङ, बर्दिया, रूपन्देही, दैलेख, सुर्खेत, कैलाली र कञ्चनपुरलगायतमा चुनावी सभाहरू आयोजना हुनेछन् । ‘चुनावी तालमेल र पार्टी एकता प्रभावकारी बनाउन सभा हुन लागिरहेको हो,’ पोलिटब्युरो सदस्य तथा चुनावी परिचालन कमिटीका प्रचार संयोजक विष्णु रिमालले भने ।
सानेपाको केन्द्रीय कार्यालयबाट चुनाव परिचालन
वाम गठबन्धनले संयुक्त चुनाव परिचालन प्रभावकारी बनाउन ललितपुरको सानेपाबाट संयक्त चुनावी परिचालनको कार्यालय सुरु गरेका छन् । ‘चुनाव अवधिभर आपसी समन्वयका लागि संयुक्त रूपमा कार्यालय सञ्चालन भइरहेको छ, त्यहीँबाट देशैभर चुनाव परिचालन हुन्छ, रिमालले भने, ‘संयुक्त कार्यालय संचालन हुँदा पेरिसडाँडा दौडिने कि धुम्बाराही आउने अलमल अन्त्य भएको छ ।’

संयुक्त सभाको तालिका
कात्तिक २९ – गोर्खा
कात्तिक ३० – बागलुङ र स्याङ्जा
मंसिर २ – झापा (दमक)
मंसिर ३ – झापा (काँकडभिट्टा) र मोरङ (विराटचोक)
मंसिर ५ – चितवन
मंसिर ६ – बुटवल र दाङ
मंसिर ७ – सुर्खेत र दैलेख
मंसिर ८ – कैलाली र कञ्चनपुर
मंसिर ९ – कास्की (पोखरा)

Leave a Reply

... र यो पनि ...

चक्रपथ

करोडपति खरदार

ShareTweet काठमाडौं । सामान्यतया एक सरकारी कर्मचारी त्यो पनि खरदार तहको । उसको तलबले काठमाडौंको यो महँगीमा केके गर्न पुग्ला ? स्वाभाविक उत्तर हुन्छ– जेनतेन परिवार पाल्न- ...
पूरा पढ्नुहोस्

स्रष्टा र सिर्जना

खुम्चिँदो अनुवाद

ShareTweet केही दशकयता नेपाली प्रकाशन व्यवसाय आशातित रूपले फस्टाएको छ । खासगरी, २०६२÷०६३ को राजनीतिक परिवर्तनपछि प्रकाशन व्यवसायले पनि अपेक्षाकृत ढंगमा गति लिन थालेको- ...
पूरा पढ्नुहोस्

नयाँ पुस्तक

६ दशकअघिको तस्बिर

ShareTweet वर्तमान समयमा मानिसहरू सम्मानित, स्वतन्त्र र निष्ठापूर्वक बाँच्न पाएका छन् । तर, युगौंअघि भने नेपाली समाज भयावह परिस्थिति बेहोरेर बाँचेको थियो । सती, दासजस्ता- ...
पूरा पढ्नुहोस्

छोटकरीमा