25th August 2019, Sunday

E-budhabar
Header Right Side NTC Advertisement

गठबन्धनबाट ओली निर्विकल्प प्रधानमन्त्री



वाम गठबन्धनका प्रमुख नेता माओवादी केन्द्रका अध्यक्ष पुष्पकमल दाहाल ‘प्रचण्ड’ले एमाले अध्यक्ष केपी ओलीलाई भावी प्रधानमन्त्रीका रूपमा प्रस्ताव गरेका छन् । ठूलो दलको हैसियतमा ओली नै स्वाभाविक उम्मेदवार भएको भन्दै प्रचण्डले सार्वजनिक रूपमै ओलीलाई प्रधानमन्त्री प्रस्ताव गरेका हुन् । एमाले अध्यक्ष र गठबन्धनको प्रमुख नेता भएका कारण ओलीको विकल्पमा एमालेभित्र पनि कसैको दाबी नरहेको र प्रचण्ड स्वयंले प्रस्ताव गरेका कारण उनी निर्विकल्प अबको प्रधानमन्त्री बन्नेमा कुनै शंका छैन । यद्यपि, ओली आफैंले भने अहिलेसम्म यसबारे औपचारिक रूपमा मुख खोलिसकेका छैनन् । माओवादी केन्द्रकी प्रवक्ता पम्फा भुसाल गठबन्धनको प्रमुख नेताको हैसियतमा ओली नै स्वाभाविक प्रधानमन्त्रीको उम्मेदवार भएको बताउँछिन् ।
‘हाम्रो पार्टी अध्यक्षले ठूलो दलको हैसियतमा ओली कमरेड नै प्रधानमन्त्रीको उम्मेदवार हुने बताइसक्नुभएको छ, भुसालले भनिन्, ‘तर, अहिलेसम्म पार्टीभित्र औपचारिक छलफल हुन पाएको छैन ।’ एमाले अध्यक्ष ओली र माओवादी केन्द्रका अध्यक्ष प्रचण्ड तत्काल निर्वाचन परिणाम समीक्षा गर्दै सरकार गठनबारे छलफल गर्ने तयारीमा छन् । दुवै नेता गठबन्धनका प्रमुख नेता भएकाले गठबन्धन र एकता प्रक्रिया जनअनुमोदितसमेत भएको परिप्रेक्ष्यमा छिटो टुंग्याउनुपर्ने दबाबमा छन् । नयाँ सरकार गठन, पार्टी एकतालगायतका समग्र विषयमा पार्टी एकता संयोजन समितिमा छलफल गरेर मात्रै अन्तिम टुंगोमा पुग्ने दुवै दलको तयारी छ । समितिमा दुवै दलका शीर्ष नेताहरू पनि रहेकाले त्यहाँ निर्णय गरेर दुवै पार्टीले आन्तरिक छलफल गर्ने सम्भावना रहेको एक नेताले बताए । ‘एमालेमा छलफल भइसकेको छैन, तर प्रचण्डले नाम लिनुभएको छ, दुवै नेता पार्टी एकता संयोजन समितिमा प्रमुख नेता हुनुहुन्छ, एमालेका प्रवक्ता विष्णु रिमालले भने, ‘त्यसैले समितिले निर्णय गरेपछि पार्टीभित्र छलफल हुने सम्भावना छ ।’ तर, दुई नेताबीच को प्रधानमन्त्रीको उम्मेदवार बन्नेबारे कुनै सहमति नभएको उनले स्पष्ट पारे ।

 

Leave a Reply

Your email address will not be published. Required fields are marked *

... र यो पनि ...

चक्रपथ

नेकपामा कुन नेतालाई के जिम्मेवारी ?

ShareTweet काठमाडौं । नेपाल कम्युनिस्ट पार्टी (नेकपा) को गत शनिबार र आइतबार बसेको सचिवालय बैठकले पार्टीका केन्द्रीय विभागहरूको प्रमुख तथा उपप्रमुख र जनवर्गीय संगठनका- ...
पूरा पढ्नुहोस्

स्रष्टा र सिर्जना

निभ्यो समृद्ध ज्ञान–पुञ्ज

ShareTweet नेपाली भाषा, साहित्य, संस्कृति, दर्शन र पत्रकारिता जगत्का मनिषि मदनमणि दीक्षितको दुःखद अवसानले पूर्वीय दर्शन र चिन्तन परम्पराको क्षेत्रमा शून्यता प्रतीत- ...
पूरा पढ्नुहोस्

नयाँ पुस्तक

‘मित्रताको आकाश’मा इन्द्रधनुषी विम्ब

ShareTweet पूर्वरंग संस्कृत साहित्यको नीतिवचनमा एउटा भनाइ छ– संसार विषवृक्षस्य द्वेफले अमृतोपमे । काव्यामृत रसास्वाद संलाप सज्जनैः सह ।। नीतिवचन संग्रह ६।७ अर्थात्- ...
पूरा पढ्नुहोस्

छोटकरीमा